ທ່ານ ປອ. ໄຊສົມພອນ ພົມວິຫານ ປະທານສະພາແຫ່ງຊາດ, ສະມາຊິກສະພາແຫ່ງຊາດປະຈຳເຂດເລືອກຕັ້ງທີ 1 ນະຄອນຫລວງວຽງຈັນ ພ້ອມດ້ວຍຄະນະ ໄດ້ລົງພົບປະຜູ້ມີສິດເລືອກຕັ້ງ ແລະເຜີຍແຜ່ຜົນສຳເລັດກອງປະຊຸມສະໄຫມສາມັນເທື່ອທີ 2 ຂອງສະພາແຫ່ງຊາດ ຊຸດທີ IX ແລະ ກອງປະຊຸມສະພາປະຊາຊົນນະຄອນຫລວງວຽງຈັນ ຊຸດທີ II ທີ່ສະໂມສອນເມືອງໄຊເສດຖາ ນະຄອນຫລວງວຽງຈັນ, ມີຫ້ອງການປົກຄອງເມືອງໄຊເສດຖາ, ທະຫານ, ຕຳຫລວດ, ນາຍບ້ານ 28 ບ້ານອ້ອມຂ້າງເມືອງໄຊເສດຖາເຂົ້າຮ່ວມທັງຫມົດ 95 ທ່ານ.
ກອງປະຊຸມ ໄດ້ຮັບຟັງການລາຍງານຫຍໍ້ຈາກທ່ານ ບຸນປິງ ປັນຍາຈິດ ປະທານກວດກາພັກ-ລັດເມືອງໄຊເສດຖາ ທັງເປັນສະມາຊິກສະພາປະຊາຊົນນະຄອນຫລວງວຽງຈັນ ວ່າ:ຂໍລາຍງານໂດຍຫຍໍ້ ກ່ຽວກັບສະພາບທີ່ຕັ້ງ ແລະ ຈຸດພິເສດຂອງເມືອງ, ດ້ານການເມືອງ-ແນວຄິດ, ວຽກງານປ້ອງກັນຊາດ-ປ້ອງກັນຄວາມສະຫງົບ, ການພັດທະນາດ້ານເສດຖະກິດ, ດ້ານວັດທະນະທຳ-ສັງຄົມ, ວຽກງານການເຄື່ອນໄຫວຂອງສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນນະຄອນຫລວງ, ວຽກງານຕ້ານ ແລະ ສະກັດກັ້ນການແຜ່ລະບາດຂອງພະຍາດໂຄວິດ-19. ນອກຈາກນັ້ນ, ກໍໄດ້ຍົກໃຫ້ເຫັນດ້ານຄົງຄ້າງ ແລະວຽກງານຈຸດສຸມໃນຕໍ່ຫນ້າ

(ພາບ ແລະ ຂ່າວ: ນາງ ນິດຕາ ຄຸນປາກດີ)