(ສພຊ) ວັນທີ 17 ທັນວາຜ່ານມາ​, ທີ່ຫ້ອງປະຊຸມໃຫຍ່ເມືອງຊຽງຮ່ອນ ແຂວງໄຊຍະບູລີ ທ່ານ ນາງ ປານີ ຢາທໍ່ຕູ້ ກໍາມະການກົມການເມືອງສູນກາງພັກ, ປະທານສະພາແຫ່ງຊາດ (ສພຊ) ໄດ້ເຄື່ອນໄຫວຢ້ຽມຢາມ ແລະ ເຮັດວຽກຢູ່ເມືອງຊຽງຮ່ອນ ແຂວງໄຊຍະບູລີ; ເຂົ້າຮ່ວມມີທ່ານ ສົມລິດ ເປືອກແກ້ວ ປະທານສະພາປະຊາຊົນແຂວງໄຊຍະບູລີ, ມີບັນດາທ່ານຮອງເລຂາພັກແຂວງ, ຮອງເຈົ້າແຂວງ, ເຈົ້າເມືອງ-ຮອງເຈົ້າເມືອງ 4 ເມືອງຄື: ເມືອງຊຽງຮ່ອນ, ເມືອງເງິນ, ເມືອງຫົງສາ ແລະ ເມືອງຄອບ, ພ້ອມດ້ວຍການນໍາອ້ອມຂ້າງເມືອງ ແລະ ແຂວງ, ພະນັກງານ, ທະຫານ-ຕຳຫລວດ ພ້ອມດ້ວຍພາກສ່ວນທີ່ກ່ຽວຂ້ອງ.

ໃນກອງປະຊຸມ, ທ່ານ ສົມລິດ ເປືອກແກ້ວ ໄດ້ລາຍງານສະພາບລວມໂດຍຫຍໍ້ຂອງແຂວງ ແລະ ການກະກຽມຄວາມພ້ອມໃຫ້ແກ່ການເລືອກຕັ້ງສະມາຊິກສະພາແຫ່ງຊາດ (ສສຊ) ຊຸດທີ IX ແລະ ສະມາຊິກສະພາປະຊາຊົນແຂວງ (ສສຂ) ຊຸດທີ II; ພ້ອມກັນນັ້ນ, ບັນດາເມືອງກໍໄດ້ລາຍງານສະພາບຮອບດ້ານຂອງເມືອງໂດຍສັງເຂບ ເຊິ່ງເຫັນວ່າມີຜົນສໍາເລັດຫລາຍດ້ານໃນໄລຍະຜ່ານມາ, ຄຽງຄູ່ກັນນັ້ນ ກໍມີຂໍ້ສະດວກ ແລະ ຂໍ້ຫຍຸ້ງຍາກຈຳນວນໜຶ່ງທີ່ຈະໄດ້ເອົາໃຈໃສ່ແກ້ໄຂ; ກ່ຽວກັບການກະກຽມເລືອກຕັ້ງ ສສຊ ຊຸດທີ IX ແລະ ສສຂ ຊຸດທີ II ຄະນະກໍາມະການເລືອກຕັັ້ງຂັັ້ນແຂວງ ໄດ້ຜັນຂະຫຍາຍບັນດາເອກະສານ 21 ສະບັບ ຂອງຄະນະກໍາມະການເລືອກຕັັ້ງລະດັບຊາດ ມາເປັນຂອງແຂວງ ຈໍານວນ 11 ສະບັບ, ພ້ອມນັ້ນ ຄະນະກໍາມະການເລືອກຕັັ້ງຂັັ້ນແຂວງ ໄດ້ເປີດກອງປະຊຸມ ໂດຍໄດ້ເຊີນເອົາພາກສ່ວນທີ່ກ່ຽວຂ້ອງ ເປັນຕົ້ນຄະນະປະຈໍາພັກແຂວງ, ກໍາມະການພັກແຂວງ, ຫົວຫນ້າ-ຮອງຫົວຫນ້າພະແນກການ, ອົງການ, ກົມກອງອ້ອມຂ້າງແຂວງ, ຄະນະກໍາມະການເລືອກຕັັ້ງຂັັ້ນແຂວງ, ອະນຸກໍາມະການຊ່ວຍວຽກຄະນະກໍາມະການການເລືອກຕັັ້ງຂັັ້ນແຂວງ ແລະ ພະນັກງານ-ວິຊາການ ເພືີ່ອປຶກສາຫາລືໃນການກະກຽມເບື້ອງຕົ້ນ ແລະ ເຊືີ່ອມຊຶມບັນດາເອກະສານທີີ່ໄດ້ຜັນຂະຫຍາຍຈາກຄະນະກໍາມະການເລືອກຕັັ້ງລະດັບຊາດ,  ສ່ວນຢູ່ບັນດາເມືອງ ພາຍຫລັງໄດ້ຮັບນິຕິກໍາຂອງຄະນະກໍາມະການເລືອກຕັັ້ງຂັ້ັນແຂວງແລ້ວ ກໍໄດ້ຮີບຮ້ອນແຕ່ງຕັັ້ງຄະນະກໍາມະການເລືອກຕັັ້ງຂັັ້ນຂອງຕົນ ພ້ອມທັງລົງເກັບກໍາຂໍ້ມູນ ເພີ່ືອຮັບໃຊ້ໃຫ້ແກ່ການເລືອກຕັັ້ງ; ກ່ຽວກັບການກະກຽມທາງດ້ານບຸກຄະລາກອນ ຄະນະປະຈໍາສະພາປະຊາຊົນແຂວງ ໄດ້ແຕ່ງຕັັ້ງຄະນະຮັບຜິດຊອບຂັັ້ນແຂວງ ລົງເກັບກໍາຂໍ້ມູນຢູ່ບັນດາເມືອງ ຄາດຄະເນບັນດາເປົ້າຫມາຍໂຄງປະກອບ-ບຸກຄະລາກອນ ແລະ ສຳເລັດວຽກງານເບື້ອງຕົ້ນອື່ນໆໃນການກະກຽມເລືອກຕັ້ງຄັ້ງນີ້.

ໃນໂອກາດນີ້, ທ່ານ ນາງ ປານີ ຢາທໍ່ຕູ້ ກໍໄດ້ມີຄໍາເຫັນໂອ້ລົມ, ຊີ້ນໍາ ພ້ອມທັງເນັ້ນບາງບັນຫາໃນກອງປະຊຸມຄັ້ງນີ້ວ່າ: ຄະນະກໍາມະການເລືອກຕັ້ງຂັ້ນແຂວງ ໂດຍສະເພາະອະນຸບຸກຄະລາກອນ ຕ້ອງກວດຄືນຜູ້ມີສິດລົງສະໝັກຮັບເລືອກຕັ້ງ, ຮີບຮ້ອນຂຶ້ນແຜນກຳນົດໜ່ວຍປ່ອຍບັດເລືອກຕັ້ງ ພ້ອມທັງເກັບກຳຂໍ້ມູນຜູ້ມີສິດປ່ອນບັດເລືອກຕັ້ງ, ເກັບກຳຂໍ້ມູນອຸປະກອນ ໂດຍສະເພາະກາຈໍ້າ, ຫີບບັດ, ຮູບທ່ານຜູ້ນໍາ ແລະ ອື່ນໆ; ພ້ອມກັນນັ້ນ, ເອົາໃຈໃສ່ສືບຕໍ່ກໍ່ສ້າງພັກ, ສ້າງພະນັກງານ ນັບແຕ່ຂັ້ນຮາກຖານ ສ້າງພະນັກງານສືບທອດໃຫ້ມີຄວາມຮັບຜິດຊອບ, ມີແນວຄິດການເມືອງທີ່ໜັກແໜ້ນ, ມີຄວາມຮູ້ຄວາມສາມາດ; ເອົາໃຈໃສ່ຊຸກຍູ້ປະຊາຊົນຜະລິດກະສິກຳເປັນສິນຄ້າ ເປັນຕົ້ນຂະແໜງກະສິກຳ, ປູກຝັງ ແລະ ລ້ຽງສັດ.

ແຫຼ່ງຂ່າວທີ່ມາ: ສະພາແຫ່ງຊາດ