ກອງປະຊຸມປະເມີນໜ່ວຍພັກປອດໃສ, ເຂັ້ມແຂງ, ໜັກແໜ້ນປະຈໍາປີ 2024 ຂອງໜ່ວຍພັກສະພາປະຊາຊົນແຂວງ ໄດ້ໄຂຂຶ້ນໃນຕອນເຊົ້າວັນທີ 30 ມັງກອນ 2025 ໂດຍການເປັນປະທານຂອງ ສະຫາຍ ນາງ ອຸ່ນຫລ້າອ້ອຽງລໍລາດ ກຳມະການພັກແຂວງ ເລຂາໜ່ວຍພັກສະພາປະຊາຊົນແຂວງ, ມີບັນດາສະຫາຍເລຂາ, ຮອງເລຂາ, ສະມາຊິກພັກຕາງໜ້າຈາກໜ່ວຍພັກອ້ອມຂ້າງຄື ສານປະຊາຊົນແຂວງ, ພະແນກຍຸຕິທຳແຂວງ, ກວດກາ, ໂຄສະນາອົບຮົມ, ຄະນະຈັດຕັ້ງແຂວງ ພ້ອມດ້ວຍສະມາຊິກພັກໜ່ວຍພັກສະພາປະຊາຊົນແຂວງເຂົ້າຮ່ວມ 26 ສະຫາຍ.
ໃນວາລະກອງປະຊຸມ ສະຫາຍ ມີໄຊ ມີວິໄລ ເລຂາທິການສະພາປະຊາຊົນແຂວງໄດ້ຂຶ້ນຜ່ານຮ່າງບົດສະຫລຸບປະເມີນປະຈໍາປີ 2024 ແລະ ທິດທາງແຜນການປະຈໍາປີ 2025 ຂອງໜ່ວຍພັກສະພາປະຊາຊົນແຂວງໜ່ວຍພັກສະພາປະຊາຊົນແຂວງລວມມີສະມາຊິກພັກທັງໝົດ 40 ສະຫາຍ, ຍິງ 18 ສະຫາຍ, ສະມາຊິກພັກສໍາຮອງ 4 ສະຫາຍ, ຮຽນສະໜັບສະໜູນພັກ 4 ສະຫາຍ.
ໃນ 1 ປີຜ່ານມາຄະນະໜ່ວຍພັກໄດ້ເອົາໃຈໃສ່ສືກສາອົບຮົມການເມືອງແນວຄິດໃຫ້ຄະນະສະມາຊິກພັກໂດຍການຮ່ວມຊີວິດປະຈຳເດືອນເປັນປົກກະຕິ ແລະ ພະນັກງານລັດຖະກອນ , ພາຍໃຕ້ການຊີ້ນຳນຳພາຂອງຕົນໃຫ້ມີຄຸນທາດານເມືອງໜັກແໜ້ນ, ມີຄວາມຈົ່ງຮັກພັກດີ,ເຊື່ອໝັ້ນຕໍ່ການນຳພາຂອງພັກ ປະຕິບັດໜ້າທີ່ວິຊາສະເພາະທີ່ຖືກຮັບມອບໝາຍໃຫ້ມີຜົນສຳເລັດຕາມລະດັບຄາດໝາຍ; ໃນນີ້ດ້ານຄຸນທາດການເມືອງປະຕິບັດໄດ້ 1,9; ດ້ານແນວຄິດ ປະຕິບັດໄດ້ 1,5 ຄະແນນ, ດ້ານການຈັດຕັ້ງປະຕິບັດປະຕິບັດໄດ້ 1,5 ຄະແນນ, ດ້ານແບບແຜນນຳພາປະຕິບັດໄດ້ 1,9 ຄະແນນ, ລວມປະເມີນຜົນສະມາຊິກພັກແຂງທັງໝົດ 36 ສະຫາຍ, ຍິງ 14 ສະຫາຍ, ກວມເອົາ 100%, ໜ່ວຍພັກມີຄະແນນລວມໄດ້ 9,6 ຄະແນນ, ຈັດປະເພດແຂງ ຜ່ານການຕີລາຄາປະເມີນແຕ່ລະດ້ານຂອງໜ່ວຍໃນກອງປະຊຸມໄດ້ເຫັນດີເປັນເອກະພາບສະເໜີໃຫ້ຄະນະປະຈຳພັກແຂວງພິຈາລະນາເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນປະຈຳປີ 2024 ສໍາລັບທິດທາງແຜນການປີ 2025 ນີ້ຄະນະພັກສະພາປະຊາຊົນແຂວງຈະສືບຕໍ່ສ້າງສະມາຊິກພັກປອດໃສ, ເຂັ້ມແຂງ, ໜັກແໜ້ນໂດຍສືບຕໍ່ເອົາໃຈໃສ່ຈັດຕັ້ງເຊື່ອມຊືມແນວທາງນະໂຍບາຍຂອງພັກ, ລະບຽບກົດໝາຍຂອງລັດໃຫ້ສະມາຊິກພັກພະນັກງານລັດຖະກອນພາຍໃນສະພາປະຊາຊົນແຂວງໃຫ້ກວ້າງຂວາງເລີກເຊິ່ງ, ດ້ານຄຸນທາດການເມືອງສູ້ຊົນໃຫ້ໄດ້ 2 ຄະແນນ, ດ້ານແນວຄິດໃຫ້ໄດ້ 1,5 ຄະແນນ, ການຈັດຕັ້ງໃຫ້ໄດ້ 1,5 ຄະແນນ, ແບບແຜນນຳພາໃຫ້ໄດ້ 2 ຄະແນນ; ພ້ອມດຽວກັນ ຜູ້ແທນກອງປະຊຸມຍັງໄດ້ປະກອບຄຳຄິດເຫັນຕໍ່ຮ່າງບົດສະຫລຸບປະເມີນປະຈໍາປີ 2024 ແລະ ທິດທາງແຜນການປະຈໍາປີ 2025 ຂອງໜ່ວຍພັກສະພາປະຊາຊົນແຂວງໜ່ວຍພັກສະພາປະຊາຊົນແຂວງ ຢ່າງມີຈຸສຸມ ເພື່ອເຮັດໃຫ້ມີເນື້ອໃນສົມບຸນຂຶ້ນກວ່າເກົ່າ ແລະ ໄດ້ພ້ອມກັນເຫັນດີຕົບມືຮັບຮອງເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນປະຈຳປີ 2024.