ໃນລະຫວ່າງວັນທີ 3-4 ສິງຫາ 2024ນີ້ ທ່ານ ເພັງນິລັນ ຄໍາພັນເພັງ ຮອງເລຂາພັກແຂວງ ປະທານສະພາປະຊາ ຊົນແຂວງ, ພ້ອມດ້ວຍຄະນະ. ໄດ້ເຄື່ອນໄຫວຢຽມຢາມສະຖານຈຸດທີ່ເກີດໄພພິບັດນໍ້າຖ້ວມຢູ່ 4 ຄື: ເມືອງຄອບ,ເມືອງຊຽງຮ່ອນ, ເມືອງເງິນ ແລະ ເມືອງຫົງສາ.

ໃຫ້ກຽດຕອ້ນຮັບຂອງບັນດາເລຂາພັກເມືອງ, ຄະນະນໍາເມືອງ ແລະ ຂະແໜງການທີ່ກ້ຽວຂ້ອງເຂົ້າຮ່ວມຢ່າງພ້ອມພຽງ. ພ້ອມຮັບຟັງການລາຍງານຜົນເສຍຫາຍຂອງບັນດາເມືອງດັ່ງກ່າວ ວ່າ ໃນຄືນວັນທີ 21 ສິງຫາຜ່ານມານັ້ນໄດ້ມີຝົນຕົກໝັກ ເຮັດໃຫ້ມີນໍ້າໜອງໄຫຼຊູຖ້ວມເອົາເຮືອນ, ສັດລ້ຽງ, ເນື້ອທີ່ນາ, ຮົ້ວສວນ, ໜອງປາ, ຊົນລະປະທານ, ໄຟຟ້າ ແລະ ນໍ້າປາປາ ຂອງປະຊາຊົນໄດ້ຮັບຜົນຜົນເສຍ ຫາຍເບື້ອງຕົ້ນ,ໂດຍສະເພາະແມ່ນບ້ານທີ່ຕັ້ງຢູ່ແຄມແມ່ນໍ້າສາຍຫຼັກຂອງເມືອງຄື:

ເມືອງຄອບ ມີ 10 ບ້ານ, 1.331 ຄອບຄົວ, ຈໍານວນພົນ 5.857 ຄົນ, ຍິງ 2.702 ຄົນ. ມູນຄ່າເສຍຫາຍທັງໝົດ 26. 776. 307 467 ກີບ. ໄດ້ນໍາເອົາເງິນສົດມາມອບຈໍານວນ 30 ລ້ານກີບ (ທຶນສົມທົບ10ລ້ານກີບ);

ເມືອງຊຽງຮ່ອນ ຈຳນວນ 9 ບ້ານ, ມີຄອບຄົວທີ່ໄດ້ຮັບຜົນກະທົບທັງໝົດ 300 ກວ່າຄອບຄົວ ພົນລະເມືອງທັງໝົດ 1,319 ຄົນ ຍິງ 673 ຄົນ.ໄດ້ມອບເງິນສົດ ຈໍານວນ 10 ລ້ານກີບ;

ເມືອງເງິນມີ 3 ບ້ານ 64 ຄອບຄົວ, ຈໍານວນພົນ 320 ຄົນ, ຍິງ 102 ຄົນ. ມູນຄ່າເສຍຫານທັງໝົດ 17. 073 373 ກີບ, ໄດ້ມອບເງິນ 7 ບ້ານ ແລະ ເມືອງຫົງສາ ມີ 2 ບ້ານ 14 ຄອບຄົວ, ຈໍານວນພົນ 72 ຄົນ, ຍິງ 31 ຄົນມູນຄ່າເສຍຫາຍທັງໝົດ 885 620 000 ກີບ.

ລວມມູນຄ່າຈໍານວນເງິນທັງໝົດມີ່ນໍາມອບໃນຄັ້ງນີ້ 47 ລ້ານກີບ. ເພື່ອສົມທົບທຶນການຊ່ວຍ ເຫຼືອເບື້ອງຕົ້ນໃຫ້ກັບພໍ່ແມ່ປະຊາຊົນຜູ້ຖືກຜົນກະທົບຈາກໄພພິບັດນໍ້າຖ້ວມ.
ໃນໂອກາດທີ່ອົງການປົກຄອງເມືອງດັ່ງກ່າວໄດ້ມອບທຶນສົມທົບຊ່ວຍເຫຼືອທາງເມືອງໃນຄັ້ງນີ້ ຕາງໜ້າ ອົງການປົກຄອງເມືອງ ກໍຄື ຕາງໜ້າ ໃຫ້ແກ່ປະຊາຊົນ ຊາວເມືອງ

ກໍ່ໄດ້ກ່າວຄວາມຂອບໃຈຕໍ່ສະພາປະຊາຊົນແຂວງ ຍາມໃດກໍ່ເປັນຫວ່ງເປັນໃຍໃຫ້ຄວາມຊ່ວຍເຫຼືອ ແລະ ທ່ານ ຍັງໃຫ້ຄໍາໜັ້ນວ່າຈະນໍາໃຊ້ເງິນຈຳນວນດັ່ງກ່າວນີ້ໄປຊ່ວຍເຫຼືອໃຫ້ກັບພໍ່, ແມ່ ປະຊາຊົນ ຜູ້ທີ່ຖືກຜົນກະທົບຈາກໄພພິບັດນໍ້າຖ້ວມໃນຄັ້ງນີ້ໄດ້ຮັບຢ່າງທົ່ວເຖີງ.
………………………
ໂດຍ: ອິນທີ ຂຽວສີຟ້າ