ທ່ານ ບຸນມີ ພິມມະສອນ ປະທານສະພາປະຊາຊົນແຂວງຄຳມ່ວນ ໃນນາມປະທານກອງປະຊຸມ ໄດ້ໃຫ້ສໍາພາດກ່ຽວກັບບັນຍາກາດໂດຍລວມຂອງການດໍາເນີນກອງປະຊຸມສະໄໝສາມັນເທື່ອທີ 5 ຂອງສະພາປະຊາຊົນແຂວງຄໍາມ່ວນຊຸດທີ II ທີ່ໄດ້ຈັດຂຶ້ນຢູ່ສະໂມສອນໃຫຍ່ຂອງແຂວງໃນລະຫວ່າງວັນທີ 22-26 ສິງຫາ 2023 ວ່າ : ຜ່ານການດໍາເນີນກອງປະຊຸມໃນໄລຍະ 3 ວັນຜ່ານມານີ້ ໂດຍສະເພາະແມ່ນການຮັບຮອງເອົາວຽກທີ່ສໍາຄັນຂອງອົງການປົກຄອງແຂວງ, ການຊີ້ແຈງ, ການຕອບຄໍາສັກຖາມຂອງບັນດາທ່ານຫົວໜ້າພະແນກການການກ່ຽວຂ້ອງ, ໂດຍສະເພາະແມ່ນຄໍາສັກຖາມຂອງສະມາຊິກສະພາປະຊາຊົນຂັ້ນແຂວງເຫັນໄດ້ວ່າມີບັນຍາກາດຟົດຟື້ນດີຫລາຍ, ມີຄວາມຮັບຜິດຊອບສູງ, ບັນດາທ່ານສະມາຊິກສະພາປະຊາຊົນຂັ້ນແຂວງ ໄດ້ມີການຫ້າງຫາກະກຽມໃນການຕັ້ງຄໍາຖາມແມ່ນຕົງປະເດັນ, ການຕອບຄໍາຊັກຖາມຂອງບັນດາຂະແໜງ ການກ່ຽວຂ້ອງ, ອົງການປົກຄອງແຂວງແມ່ນມີເຫດ, ມີຜົນສາມາດຈັດຕັ້ງປະຕິບັດໄດ້ ແລະ ອີກໃນ 2 ວັນຕໍ່ໜ້າຂອງການດໍາເນີນກອງປະຊຸມແມ່ນຈະໄດ້ສືບຕໍ່ ແລະ ຮັບຮອງເອົາວຽກຈໍານວນໜຶ່ງຂອງສະພາ, ວຽກອົງການປົກຄອງແຂວງເປັນຕົ້ນການຮັບຮອງບັນດາມະຕິຕ່າງໆ .

ໃນນາມປະທານສະພາປະຊາຊົນແຂວງຂໍສະແດງຄວາມຊົມເຊີຍ ແລະ ຂອບໃຈມາຍັງອົງການປົກຄອງແຂວງ, ບັນດາແຂກ, ພໍ່ແມ່ປະຊາຊົນ ທີ່ໄດ້ຕິດຕາມການການດໍາເນີນກອງປະຊຸມຜ່ານສື່ຕ່າງໆຂອງແຂວງ ແລະ ຂໍຮຽກຮ້ອງມາຍັງພໍ່ແມ່ປະຊາຊົນຖ້າຫາກມີຂໍ້ຂ້ອງໃຈ ຫລື ມີ ຄໍາສັກຖາມໃນໂອກາດດໍາເນີນກອງປະຊຸມນີ້ແມ່ນສາມາດສົ່ງຄໍາສັກຖາມມາຍັງກອງປະຊຸມໄດ້ໂດຍຜ່ານໂທລະສັບສາຍດ່ວນ ເບີ 051156.

ໂດຍ: ເອື້ອ ມະໂນສິງ