ຕອນບ່າຍຂອງວັນພະຫັດ, ວັນທີ 30 ມິຖຸນາ 2022, ຢູ່ທີ່ຫ້ອງປະຊຸມສະພາປະຊາຊົນແຂວງ ທ່ານ ແອ ສ້ອຍສຸວັນ ຮັກສາການຫົວໜ້າທະນາຄານແຫ່ງ ສປປ ລາວ ພາກເໜືອແຂວງອຸດົມໄຊ ພ້ອມດ້ວຍຄະນະໄດ້ມອບຄອມພີວເຕີ້ ໃຫ້ທາງສະພາປະຊາຊົນແຂວງ ແລະ ຕາງໜ້າຮັບໂດຍແມ່ນທ່ານ ຄໍາເຜີຍ ງອນວັນຄໍາ ກໍາມະການປະຈໍາພັກແຂວງ, ຮອງປະທານສະພາປະຊາຊົນແຂວງ, ບັນດາທ່ານຄະນະປະຈໍາ ສພຂ ແລະ ຄະນະເລຂາ ທິການ ສພຂ ເຂົ້າຮ່ວມ.

ອຸປະກອນທີ່ນໍາມາມອບໃນຄັ້ງນີ້ປະກອບມີ: ຄອມພີວເຕີ້ຕັ້ງໂຕະຈໍານວນ 2 ຊຸດ ແລະ ບໍລິສັດລາວຊິນຫຼົງອຸດສາຫະກໍາບໍ່ແຮ່ຈໍາກັດ ມອບຄອມພີວເຕີ້ 1 ເຄື່ອງມູນຄ່າ 5.000.000 ກີບ, ພ້ອມທັງໄດ້ມອບຮັບຢ່າງເປັນທາງການ. ຈາກນັ້ນທ່ານ ຄໍາເຜີຍ ງອນວັນຄໍາ ກໍາມະການປະຈໍາພັກແຂວງ, ຮອງປະທານສະພາປະຊາຊົນແຂວງ ໄດ້ຕາງໜ້າຄະນະປະຈໍາ ສພຂ, ສະມາຊິກສະພາປະຊາຊົນແຂວງປະຈໍາເຂດເລືອກຕັ້ງເມືອງ ໄດ້ສະແດງຄວາມຂອບໃຈມາຍັງ 2 ພາກສ່ວນ ທີ່ໃຫ້ການຊ່ວຍເຫລືອດ້ານອຸປະກອນ ເພື່ອປະກອບສ່ວນໃນວຽກງານ ສະພາປະຊາຊົນແຂວງ ແລະ ສັນຍາວ່າຈະນໍາໃຊ້ຄອມດັ່ງກ່າວເຂົ້າໃນການເຄື່ອນໄຫວວຽກງານ ໃຫ້ເກີດຜົນປະໂຍດສູງສຸດ.