ໃນຕອນເຊົ້າຂອງວັນທີ 9 ພຶດສະພາ 2023 ທ່ານ ວົງສະຫວັນ ເທບພະຈັນ ຮອງເຂລາພັກແຂວງປະທານສະພາປະຊາຊົນແຂວງໄດ້ພົບປະໂອ້ລົມ ແລະ ເຜີຍແຜ່ຜົນສໍາເລັດກອງປະຊຸມສະໄໜສາມັນເທືອທີ 4 ສະພາປະຊົນແຂວງຊຸດທີ 2 ຂື້ນຢ່າງເປັນທາງການ ປະກອບມີ 1 ບ້ານ ແລະ ສໍານັກງານອົງການຂອງເມືອງ ຄຶ:ບ້ານ ຫ້ວຍງາ ເມືອງໂພນໄຊ ປະກອບມີ 55 ຄອບຄົວ,ພົນລະເມືອງ 281 ຄົນ,ຍິງ 118 ຄົນ ໃນນັ້ນຢູ່ແຕ່ລະບ້ານມີຜູ້ເຂົ້າຮ່ວມອົງການປົກຄອງບ້ານທຸກຂະແໜງການ,ພໍ່ແມ່ປະຊາຊົນບັນດາເຜົ່າແຕ່ອາຍຸ 18 ປີຂື້ນໄປຢ່າງພ້ອມພຽງພາຍຫຼັງສໍາເລັດຢູ່ບ້ານ ແລະ ໃນຂະນະດຽວກັນນັ້ນຕອນບ່າຍໄດ້ເຄື່ອນໄຫວພົບປະໂອ້ລົມຢູ່ຫໍປະຊຸມໃຫ່ຍຂອງເມືອງໂພນໄຊ ມີເຂົ້າຮ່ວມຮັບຟັງມີຄະນະປະຈໍາພັກເມືອງ,ກໍາມະການພັກເມືອງ,ຫົວໜ້າຫ້ອງການ,ຮອງຫ້ອງການ,ອະດິດການນໍາຂອງເມືອງ,ນາຍແລະພົນຕໍາຫຼວດ,ນາຍແລະພົນທະຫານຕະຫຼອດຮອດພະນັກງານລັດຖະກອນຢູ່ແຕ່ລະຫ້ອງການພາຍໃນເມືອງຢ່າງພ້ອມພຽງ.
ຢູ່ໃນພິທີດັ່ງກ່າວ ທ່ານ ທອງຈັນ ລັດຕະນະປະດິດ ເຈົ້າເມືອງ-ເມືອງໂພນໄຊ ໃຫ້ກຽດຂື້ນລາຍງານສະພາບໂດຍຫຍໍ້ຂອງເມືອງໂພນໄຊ ທົ່ວເມືອງມີ 57 ບ້ານ,ມີ 6.019 ຄອບຄົວ,ພົນລະເມືອງ 36.113 ຄົນ,ຍິງ 17.491 ຄົນປະກອບມີ 3 ເຜົ່າຄຶ:ເຜົ່າລາວລຸ່ມກວມເອົາ 9,68 ສ່ວນຮ້ອຍ,ເຜົ່າກຶມມຸກວມເອົາ 63 ສ່ວນຮ້ອຍ ແລະ ເຜົ່າມົ້ງ ກວມເອົາ 26 ສ່ວນຮ້ອຍຂອງພົນລະເມືອງທັງໜົດໃນໄລຍະ 3 ເດືອນຕົ້ນປີຜ່ານມາເສດຖະກິດມີການຂະຫຍາຍຕົວໃນລະດັບ 0,6 ສ່ວນຮ້ອຍ,ມູນຄ່າຍອດຜົນຜະລິດພາຍໃນບັນລຸໄດ້ 23,900 ລ້ານກີບ,ສະເລ່ຍໃສ່ຫົວຄົນໜຶ່ງໄດ້ 715.929 ກີບ,ມາຮອດປະຈຸບັນສາມາດເກັບລາຍຮັບເຂົ້າງົບປະມານໄດ້ 796 ລ້ານກີບເທົ່າກັບ 32 ສ່ວນຮ້ອຍຂອງແຜນການປີ.ມີປ່າຜະລິດ 64 ເຮັກຕາ.ປູກໄມ້ ແລະ ຟື້ນຟູປ່າໄດ້ 4.000 ເຮັກຕາ.ມີເນື້ອທີປູກສວນຫຍ້າມີ 19.841 ເຮັກຕາ,ມີງົວ 26.354 ໂຕ,ຄວາຍ 5.545 ໂຕ,ໄດ້ສົ່ງເສີມໃກ້ປະຊາຊົນປູກພຶດລະດູແລ້ງໄດ້ 259 ເຮັກຕາ ແລະ ປູກພຶດລະດູຝົນໄດ້1.232 ເຮັກຕາ.ໃນນັ້ນຄະນະປະທານໄດ້ໃຫ້ກຽດຂື້ນເຜີຍແຜ່ຜົນສໍາເລັດກອງປະຊຸມສະໄໜສາມັນເທືອທີ 4 ສະພາປະຊົນແຂວງຊຸດທີ 2 ເນື້ອໃນເອກະສານທີນໍາມາເຜີຍແຜ່ມີ
1.ມະຕີວ່າດ້ວຍການຮັບຮອງເອົາບົດລາຍງານການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມປະຈໍາປີ 2022 ແລະ ທິດທາງແຜນການປະຈໍາປີ 2023 ຂອງແຂວງ,2.ມະຕີວ່າດ້ວຍການຮັບຮອງເອົາບົດລາຍງານການຈັດຕັ້ງປະຕິບັດແຜນງົບປະມານປະຈໍາປີ 2022 ແລະ ທິດທາງແຜນການປະຈໍາປີ 2023 ຂອງແຂວງ,3.ມະຕີວ່າດ້ວຍການຮັບຮອງເອົາບົດລາຍງານການຈັດຕັ້ງປະຕິບັດການເຄື່ອນໄຫວວຽກງານອົງການກວດສອບປະຈໍາພາກເໝືອ ແລະ ອົງການກວດກາລັດແຂວງປະຈໍາປີ 2022 ແລະ ທິດທາງແຜນການປະຈໍາປີ 2023 ຂອງແຂວງ,4.ມະຕີວ່າດ້ວຍການຮັບຮອງເອົາບົດລາຍງານການຈັດຕັ້ງປະຕິບັດວຽກງານປະຈໍາປີ 2022 ແລະ ທິດທາງແຜນການປະຈໍາປີ 2023 ຂອງອົງການໄອຍະການປະຊາຊົນແຂວງ,5.ມະຕີວ່າດ້ວຍການຮັບຮອງເອົາບົດລາຍງານການຈັດຕັ້ງປະຕິບັດວຽກງານປະຈໍາປີ 2022 ແລະ ທິດທາງແຜນການປະຈໍາປີ 2023 ຂອງສານປະຊາຊົນແຂວງ,6 ມະຕີວ່າດ້ວຍການຮັບຮອງເອົາບົດລາຍງານການຈັດຕັ້ງປະຕິບັດວຽກງານປະຈໍາປີ 2022 ແລະ ທິດທາງແຜນການປະຈໍາປີ 2023 ຂອງສະພາປະຊາຊົນແຂວງ.
ສີວອນ ນັກຂ່າວເມືອງໂພນໄຊ