ໃນຕອນເຊົ້າຂອງວັນທີ 18 ຕຸລາ 2022 .ສະຫາຍ ກົງແກ້ວ ມີວໍລະຈັກ ຮອງເລຂາພັກແຂວງ ປະທານສະພາປະຊາຊົນແຂວງສະຫັວນນະເຂດພ້ອມຄະນະໄດ້ລົງຢ້ຽມຢາມແລະເຜີຍແຜ່ມະຕິ ວ່າດ້ວຍການແຕ່ຕັ້ງແລະການເຄື່ອນໄຫວຂອງຄະນະກຳມະການຍຸດຕິທຳແລະປກຊ-ປກສ.ຢູ່ຫ້ອງປະຊຸມເຮືອນຮັບແຂກກອງບັນຊາການທະຫານແຂວງ.ໂດຍໃຫ້ກຽດຕ້ອນຮັບຂອງສະຫາຍ ພົນຈັດຕະວາ ສີ ທະວີໄຊ ຄະນະປະຈຳພັກແຂວງ ເລຂາຄະນະພັກ ຫົວໜ້າການເມືອງກອງບັນຊາການທະຫານແຂວງພ້ອມຄະນະຈາກອົງການ 5 ຫ້ອງກອງບັນຊາການທະຫານແຂວງ.

ໃນພິທີສະຫາຍປະທານສະພາປະຊາຊົນແຂວງຍັງໄດ້ສະແດງຄວາມຢ້ຽມຢາມຖາມຂ່າວ ມາຍັງການນຳຜ່ານໄປເຖິງພະນັກງານ ນັກຮົບທີ່ພວມປະຕິບັດໜ້າທີ່ຢູ່ເຂດຫ່າງໄກສອກຫຼີກພ້ອມທັງອວຍພອນໄຊອັນປະເສີດຕໍ່ຄະນະການນຳກອງບັນຊາການທະຫານແຂວງຈົ່ງປະສົບຜົນເລັດໜ້າວຽກງານທີ່ຂັ້ນເທິ່ງມອບໝາຍໃຫ້ທຸກປະການ.ຈາກນັ້ນສະຫາຍກໍ່ໄດ້ກ່າວເປີດພີທີກອງປະຊຸມ.ໃນໂອກາດນີ້ ສະຫາຍ ທອງໃສ ອິນທິແສງ ປະທານຄະນະກຳມະການຍຸດຕິທຳແລະປກຊ-ປກສຂັ້ນແຂວງແລະສະຫາຍ ພັນໂທ ຄູນສະໄໝ ລິນສັນຍາ ຄະນະພັກ ສະມາຊິກສະພາແຫ່ງຊາດເຂດເລືອກຕັ້ງທີ13 ໃຕ້ແຂວງສະຫັວນນະເຂດໄດ້ພັດປ່ຽນກັນຂຶ້ນເຜີຍແຜ່ມະຕິ ເລກທີ 129/ຄປຈ.ສພຂ.ວ່າດ້ວຍການຈັດຕັ້ງແລະເຄື່ອນໄຫວວຽກງານ ຂອງຄະນະກຳມະການຍຸດຕິທຳແລະປກຊ-ປກສປະກອບມີ ບົດບັນຍັດ.ແລະຂໍ້ຕົກລົງຮ່ວມ ເລກທີ 01/ ກປຊສ-ຄ.ກປທ.ວ່າດ້ວຍການປະສານງານ ລະຫ່ວາງກຳມາທິການປກຊ-ປກສ ສະພາແຫ່ງຊາດຊຸດທີ IX ແລະຄະນະປະສານງານ ຂອງກະຊວງປ້ອງກັນປະເທດ.ປະກອບມີ 7 ບົດບັນຍັດ.ຈາກນັ້ນໃນກອງປະຊຸມກໍ່ໄດ້ມີການສະເໜີປະກອບຄຳຄິດຄຳເຫັນຕໍ່ເນື້ອໃນເອກະສານດັ່ງກ່າວຢ່າງກົງໄປກົງມາເພື່ອໃຫ້ອຸດົມສົມບູນຂຶ້ນຕື່ນ.

ໃນຕອນທ້າຍສະຫາຍປະທານສະພາປະຊາຊົນແຂວງສະຫັວນເຂດ.ກໍ່ໄດ້ໂອລົມແລະສະແດງຄວາມຫຍ້ອງຍໍຊົມເຊີຍຕໍ່ບັນດາສະຫາຍທີ່ໄດ້ສະເໜີຂໍ້ສະດວກຂໍ້ຄົງຂ້າງໃນການປະຕິບັດວຽກງານຕ່າງໄລຍະຜ່ານມາ.ຈາກນັ້ນສະຫາຍປະທານກໍ່ໄດ້ເໜັ້ນໜັກໃຫ້ເອົາໃຈໃສ່ເປັນເຈົ້າການຮ່ວມມື້ກັບທຸກພາກສ່ວນອົງຈັດຕັ້ງພັກ-ລັດ.ຕ້ານກົນອຸບາຍແລະເລ້ຫຼ່ຽມຂອງສັດຕູໃນໄລຍະໃໝ່ເປັນການໂຄສະນາທາງເອເລັກໂຕນິກ.ມີ 8 ຫາໃຫຍ່ທີ່ພວກເຂົາກຳລັງສ້າງຂຶ້ນຕໍ່ຕ້ານແນວທາງການນຳພາຂອງພັກ-ລັດໃນປັດຈຸບັນນີ້.ພ້ອມກັນແກ້ໄຂປະກົດການດັ່ງກ່າວໃຫ້ໝົດໄປເປັນກ່າວໆ.