ໜ່ວຍຊາວໜຸ່ມ ສະພາປະຊາຊົນແຂວງບໍ່ແກ້ວ ໄດ້ຈັດປາຖະກະຖາມູນເຊື້ອວັນສ້າງຕັ້ງ ຄະນະຊາວໜຸ່ມປະຊາຊົນ ປະຕິວັດລາວ ຄົບຮອບ 69 ປີ (14 ເມສາ 1955-14 ເມສາ 2024) ໂດຍການປາຖະກະຖາຂອງ ສະຫາຍ ບຸນພັດ ສີສົມບັດ ຄະນະໜ່ວຍພັກສະພາປະຊາຊົນແຂວງ ເລຂາທິການສະພາປະຊາຊົນແຂວງ, ມີບັນດາສະມາຊິກຊາວໜຸ່ມເຂົ້າຮ່ວມ.

ທັງ​ນີ້, ກໍເພື່ອເຮັດໃຫ້ສະມາຊິກຊາວໜຸມ, ເຊື່ອມຊຶມຮັບຮູ້ເຂົ້າ ໃຈກ່ຽວກັບວິລະກຳອັນລ້ຳເລີດ, ທາດແທ້ ແລະ ອຸດົມການຂອງ ຄະນະຊາວໜຸ່ມປະຊາຊົນ ປະຕິວັດລາວ ຕະຫລອດໄລຍະ 60 ກວ່າປີຜ່ານມາ ແລະ ເຫັນໄດ້ການປະກອບສ່ວນຂອງ ຄະນະຊາວໜຸ່ມປະຊາຊົນ ປະຕິວັດລາວ ໃນການຕໍ່ສູ້ຢ່າງພິລະອາດຫານຕ້ານພວກຮຸກຮານຕ່າງຊາດເພື່ອຍາດເອົາເອກະລາດແຫ່ງຊາດມາໃຫ້ແກ່ປະຊາຊົນເຮົາ.

ໂອກາດ​ນີ້, ສະຫາຍ ບຸນພັດ ສີສົມບັດ ໄດ້ຍົກໃຫ້ເຫັນປະຫວັດແຫ່ງການກຳເນີດ ແລະ ເຕີບໃຫຍ່ຂະຫຍາຍຕົວຂອງ ຄະນະຊາວໜຸ່ມປະຊາຊົນ ປະຕິວັດລາວ ຕະຫລອດໄລຍະຫລາຍຮ້ອຍປີແຫ່ງການເຕົ່າໂຮມ, ການປົກປັກຮັກສາ ແລະ ສ້າງສາພັດທະນາປະເທດຊາດນັ້ນ, ຊາວໜຸ່ມຈໍານວນບໍ່ໜ້ອຍໄດ້ເສຍສະລະຊີວິດ ແລະ ເລືອດເນືື້ອ ເພື່ອປົກປັກຮັກສາເອກະລາດ ແລະ ຜືນແຜ່ນດິນອັນແສນຮັກຂອງຕົນໄວ້ ແລະ ຜ່ານຂະບວນການດັ່ງກ່າວນັ້ນ ໄດ້ເກີດມີບັນດາ ບັນພະບູລຸດທີ່ມີຊື່ສຽງ ເຊັ່ນ: ຂຸນບູລົມ, ເຈົ້າຟ້າງຸ່ມ, ເຈົ້າສຸລິຍະວົງສາ, ເຈົ້າໄຊຍະເສດຖາທິລາດ, ເຈົ້າອະນຸວົງ, ປະທານ ໄກສອນ ພົມວິຫານ ແລະ ຜູ້ອື່ນໆ. ພັກປະຊາຊົນ ປະຕິວັດລາວ ໄດ້ຂະ ໜານນາມໃຫ້ຊາວໜຸ່ມວ່າ: ຊາວໜຸ່ມເປັນແຂນຂວາຂອງພັກ, ເປັນກະດູກສັນຫລັງຂອງປະ ເທດຊາດ, ເປັນຜູ້ສືບທອດມູນເຊືື້ອ ແລະ ວິລະກໍາປະຫວັດສາດທີ່ຈົງຮັກພັກດີຕໍໍ່ພັກ ​ເຊິ່ງທັງໝົດນັ້ນ ແມ່ນມູນເຊືື້ອອັນລວມຍອດຂອງຊາວໜຸ່ມລາວ ທີ່ຕອບສະໜອງໄດ້ຄວາມຮຽກຮ້ອງຕ້ອງການຂອງປະເທດຊາດ ໃນການເຮັດສໍາເລັດພາລະກໍາປະຫວັດ ສາດຂອງຕົນ ຄື: ປົດປ່ອຍ ປະເທດຊາດ ແລະ ເສີມຂະຫຍາຍບົດບາດ ປະຈັນບານເຂົ້າໃນສອງໜ້າທີ່ຍຸດທະສາດ ປົກປັກຮັກສາ ແລະ ສ້າງສາພັດທະນາປະເທດຊາດ ຕາມທິດຍືນຍົງສູ່ຈຸດໝາຍສັງຄົມນິຍົມ.