ໃນລະຫວ່າງ ວັນທີ 7 – 9 ກຸມພາ 2024 ຜ່ານມາ ທ່ານ ນ. ອໍາໄພວອນ ລ້ອມບຸນແພງ ກໍາມະການສໍາຮອງສູນກາງພັກ, ຮອງເລຂາພັກແຂວງ, ປະທານ ຄະນະສະມາຊິກສະພາແຫ່ງຊາດ ປະຈໍາເຂດເລືອກຕັ້ງ, ປະທານ ສະພາປະຊາຊົນແຂວງຫົວພັນ ລົງພົບປະ ປະຊາຊົນ ຢູ່ 3 ຈຸດ ຂອງເມືອງວຽງໄຊ ຄື: ບ້ານເມືອງງາ, ບ້ານນາແທ່ນ ແລະ ບ້ານຫາງລ້ອງ ມີການນໍາເມືອງ, ອໍານາດການປົກຄອງບ້ານ ຕະຫຼອດຮອດພໍ່ແມ່ປະຊາຊົນເຂົ້າຮ່ວມທັງໝົດ 222 ຄົນ, ຍິງ 117 ຄົນ.

            ຈຸດປະສົງຂອງການລົງພົບປະຄັ້ງນີ້ແມ່ນ ນໍາເອົາຜົນສໍາເລັດ ຂອງກອງປະຊຸມ ສະໄໝສາມັນ ເທື່ອທີ 6 ຂອງສະພາແຫ່ງຊາດ ຊຸດທີ IX ລົງຈັດຕັ້ງເຜີຍແຜ່ ເປັນຕົ້ນແມ່ນ ການຈັດຕັ້ງປະຕິບັດ ແຜນພັດທະນເສດຖະກິດ – ສັງຄົມແຫ່ງຊາດ ກາງສະໄໝ 5 ປີ ຄັ້ງທີ IX ( 2021 – 2025 ), ທິດທາງແຜນພັດທະນາເສດຖະກິດ – ສັງຄົມ ທ້າຍສະໄໝ ຮອດປີ 2025, ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ປະຈໍາປີ 2023 ແລະ ແຜນພັດທະນາເສດຖະກິດ – ສັງ ຄົມແຫ່ງຊາດ ປະຈໍາປີ 2024, ການຈັດຕັ້ງປະຕິບັດແຜນງົບປະມານແຫ່ງລັດ ແລະ ແຜນເງິນຕາ ກາງສະໄໝ ( 2021- 2025 ) ແລະ ທິດທາງແຜນການທ້າຍສະໄໝ ຮອດປີ 2025, ການສະຫຼຸບຂາດຕົວການຈັດຕັ້ງປະຕິບັດແຜນງົບປະ ມານແຫ່ງລັດ ປະຈໍາປີ 2022, ການຈັດຕັ້ງປະຕິບັດແຜນງົບປະມານແຫ່ງລັດ ປະຈໍາປີ 2023 ແລະ ແຜນເງິນຕາ ປະຈໍາປີ 2023, ແຜນງົບປະມານແຫ່ງລັດ ປະຈໍາປີ 2024 ແລະ ແຜນເງິນຕາ ປະຈໍາປີ 2024 ແລະ ບັນດາເນື້ອໃນຕ່າງໆ ຂອງກອງປະຊຸມ ແລະ ຮັບຟັງການລາຍງານສະພາບລວມ,

ການຈັດຕັ້ງປະຕິບັດແຜນພັດທະນາເສດຖະກິດ – ສັງຄົມ ຂອງບ້ານ ພ້ອມທັງຮຽກຮ້ອງໃຫ້ອໍານາດການປົກຄອງບ້ານ ກໍ່ພໍ່ແມ່ປະຊາຊົນ ເປັນເຈົ້າການສ້າງເສດຖະກິດ ຂອງບ້ານ, ຂອງຄອບຄົວດ້ວຍການ ປູກຝັງ, ລ້ຽງສັດ ໃຫ້ກາຍເປັນສິນຄ້າສົ່ງອອກ ເພື່ອສ້າງລາຍຮັບເພີ່ມເຂົ້າສູ່ຄອບຄົວ ແກ້ໄຂຊີ ວິດການເປັນຢູ່ນັບມື້ດີຂຶ້ນ, ພ້ອມທັງເປັນເຈົ້າການສຶກສາອົບຮົມຄອບຄົວ, ລູກຫຼານ ບໍ່ໃຫ້ຫຍຸ້ງກ່ຽວກັບບັນຫາຢາເສບຕິດ ແລະ ສິ່ງຫຍໍ້ທໍ້ຕ່າງໆ, ປະກອບສ່ວນໃນການຈັດຕັ້ງປະຕິບັດ 2 ວາລະແຫ່ງຊາດ ໃຫ້ມີປະສິດທິຜົນ. ຈາກນັ້ນ, ທ່ານຍັງໄດ້ເປີດໂອກາດໃຫ້ ພໍ່ແມ່ປະຊາຊົນ ໄດ້ສະເໜີຄວາມຂັດຂ້ອງໝອງໃຈ ຂອງຕົນເອງທີ່ມີຕໍ່ຂັ້ນເທິງ ກໍຄືພາກສ່ວນກ່ຽວຂ້ອງ ແລ້ວນໍາເອົາຄໍາສະເໜີດັ່ງກ່າວ ມາປະສານສົມທົບກັບພາກສ່ວນກ່ຽວຂ້ອງແກ້ໄຂ. ຄຽງຄູ່ກັນນີ້ທ່ານຍັງໄດ້ລົງຕິດຕາມ ການຈັດຕັ້ງປະຕິບັດໜ້າທີ່ວຽກງານ ຂອງເຈົ້າໜ້າທີ່ ຢູ່ຄ້າຍຄຸມຂັງ – ດັດສ້າງ ຖໍ້າໜູເມືອງງາ ປກສ ແຂວງຫົວພັນ, ຕິດຕາມຟາມໝູ ຢູ່ບ້ານເມືອງງາ ແລະ ມອບອຸປະກອນການຮຽນ, ເຄື່ອງຫຼິ້ນກິລາ, ເກີບ ຈໍານວນໜື່ງ ໃຫ້ບ້ານ ແລະ ຄອບຄົວທຸກຍາກອີກດ້ວຍ.

ພາບ ແລະ ຂ່າວໂດຍ ນັກຂ່າວ ສພຂ ຫົວພັນ.