ໃນຕອນເຊົ້າຂອງວັນທີ 19 ທັນວາ 2023 ທີ່ຫ້ອງປະຊຸມສະພາປະຊາຊົນ ແຂວງວຽງຈັນ ທ່ານ ນາງ ໃສແສງຈັນ ແສງພະຈັນ ຮອງເລຂາທິການ ສະພາປະຊາຊົນແຂວງວຽງຈັນ ໄດ້ຖະແຫຼ່ງຂ່າວຕໍ່ສື່ມວນຊົນຂອງແຂວງເຊິ່ງທ່ານໄດ້ກ່າວວ່າ: ຂ້າພະເຈົ້າ ຜູ້ປະຈໍາການຂໍຕາງໜ້າຄະນະປະຈໍາສະພາປະຊາຊົນແຂວງວຽງຈັນມີຄວາມຍິນດີ ແລະ ຖືເປັນກຽດຢ່າງສູງຂໍແຈ້ງຂ່າວມາຍັງບັນດາທ່ານ ການນໍາຂັ້ນແຂວງ ພະນັກງານ-ລັດຖະກອນ, ທະຫານ, ຕໍາຫຼວດ ນັກຮຽນຮູ້ປັນຍາຊົນ, ພີ່ນ້ອງປະຊາຊົນລາວບັນດາເຜົ່າທົ່ວແຂວງວຽງຈັນ ຮັບຊາບວ່າ: ກອງປະຊຸມສະໄໝສາມັນເທື່ອທີ 6 ຂອງສະພາປະຊາຊົນແຂວງວຽງຈັນຊຸດທີ II ຈະໄດ້ໄຂຂຶ້ນໃນຕອນເຊົ້າຂອງ ວັນທີ 26 ຫາ 29 ທັນວາ  2023 ໃຊ້ເວລາເປັນເວລາ 4 ວັນເຕັມ ທີ່ຫ້ອງປະຊຸມສະໂມສອນໃຫຍ່ຫ້ອງວ່າການແຂວງວຽງຈັນ ຊຶ່ງຈະໄດ້ຮັບຟັງການລາຍງານ, ພິຈາລະນາ ແລະ ຕົກລົງບັນດາເນື້ອໃນທີ່ສຳຄັນ ແລະ ພົ້ນເດັ່ນ ດັ່ງນີ້:

• ຮັບຟັງການລາຍງານຂອງທ່ານເຈົ້າແຂວງ ກ່ຽວກັບການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດຂອງແຂວງ ປະຈໍາປີ 2023ແລະ ແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດຂອງແຂວງ ປະຈໍາປີ 2024.
• ບົດລາຍງານ ຂອງແຂວງ ກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມປະຈໍາປີ 2023 ແລະ ທິດທາງແຜນການ ປະຈໍາປີ 2024.
• ບົດລາຍງານຂອງແຂວງ ກ່ຽວກັບການຈັດຕັ້ງປະຕິບັດແຜນງົບປະມານແຫ່ງລັດ ປະຈໍາປີ 2023 ແລະ ທິດທາງແຜນການ ປະຈໍາປີ 2024.
• ບົດລາຍງານ ການຈັດຕັ້ງປະຕິບັດການແກ້ໄຂຄວາມຫຍຸ້ງຍາກທາງດ້ານເສດຖະກິດ- ການເງິນ.
• ບົດລາຍງານ ການຈັດຕັ້ງປະຕິບັດການແກ້ໄຂບັນຫາຢາເສບຕິດ.
• ບົດລາຍງານຂອງອົງການກວດສອບປະຈໍາພາກກາງ ກ່ຽວກັບ ການຈັດຕັ້ງປະຕິບັດວຽກງານກາງສະໄໝ 5 ປີ(2021-2025) ແລະ ທິດທາງແຜນການທ້າຍສະໄໝ ຮອດປີ 2025, ການຈັດຕັ້ງປະຕິບັດວຽກງານ ປະຈຳປີ 2023 ແລະ ທິດທາງແຜນການເຄື່ອນໄຫວ ປະຈຳປີ 2024, ຜົນຂອງການກວດສອບ ບົດສະຫຼຸບຂາດຕົວການຈັດຕັ້ງປະຕິບັດ ແຜນງົບປະມານ ຂອງແຂວງ ປະຈຳປີ 2022;
• ບົດລາຍງານຂອງອົງການກວດກາລັດແຂວງວຽງຈັນກ່ຽວກັບ ການຈັດຕັ້ງປະຕິບັດແຜນການເຄື່ອນໄຫວວຽກງານ ກາງສະໄໝ 5 ປີ(2021-2025) ແລະ ທິດທາງແຜນການທ້າຍສະໄໝ ຮອດປີ 2025, ການຈັດຕັ້ງປະຕິບັດວຽກງານ ປະຈຳປີ 2023 ແລະ ທິດທາງແຜນການ ປີ 2024, ການຈັດຕັ້ງປະຕິບັດການແກ້ໄຂຜົນການກວດກາ ຕາມຜົນການກວດສອບ ປີ 2022 ແລະ ຜົນການກວດກາຄືນຕາມຜົນຂອງການກວດສອບ ປີ 2021;
• ບົດລາຍງານຂອງອົງການໄອຍະການປະຊາຊົນແຂວງກ່ຽວກັບການຈັດຕັ້ງປະຕິບັດວຽກງານ ປະຈໍາປີ 2023 ແລະ ທິດທາງແຜນການປະຈໍາປີ 2024.
• ບົດລາຍງານຂອງສານປະຊາຊົນແຂວງ ກ່ຽວກັບການຈັດຕັ້ງປະຕິບັດວຽກງານ ປະຈໍາປີ 2023 ແລະ ທິດທາງແຜນການປະຈໍາປີ 2024.
• ບົດລາຍງານຂອງສະພາປະຊາຊົນແຂວງ ກ່ຽວກັບ ການເຄື່ອນໄຫວວຽກງານ ປະຈໍາປີ 2023 ແລະ ທິດທາງແຜນການປະຈໍາປີ 2024.
• ນອກຈາກບັນດາວຽກງານດັ່ງກ່າວມາຂ້າງເທິງນັ້ນ, ກອງປະຊຸມສະພາປະຊາຊົນແຂວງຍັງຈະໄດ້ ພິຈາລະນາ ແລະ ຮັບຮອງ ບົດລາຍງານຂອງອົງການປົກຄອງ ດັ່ງນີ້:
• ພິຈາລະນາ ແລະ ຮັບຮອງເອົາບົດລາຍງານ ຂອງແຂວງ ກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມປະຈໍາປີ 2023 ແລະ ທິດທາງແຜນການ ປະຈໍາປີ 2024.
• ພິຈາລະນາ ແລະ ຮັບຮອງເອົາບົດລາຍງານຂອງແຂວງ ກ່ຽວກັບການຈັດຕັ້ງປະຕິບັດແຜນງົບປະມານແຫ່ງລັດ ປະຈໍາປີ 2023 ແລະ ທິດທາງແຜນການ ປະຈໍາປີ 2024.
• ພິຈາລະນາ ແລະ ຮັບຮອງເອົາ ບົດລາຍງານ ຂອງອົງການກວດສອບປະຈໍາພາກກາງ ກ່ຽວກັບ ການຈັດຕັ້ງປະຕິບັດວຽກງານກາງສະໄໝ 5 ປີ(2021-2025) ແລະ ທິດທາງແຜນການທ້າຍສະໄໝ ຮອດປີ 2025, ການຈັດຕັ້ງປະຕິບັດວຽກງານ ປະຈຳປີ 2023 ແລະ ທິດທາງແຜນການເຄື່ອນໄຫວ ປະຈຳປີ 2024, ຜົນຂອງການກວດສອບ ບົດສະຫຼຸບຂາດຕົວການຈັດຕັ້ງປະຕິບັດ ແຜນງົບປະມານ ຂອງແຂວງ ປະຈຳປີ 2022;
• ພິຈາລະນາ ແລະ ຮັບຮອງເອົາ ບົດລາຍງານ ຂອງອົງການກວດກາລັດແຂວງວຽງຈັນ ກ່ຽວກັບ ການຈັດຕັ້ງປະຕິບັດແຜນການເຄື່ອນໄຫວວຽກງານ ກາງສະໄໝ 5 ປີ(2021-2025) ແລະ ທິດທາງແຜນການທ້າຍສະໄໝ ຮອດປີ 2025, ການຈັດຕັ້ງປະຕິບັດວຽກງານ ປະຈຳປີ 2023 ແລະ ທິດທາງແຜນການ ປີ 2024, ການຈັດຕັ້ງປະຕິບັດການແກ້ໄຂຜົນການກວດກາ ຕາມຜົນການກວດສອບ ປີ 2022 ແລະ ຜົນການກວດກາຄືນຕາມຜົນຂອງການກວດສອບປີ 2021;
• ພິຈາລະນາ ແລະ ຮັບຮອງເອົາບົດລາຍງານຂອງອົງການໄອຍະການປະຊາຊົນແຂວງກ່ຽວກັບການຈັດຕັ້ງປະຕິບັດວຽກງານ ປະຈໍາປີ 2023 ແລະ ທິດທາງແຜນການປະຈໍາປີ 2024.
• ພິຈາລະນາ ແລະ ຮັບຮອງເອົາບົດລາຍງານຂອງສານປະຊາຊົນແຂວງ ກ່ຽວກັບການຈັດຕັ້ງປະຕິບັດວຽກງານ ປະຈໍາປີ 2023 ແລະ ທິດທາງແຜນການປະຈໍາປີ 2024.
• ພິຈາລະນາ ແລະ ຮັບຮອງເອົາ ບົດລາຍງານຂອງສະພາປະຊາຊົນແຂວງ ກ່ຽວກັບ ການເຄື່ອນໄຫວວຽກງານ ປະຈໍາປີ 2023 ແລະ ທິດທາງແຜນການປະຈໍາປີ 2024.

ອີກເທື່ອໜຶ່ງໃນນາມຕາງໜ້າ ສະພາປະຊາຊົນແຂວງວຽງຈັນ ຂໍຖືເປັນກຽດຮຽນເຊີນບັນດາທ່ານການນໍາພັກ-ລັດແຂວງວຽງຈັນ, ເມືອງ, ອົງການປົກຄອງທຸກຂັ້ນພະນັກງານ-ລັດຖະກອນ, ທະຫານ ຕໍາຫຼວດ, ນັກຮຽນຮູ້, ນັກສຶກສາປັນຍາຊົນ, ກໍາມະກອນ, ຊາວຜູ້ອອກແຮງງານ, ພໍ່ຄ້າ-ຊາວຂາຍ, ພໍ່ແມ່ພີນ້ອງປະຊາຊົນບັນດາເຜົ່າທົ່ວແຂວງວຽງຈັນ ຂໍຈົ່ງໄດ້ຕິດຕາມການດໍາເນີນກອງປະຊຸມສະໄໝສາມັນເທື່ອທີ 6 ຂອງສະພາປະຊາຊົນແຂວງວຽງຈັນຊຸດທີ II ໃນຄັ້ງນີ້ ພວກຂ້າພະເຈົ້າຍິນດີຈະຕ້ອນຮັບເອົາຄໍາຄິດເຫັນ, ຄໍາສະເໜີຂອງບັນດາທ່ານສາມາດໂທເຂົ້າມາໂດຍກົງໃນວາລະດໍາເນີນກອງປະຊຸມຂອງພວກເຮົາໄດ້ທາງໂທລະສັບສາຍດ່ວນໂດຍບໍ່ໄດ້ເສຍຄ່າ ໝາຍເລກ: 023 156.