(ສພຊ) – ຕອນບ່າຍວັນທີ 18 ຕຸລາຜ່ານມາ ທີ່ສະພາແຫ່ງຊາດ, ທ່ານ ບຸນຕາ ເທບພະວົງ ຄະນະປະຈຳສະພາແຫ່ງຊາດ, ປະທານກຳມາທິການວັດທະນະທຳ-ສັງຄົມ ພ້ອມດ້ວຍຄະນະ ໄດ້ຕ້ອນຮັບທ່ານ ສໍຣະວົງ ທຽນທອງ ລັດຖະມົນຕີວ່າການກະຊວງການທ່ອງທ່ຽວ ແລະ ກິລາ ພ້ອມດ້ວຍສະມາຊິກສະພາຜູ້ແທນລາດສະດອນ ປະຈຳຈັງຫວັດໜອງຄາຍ ແຫ່ງ ລາຊະອານາຈັກໄທ ໃນໂອກາດທີ່ມາຢ້ຽມຢາມ ແລະ ປະຕິບັດລັດຖະກິດຢູ່ ສປປລາວ ເຊິ່ງການພົບປະເຮັດວຽກສອງຝ່າຍໃນຄັ້ງນີ້ ມີເນື້ອໃນ ແລະ ຄວາມສຳຄັນຕໍ່ການຮ່ວມມືຫຼາຍໆດ້ານ ໂດຍສະເພາະວຽກງານການທ່ອງທ່ຽວ ແລະ ກິລາ ໃນການຮ່ວມມືໃນຕໍ່ໜ້າຕາມພາລະບົດບາດ, ສິດ ແລະ ໜ້າທີ່ ຂອງສອງພາກສ່ວນ ກໍຄືສອງປະເທດ ລາວ-ໄທ.

(ຂ່າວ: ກຳມາທິການວັດທະນະທຳ-ສັງຄົມ)