ວັນທີ 8 ຕຸລາ 2024 ສະຫະພັນແມ່ຍິງຮາກຖານ ສະພາປະຊົນແຂວງຜົ້ງສາລີ ໄດ້ຈັດກອງປະຊຸມປະເມີນຂໍ້ແຂ່ງຂັນ 3 ດີ ປະຈໍາປີ 2024 ທີ່ຫ້ອງປະຊຸມສະພາປະຊາຊົນແຂວງ ½ ໂດຍການເປັນປະທານຂອງ ສະຫາຍ ນາງ ພອນສະຫວັນ ສັກຕິຄຸນ ເລຂາໜ່ວຍພັກສະພາປະຊາຊົນແຂວງ, ມີບັນດາຄະນະສະຫະພັນແມ່ຍິງຮາກຖານ ແລະ ສະມາຊິກສະຫະພັນແມ່ຍິງຮາກຖານ ພາຍໃນສະພາປະຊາຊົນແຂວງ ເຂົ້າຮ່ວມ.
ໃນກອງປະຊຸມ ໄດ້ຮັບຟັງ ສະຫາຍ ຮອງປະທານສະຫະພັນແມ່ຍິງຮາກຖານສະພາປະຊາຊົນແຂວງ ຜ່ານບົດສະຫຼຸບການຈັດຕັ້ງປະຕິບັດວຽກງານ ປະຈໍາ 3 ເດືອນ ແລະ ທິດທາງແຜນການ ປະຈໍາ 3 ເດືອນທ້າຍປີ 2024 ຂອງສະຫະພັນແມ່ຍິງຮາກຖານສະພາປະຊາຊົນແຂວງ ພ້ອມທັງຮັບຟັງການປະກອບຄໍາຄິດເຫັນ ຈາກສະມາຊິກ ຕໍ່ບົດສະຫຼຸບດັ່ງກ່າວ. ຈາກນັ້ນ, ກອງປະຊຸມກໍ່ໄດ້ດໍາເນີນການປະເມີນສະມາຊິກແມ່ຍິງ ໃນການປະຕິບັດເນື້ອໃນຂໍ້ແຂ່ງຂັນ 3 ດີ ປະຈໍາປີ 2024
ຕອນທ້າຍ, ປະທານກອງປະຊຸມໄດ້ມີຄໍາເຫັນໂອ້ລົມຕື່ມ ເຊິ່ງກ່ອນອື່ນສະຫາຍ ໄດ້ຍ້ອງຍໍຊົມເຊີຍ ແລະ ເອກະພາບຕໍ່ບົດສະຫຼຸບການຈັດຕັ້ງປະຕິບັດວຽກງານ ປະຈໍາ 3 ເດືອນ ແລະ ທິດທາງແຜນການ ປະຈໍາ 3 ເດືອນທ້າຍປີ 2024 ຂອງສະຫະພັນແມ່ຍິງຮາກຖານ ພ້ອມກັນນີ້, ສະຫາຍໄດ້ເນັ້ນຕື່ມ ຕໍ່ກັບບັນດາສະມາຊິກ ກໍ່ຄໍຄະນະສະຫະພັນແມ່ຍິງຮາກຖານ ນໍາເອົາເນື້ອໃນຂອງການປະເມີນໃນຄັ້ງນີ້ ແລະ ຄໍາຕໍານິສົ່ງຂ່າວ ຈາກບັນດາສະມາຊິກ ເພື່ອເປັນທິດທາງສືບຕໍ່ປັບປຸງໃນການຈັດຕັ້ງປະຕິບັດຂໍ້ແຂ່ງຂັນ 3 ດີ ໃນຕໍ່ໜ້າ ແລະ ເພື່ອເຮັດໃຫ້ການຈັດຕັ້ງປະຕິບັດໜ້າທີ່ການເມືອງ ມີຜົນສໍາເລັດຕາມແຜນການທີ່ວາງໄວ້ ແລະ ມີປະສິດຕິຜົນທີ່ດີກວ່າເກົ່າ
ພາບ-ຂ່າວ: ສຸນທອງ