(ສພຊ) – ວັນທີ 23 ກໍລະກົດຜ່ານມາ ທີ່ສະພາແຫ່ງຊາດ, ທ່ານ ນາງ ປິ່ງຄໍາ ລາຊະສິມມາ ປະທານກຳມາ ທິການເສດຖະກິດ, ເຕັກໂນໂລຊີ ແລະ ສິ່ງແວດລ້ອມ (ກສຕສ) ໄດ້ຕ້ອນຮັບການເຂົ້າຢ້ຽມຂໍ່ານັບຂອງ ທ່ານ ຈອງ ຢອງ ຊູ (Jung Yung Soo) ເອກອັກຄະລັດຖະທູດແຫ່ງສາທາລະນະລັດເກົາຫຼີ ປະຈຳ ສປປລາວ.
![](https://na.gov.la/wp-content/uploads/2024/07/452692250_1016638203798998_2727202354705869642_n.jpeg)
ທ່ານ ນາງ ປິ່ງຄຳ ລາຊະສິມມາ ໄດ້ສະແດງຄວາມຍິນດີຕ້ອນຮັບ ພ້ອມທັງຕີລາຄາສູງຕໍ່ການພົບປະຄັ້ງນີ້ ເປັນໂອກາດດີໃນການປຶກສາຫາລືກັນກ່ຽວກັບການພົວພັນຮ່ວມມືກັບສະພາແຫ່ງຊາດ ກໍຄື ສ.ເກົາຫຼີ ໂດຍສະເພາະ ແມ່ນຂົງເຂດເສດຖະກິດ, ເຕັກໂນໂລຊີ ແລະ ສິ່ງແວດລ້ອມ ເຊິ່ງ ສ.ເກົາຫຼີ ມີບົດຮຽນລໍ້າຄ່າຫຼາຍທີ່ສາມາດບິແບ່ງ ໃຫ້ແກ່ສະພາແຫ່ງຊາດລາວ ກໍຄືກໍາມາທິການເສດຖະກິດ, ເຕັກໂນໂລຊີ ແລະ ສິ່ງແວດລ້ອມ ທັງໃນຮູບແບບການ ພົບປະ, ແລກປ່ຽນຂໍ້ມູນຂ່າວສານ, ເຝິກອົບຮົມ-ທັດສະນະສຶກສາ ແລະ ອື່ນໆ. ທ່ານປະທານ ກສຕສ ຍັງແຈ້ງໃຫ້ ຊາບການພົວພັນຮ່ວມມືລະຫວ່າງສະພາແຫ່ງຊາດລາວ ກັບ ສະພາແຫ່ງຊາດ ສ.ເກົາຫຼີ ທີ່ມີການພົວພັນ ແລະ ຮ່ວມ ມືນຳກັນເປັນຢ່າງດີ ແລະ ຕໍ່ເນື່ອງໃນຫຼາຍລະດັບ ເຊິ່ງໃນໄລຍະປີ 2019 ມານີ້, ສອງຝ່າຍມີການພົບປະທາງໄກລະ ຫວ່າງ 2 ປະທານສະພາແຫ່ງຊາດ, 2 ຄະນະມິດຕະພາບ, ບັນດາກຳມາທິການ ແລະ ຄະນະມິດຕະພາບລັດຖະສະ ພາຂອງສະພາແຫ່ງຊາດ ລາວ-ສ.ເກົາຫຼີ ກໍແລກປ່ຽນຢ້ຽມຢາມ ເຊິ່ງກັນແລະກັນ, ພິເສດໃນເດືອນມິຖຸນາ 2023 ປະທານກໍາມາທິການເສດຖະກິດ, ເຕັກໂນໂລຊີ ແລະ ສິ່ງແວດລ້ອມ (ຜູ້ເກົ່າ) ໃນນາມປະທານຄະນະມິດຕະພາບ ລັດຖະສະພາ ລາວ-ເກົາຫຼີ ກໍໄດ້ໄປຢ້ຽມຢາມ ແລະ ເຮັດວຽກ ຢູ່ ສ.ເກົາຫຼີ; ນອກນີ້, ສອງສະພາແຫ່ງຊາດ ກໍມີ ການຮ່ວມມືສະໜັບສະໜູນເຊິ່ງກັນແລະກັນໃນເວທີລັດຖະສະພາພາກພື້ນ ແລະ ສາກົນ.
ທ່ານ ຈອງ ຢອງ ຊູ ໄດ້ສະແດງຄວາມຂອບໃຈຕໍ່ນາງ ປິ່ງຄຳ ລາຊະສິມມາ ທີ່ໃຫ້ການຕ້ອນຮັບຢ່າງອົບອຸ່ນ ແລະ ໃຫ້ຄຳໝັ້ນສັນຍາວ່າ ຈະພະຍາຍາມຢ່າງສຸດຄວາມສາມາດ ເພື່ອຊຸກຍູ້ ແລະ ເສີມຂະຫຍາຍສາຍພົວພັນມິດ ຕະພາບ ແລະ ການຮ່ວມມືອັນດີງາມລະຫວ່າງ ສ.ເກົາຫຼີ-ສປປລາວ ກໍຄືການຊຸກຍູ້ການພົວພັນຮ່ວມມືຂອງສອງອົງ ການນິຕິບັນຍັດ ເວົ້າລວມ, ເວົ້າສະເພາະແມ່ນວຽກງານຂົງເຂດເສດຖະກິດ, ເຕັກໂນໂລຊີ ແລະ ສິ່ງແວດລ້ອມ ໃຫ້ ໄດ້ຮັບການພັດທະນາ ແລະ ຂະຫຍາຍຕົວຍິ່ງໆຂຶ້ນ.
(ນາງ ໄຊໂສພາພອນ ມິ່ງມຸງຄຸນ)