ວັນທີ 1ພຶດສະພາ2024ຜ່ານມາ ນຳໂດຍທ່ານ ນາງ ອຳໄພວອນ ລ້ອມບຸນແພງ ປະທານຄະນະສະມາຊິກສະພາແຫ່ງຊາດ ປະຈຳເຂດເລືອຕັ້ງທີ 8, ປະທານ ສະພາປະຊາຊົນແຂວງ ພ້ອມດ້ວຍຄະນະປະຈຳສະພາປະຊາຊົນແຂວງ, ຄະນະເລຂາທິການສະພາປະຊາຊົນແຂວງ, ສະມາຊິກສະພາປະຊາຊົນແຂວງປະຈຳເຂດເລືອກຕັ້ງເມືອງຊຳເໜືອພ້ອມດ້ວຍທີມງານ ໄດ້ລົງຢ້ຽມຢາມ ພົບປະພໍ່ແມ່ປະຊາຊົນ ເຂດລ້ອງແວ່ນ ເມືອງຊຳເໜືອ ແຂວງຫົວພັນ.

                ການລົງພົບປະຢ້ຽມຢາມ ຄັ້ງນີ້, ຍັງໄດ້ຮັບຟັງ ການລາຍງານສະພາບລວມ ຂອງບັນດານບ້ານຈາກທ່ານນາຍບ້ານແຕ່ລະບ້ານ ພ້ອມທັງ ຮັບຟັງຄຳຄິດຄຳເຫັນ ຄຳສະເໜີ ຂອງປະຊາຊົນທີ່ໄດ້ຮັບຜົນກະທົບຈາກ ການຂຸດຄົ້ນແຮ່ຫາຍາກ ໃນຂອບເຂດດັ່ງກ່າວ

                     ຈາກນັ້ນ ທ່ານ ນາງ ອຳໄພວອນ ລ້ອມບຸນແພງ ຕາງໜ້າຄະນະທີມງານ ໄດ້ມີຄຳເຫັນໂອ້ລົມກ່ອນອື່ນທ່ານໄດ້ສະແດງຄວາມຍ້ອງຍໍຊົມເຊີຍຕໍ່ພໍ່ແມ່ປະຊາຊົນທີ່ມີຄວາມດຸໝັ້ນຂະຫຍັນພຽນ ແລະ ມີຄວາມສາມັກຄີເປັນປຶກແຜນນອກນີ້ທ່ານຍັງໄດ້ເນັ້ນໜັກໃຫ້ເອົາໃຈໃສ່ພັດທະນາເສດຖະກິດຄອບຄົວ ກໍຄືພາຍໃນບ້ານ ໃຫ້ຫລຸດພົ້ນອອກຈາກຄວາມທຸກຍາກ ສ່ວນຄຳຄິດຄຳເຫັນ ແລະ ຄຳສະເໜີຕ່າງໆຈະນຳເອົາໄປປຶກສາຫາລືນຳພາກສ່ວນທີ່ກ່ຽວຂ້ອງເພື່ອຊອກຫາທາງອອກ ແລະ ຊອກຫາວິທີແກ້ໄຂໃຫ້ດີຂຶ້ນ

ໂອກາດດຽວກັນນີ້ ທີມງານຍັງໄດ້ນຳເອົາອຸປະກອນທາງການແພດມອບໃຫ້ໂຮງໝໍນ້ອຍເຂດບ້ານເມືອງແວ່ນຕື່ມອີກ.

ພາບ ແລະ ຂ່າວ: ສພຂ ຫົວພັນ