ໃນຕອນເຊົ້າຂອງວັນທີ 4 ມີນາ 2022 ນີ້ຢູ່ທີ່ຫ້ອງປະຊຸມຂອງສະພາປະຊາຊົນແຂວງບໍ່ແກ້ວ ໄດ້ຈັດພິທີປາຖະກະຖາມູນເຊື້ອວັນແມ່ຍິງສາກົນ ວັນທີ 8 ມີນາ 2022 ຄົບຮອບ 112 ປີ ( 8 ມີນາ 1910 – 8 ມີນາ 2022 ) ໂດຍໃຫ້ກຽດປາຖະກະຖາຂອງທ່ານ ນາງ ດາວ ໄຊເສດຖາ ກຳມະການພັກແຂວງຮອງປະທານສະພາປະຊາຊົນແຂວງ ເລຂາໜ່ວຍພັກສະພາປະຊາຊົນແຂວງ.

ມີຄະນະເລຂາທິການ, ຫົວໜ້າໜ່ວຍແມ່ຍິງ, ຕ່າງໜ້າອົງການຈັດຕັ້ງກຳມະບານ, ຊາວໜຸ່ມແລະສະມາຊິກແມ່ຍິງເຂົ້າຮ່ວມ ທັງໝົດ 19 ທ່ານ,ຍິງ 16 ທ່ານ ພິທີປາຖະກະຖາຄັ້ງນີ້ ທ່ານຮອງປະທານ ໄດ້ຜ່ານປະຫວັດມູນເຊື້ອແລະຄວາມເປັນມາຂອງສະຫະພັນແມ່ຍິງສາກົນ ທີ່ມີຄວາມອົງອາດກ້າຫານຄຽງບ່າຄຽງໄຫຼ່ ແລະຕໍ່ສູ້ທຸກບັ້ນຮົບທັງແນວໜ້າ ແລະ ແນວຫຼັງ ຂອງແມ່ຍິງທົ່ວໂລກກໍຄືແມ່ຍິງລາວ, ເພດຍິງແມ່ນມີສິດເທົ່າທຽບກັບເພດຊາຍເປັນເພດທີ່ມີຄວາມອ່ອນໂຍນແຕ່ບໍ່ອ່ອນແອ.

ໃນພິທີປາຖະກະຖາຄັ້ງນີ້ຍັງໄດ້ຜ່ານຂໍ້ຕົກລົງ ແລະ ມອບໃບຍ້ອງຍໍຂອງຄະນະບໍລິຫານງານສູນກາງສະຫະພັນແມ່ຍິງລາວວ່າດ້ວຍການຍ້ອງຍໍກົມກອງ
ແລະ ບຸກຄົນໃນການຈັດຕັ້ງປະຕິບັດຄໍາຂັວນ ແລະ ຂໍ້ແຂ່ງຂັນ 3 ດີ ສະໄໝທີ VII ( ປີ 2016 – 2020 ) ໜ່ວຍສະຫະພັນແມ່ຍິງສະພາປະຊາຊົນແຂວງ.