(ສພຊ) ສະຫາຍ ນາງ ປານີ ຢາທໍ່ຕູ້ ກຳມະການກົມການເມືອງສູນກາງພັກ, ປະທານສະພາແຫ່ງຊາດ ແຫ່ງ ສປປລາວ ພ້ອມດ້ວຍຄະນະ ໄດ້ເຄື່ອນໄຫວຢ້ຽມຢາມ ແລະ ເຮັດວຽກຢ່າງເປັນທາງການ ຢູ່ ສປຈີນ ແລະ ເຂົ້າຮ່ວມພິທີປິດປີທ່ອງທ່ຽວລາວ-ຈີນ 2019 ທີ່ນະຄອນຫລວງປັກກິງ ສປຈີນ ລະຫວ່າງວັນທີ 16-20 ທັນວາ 2019. ເຂົ້າຮ່ວມໃນພິທີດັ່ງກ່າວມີສະຫາຍ ປ້າຍມ້າ ສືຫລີນ ຮອງປະທານສະພາປະຊາຊົນທົ່ວປະເທດຈີນ ພ້ອມດ້ວຍແຂກທັງພາຍໃນ ແລະ ຕ່າງປະເທດຈໍານວນໜຶ່ງ ເຊິ່ງສະຫາຍ ຈາງ ສູ ຮອງລັດຖະມົນຕີກະຊວງວັດທະນະທຳ ແລະ ທ່ອງທ່ຽວຈີນ ໄດ້ກ່າວຕ້ອນຮັບແຂກ ແລະ ໄດ້ຕີລາຄາສູງຕໍ່ການນຳສູງສຸດທັງສອງປະເທດ ລາວ ແລະ ຈີນ ທີ່ໄດ້ຕັດສິນໃຈຮ່ວມກັນເປີດປີທ່ອງທ່ຽວ ລາວ-ຈີນ ໃນປີ 2019 ເຊິ່ງເປັນສັນຍະລັກໃໝ່ໃນການຮ່ວມມືດ້ານທ່ອງທ່ຽວ ເພື່ອອຳນວຍຄວາມສະ ດວກໃຫ້ປະຊາຊົນທັງສອງປະເທດໄດ້ມີການໄປມາຫາສູ່ກັນຖານບ້ານໃກ້ເຮືອນຄຽງທີ່ດີຕໍ່ກັນ.
ໃນພິທີປິດປີທ່ອງທ່ຽວລາວ-ຈີນ 2019 ສະຫາຍ ກິແກ້ວ ໄຂຄຳພິທູນ ເລຂາທິການສູນກາງພັກ, ລັດຖະມົນຕີກະຊວງຖະແຫລງຂ່າວ ວັດທະນະທຳ ແລະ ທ່ອງທ່ຽວ ໄດ້ກ່າວວ່າ: ສປປລາວ ແລະ ສປຈີນ ໄດ້ຈັດໃຫ້ປີ 2019 ເປັນປີທ່ອງທ່ຽວລາວ-ຈີນ ເພື່ອປະຕິບັດຕາມຄວາມມຸ່ງມາດປາຖະໜາຂອງສອງຜູ້ນຳສູງສຸດລາວ-ຈີນ ຄື ສະຫາຍ ບຸນຍັງ ວໍລະຈິດ ເລຂາທິການໃຫຍ່ ປະທານປະເທດ ແຫ່ງ ສປປລາວ ແລະ ສະຫາຍ ສີ ຈິ້ນ ຜິງ ເລຂາທິການໃຫຍ່ ປະທານປະເທດ ແຫ່ງ ສປຈີນ ທີ່ຢາກເຫັນປະຊາຊົນທັງສອງປະເທດໄປມາຫາສູ່ກັນຖານບ້ານໃກ້ເຮືອນຄຽງ.
ສະຫາຍ ກິແກ້ວ ໄຂຄຳພິທູນ ຍັງໄດ້ກ່າວຂອບອົກຂອບໃຈເປັນຢ່າງຍິ່ງມາຍັງພັກ ແລະ ລັດຖະບານ ສປຈີນ ໂດຍສະເພາະກະຊວງວັດທະນະທໍາ ແລະ ທ່ອງທ່ຽວຈີນ ພ້ອມດ້ວຍຄະນະຮັບຜິດ ຊອບຈັດຕັ້ງພິທີ ທັງຝ່າຍຈີນ ແລະ ຝ່າຍລາວ ທີ່ໄດ້ຮ່ວມມືຢ່າງໃກ້ຊິດ ເຊິ່ງໄດ້ເຮັດໃຫ້ງານດັ່ງກ່າວມີປະສິດທິຜົນ. ການເປີດປີທ່ອງທ່ຽວລາວ-ຈີນ ປີ 2019 ເປັນການປະກອບສ່ວນຊ່ວຍໃຫ້ປະຊາຊົນສອງປະເທດໄປມາຫາສູ່ຖານບ້ານໃກ້ເຮືອນຄຽງທີ່ດີຕໍ່ກັນ ແຕ່ອະດີດ ກໍຄືປັດຈຸບັນ ແລະ ສືບຕໍ່ຍິ່ງໆຂຶ້ນໄປ ຈາກສາຍພົວພັນແບບຍຸດທະສາດຮອບດ້ານຍາວນານໝັ້ນຄົງຕາມທິດ 4 ດີ (ບ້ານໃກ້ເຮືອນຄຽງທີ່ດີ, ເພື່ອນມິດທີ່ດີ, ສະຫາຍທີ່ດີ ແລະ ຄູ່ຮ່ວມມືທີ່ດີ) ຈົນກາຍເປັນ “ຄູ່ຮ່ວມຊະຕາກໍາ ສັງຄົມນິຍົມ’’ ທີ່ບໍໍ່ມີຫຍັງສາມາດທັບມ້າງໄດ້. ລັດຖະບານແຫ່ງ ສປປລາວ ໄດ້ສະແດງຄວາມຊົມເຊີຍ ແລະ ຕີລາຄາສູງຕໍໍ່ການຈັດຕັ້ງປະຕິບັດປີທ່ອງທ່ຽວລາວ-ຈີນ2019 ເຊິ່ງທັງສອງຝ່າຍໄດ້ພ້ອມກັນເອົາໃຈໃສ່ຈັດຕັ້ງປະຕິບັດຢ່າງໄດ້ຮັບຜົນດີຫລາຍດ້ານ ເປັນຕົ້ນໄດ້ຈັດງານສັບປະດາວັດທະນະທໍາຈີນ ຄຽງຄູ່ກັບການວາງສະແດງຮູບພາບ ແລະ ງານສະແດງສິລະປະ ຈີນ ລະຫວ່າງວັນທີ 29 ພຶດສະພາ-3 ມິຖຸນາ 2019 ທີ່ນະຄອນຫລວງວຽງຈັນ, ຈັດງານບຸນໄຫວ້ພະຈັນ ພາຍໃຕ້ຫົວຂໍ້ “ມອບບົດກະວີໃຫ້ພະຈັນ” ລວມທັງຕ້ອນຮັບຄະນະສິລະປະ ຈາກແຂວງເສສວນ ທີ່ແຂວງຫລວງພະບາງ ແລະ ນະຄອນຫລວງວຽງຈັນ ໃນລະຫວ່າງວັນທີ 23-28 ກັນຍາ 2019 ເນື່ອງໃນໂອກາດທີ່ສະຫາຍ ຫວາງ ຢາງ ກໍາມະການກົມການເມືອງພັກກອມມູນິດຈີນ, ປະທານສະພາທີ່ປຶກສາການເມືອງທົ່ວປະເທດຈີນ ເຄື່ອນໄຫວຢ້ຽມຢາມລັດຖະກິດທີ່ ສປປລາວ ໂດຍສະເພາະແຂວງຫລວງພະບາງ ລະຫວ່າງວັນທີ 17-18 ພະຈິກ 2019 ທີ່ຜ່ານມາ. ຈັດຕັ້ງການຕ້ອນຮັບຂະບວນລົດຄາຣາວານ ນັກທ່ອງທ່ຽວຈີນ ຈໍານວນ 20 ຄັນ ເຂົ້າ ສປປລາວ ຈາກຊາຍແດນບໍ່ເຕັນ ລົງໄປເຖິງດ່ານຊາຍແດນໜອງນົກຂຽນ ເພື່ອສືບຕໍໍ່ໄປກໍາປູເຈຍ. ຄຽງຄູ່ກັນນັ້ນ ຝ່າຍຈີນຍັງໄດ້ຈັດຕັ້ງຊຸດເຝິກອົບ ຮົມພະນັກງານລາວນໍາທ່ຽວພາສາຈີນ ແລະ ໄດ້ມອບລົດ ຈໍານວນ 22 ຄັນ ໃຫ້ຝ່າຍລາວເປັນຂອງ ຂວັນ.
ສປຈີນ ໄດ້ເປີດຖ້ຽວບິນປະຖົມມະລືກ ວຽງຈັນ-ຊຽງໄຮ້-ວຽງຈັນ ໃນລະຫວ່າງວັນທີ 6-9 ມີນາ 2019 ທີ່ນະຄອນຊຽງໄຮ້ ສປຈີນ, ໄລຍະທີ່ສະຫາຍ ບຸນຍັງ ວໍລະຈິດ ຢ້ຽມຢາມລັດຖະກິດຢູ່ ສປຈີນ ທ້າຍເດືອນເມສາ 2019 ທີ່ຜ່ານມາ ໄດ້ຈັດຕັ້ງງານວາງສະແດງການທ່ອງທ່ຽວ ແລະ ສະແດງສິລະປະວັດທະນະທໍາລາວທີ່ ແຂວງຟູຈ້ຽນ; ໄດ້ເຄື່ອນໄຫວຮ່ວມກອງປະຊຸມເວທີປຶກສາຫາລືຫົວຂໍ້ຄວາມສີວິໄລແຫ່ງອາຊີ ແລະ ງານວາງສະແດງການທ່ອງທ່ຽວແຫ່ງອາຊີ ໃນລະຫວ່າງວັນທີ 14-18ພຶດສະພາ 2019 ທີ່ນະຄອນຫລວງປັກກິ່ງ, ໃນໄລຍະດຽວກັນ, ຝ່າຍຈີນ ກໍໍໄດ້ຕ້ອນຮັບຄະນະສິລະປະລາວ ຈໍານວນ 30 ສະຫາຍ ຮ່ວມພິທີເດີນຂະບວນພາເລດຮ່ວມກັບບັນດາປະເທດຕ່າງໆ ໃນພາກພືີ້ນອາຊີ ຢ່າງຟົດຟື້ນ; ເປີດຖ້ຽວບິນຮອບປະຖົມມະລືກ ວຽງຈັນ-ຫາງໂຈວ-ວຽງຈັນ ໃນລະຫວ່າງວັນທີ 30 ສິງຫາ-1 ກັນຍາ 2019 ທີ່ແຂວງເຈີີ້ຈຽງ ສປຈີນ ຄຽງຄູ່ກັບການຈັດຕັ້ງປະຕິບັດກິດຈະກໍາທີ່ກ່າວມາຂ້າງເທິງນັ້ນ ສປຈີນ ໄດ້ໃຫ້ຄະນະຜູ້ແທນລາວເຂົ້າຮ່ວມຫລາຍໆກິດຈະກໍາປິ່ນອ້ອມວຽກງານການທ່ອງທ່ຽວເຊັ່ນ: ງານວາງສະແດງອຸດສາຫະກໍາການທ່ອງທ່ຽວສາກົນ ທີ່ແຂວງກວາງຕຸ້ງ, ງານວາງສະແດງອາຊຽນ-ຈີນທີ່ກຸຍຫລີນ, ງານວາງສະແດງທ່ອງທ່ຽວສາກົນ ທີ່ຄຸນໝິງ, ກອງປະຊຸມແລກປ່ຽນດ້ານວິຊາການ, ຊຸດເຝິກອົບຮົມຍົກລະດັບຄວາມອາດສາມາດໃຫ້ແກ່ບຸກຄະລາກອນລາວ,ກອງປະຊຸມເວທີປຶກສາຫາລືລະດັບວິຊາການ ແລະ ເທສະການດ້ານວັດທະນະທໍາຕ່າງໆ ທີ່ ສປຈີນ ໄດ້ເປັນເຈົ້າພາບ.
ການເປີດປີທ່ອງທ່ຽວ ສະແດງໃຫ້ເຫັນໂດຍຜ່ານສະຖິຕິນັກທ່ອງທ່ຽວຈີນທີ່ເຂົ້າມາທ່ຽວລາວຈາກ 199.857 ເທື່ອຄົນ ໃນປີ 2012 ເປັນ 799.929 ເທື່ອຄົນ ໃນປີ 2018. ນັບມື້ເພີ່ມຂຶ້ນຕໍໍ່ເນື່ອງ, ປີ 2019 ຕາມສະຖິຕິທາງການຈໍານວນ 9 ເດືອນຕົ້ນປີ ມີນັກທ່ອງທ່ຽວຈີນທີ່ເຂົ້າມາທ່ອງທ່ຽວລາວຫລາຍກວ່າ 756.952 ເທື່ອຄົນ ແລະ ມີຄວາມຫວັງຄາດຄະເນໃນໄລຍະ 3 ເດືອນສຸດທ້າຍ ຂອງໄຕມາດປີນີີ້ ຄົງຈະບັນລຸເຖິງ 1 ລ້ານເທື່່ອຄົນ ຕາມຄາດໝາຍທີ່ວາງໄວ້, ຄຽງຄູ່ກັນນັ້ນ ນັກທ່ອງທ່ຽວລາວຈໍານວນບໍໍ່ໜ້ອຍ ກໍພາກັນມາທ່ຽວຈີນເຊັ່ນດຽວກັນ.
ຈາກນັ້ນ ກໍໄດ້ມີການຊົມວີດີໂອໂຄສະນາການທ່ອງທ່ຽວລາວ ແລະ ການສະແດງສິລະປະ ຈາກຄະນະສິລະປະຂອງ ສປປລາວ.
(ຄຳພັ