ຕອນເຊົ້າຂອງວັນທີ 17 ພຶດ​ສະ​ພາ 2022 ນີ້, ທ່ານ ​ນາງ ອິນ​ແປງ ຊາ​ມຸນ​ຕີ ປະ​ທານ​ສະ​ພາ​ການ​ຄ້າ ແລະ​ອຸດ​ສາ​ຫະ​ກຳແຂວງສາລະວັນ ພ້ອມດ້ວຍຄະນະ ໄດ້ມອບເງິນສົດ ຈຳນວນ 10 ລ້ານກີບ ໃຫ້ສະພາປະຊາຊົນແຂວງສາລະວັນ, ໃຫ້ກຽດຮັບໂດຍ ທ່ານ ຂັນໄຊ ລັດຖະເຮົ້າ ຄະນະປະຈໍາພັກແຂວງ ຮອງປະທານ ສະພາປະຊາຊົນແຂວງ ມີພະນັກງານ-ລັດຖະກອນສພຂ ເຂົ້າຮ່ວມເປັນສັກຂີພະຍານ. 

ໂອກາດນີ້ ທ່ານ  ຂັນໄຊ ລັດຖະເຮົ້າ ຮອງປະທານສະພາປະຊາຊົນແຂວງ ກໍ່ໄດ້ສະແດງຄວາມຂອບໃຈຢ່າງ​ລົ້ນ​ເຫຼືອ​ ທີ່ໄດ້ປະກອບສ່ວນຊ່ວຍເຫຼືອດ້ານງົບປະມານໃນຄັ້ງນີ້;  ຕໍ່ ກັບງົບປະມານດັ່ງກ່າວນີ້ ສະພາປະຊາຊົນແຂວງ ຈະໄດ້​ນຳ​ໃຊ້​ເຂົ້າ​ໃນ​ການ​ຊ່ວຍ​ເຫຼືອ​ປະ​ຊາ​ຊົນ ກໍ​ຄື​ຜູ້​ມີ​ສິດ​ເລືອກ​ຕັ້ງ ທີ່​ທຸກ​ຍາກ​ຂາດ​ເຂີນ ໃນ​ເວ​ລາ​ການ​ລົງ​ພົບ​ປະ​ກັບ​ປະ​ຊາ​ຊົນ​ລາວ​ບັນ​ດາ​ເຜົ່າ​ຢູ່​ໃນ​ບັນ​ດາ​ເມືອງ.

(ໂດຍ: ນາງ ຄັດສອນ ຮຸ່ງສະຫວ່າງ)