ຂ້າພະເຈົ້າ ມີຄວາມຮູ້ສຶກຍິນດີ ແລະ ຖືເປັນກຽດຢ່າງສູງ ທີ່ໄດ້ຕາງໜ້າຄະນະປະຈຳສະພາປະຊາຊົນແຂວງ ຖະແຫຼງຂ່າວຜ່ານສື່ມ່ວນຊົນຂອງແຂວງອຸດົມໄຊ ເພື່ອໃຫ້ບັນດາທ່ານການນໍາພັກ -ລັດ, ພະນັກງານ-ລັດຖະກອນ, ທະຫານ, ຕຳຫຼວດ, ນັກຮຽນ-ນັກສຶກສາ, ປັນຍາຊົນ, ກຳມະກອນ-ຊາວຜູ້ອອກແຮງງານ, ພໍ່-ແມ່ພີ່ນ້ອງປະຊາຊົນບັນດາເຜົ່າໃນທົ່ວແຂວງອຸດົມໄຊຮັບຊາບ ກ່ຽວກັບການດໍາເນີນກອງປະຊຸມສະໄໝສາມັນເທື່ອທີ 8 ຂອງສະພາປະຊາຊົນແຂວງອຸດົມໄຊ ຊຸດທີ II.

ໂດຍປະຕິບັດຕາມກົດໝາຍວ່າດ້ວຍ ສະພາປະຊາຊົນຂັ້ນແຂວງ ກ່ຽວກັບການດໍາເນີນກອງປະຊຸມປະຈໍາປີ ຂອງສະພາປະຊາຊົນຂັ້ນແຂວງ(ມາດຕາ 59).

ກອງປະຊຸມສະໄໝສາມັນເທື່ອທີ 8 ຂອງສະພາປະຊາຊົນແຂວງອຸດົມໄຊ ຊຸດທີ II ຈະໄດ້ໄຂຂຶ້ນໃນລະຫວ່າງວັນທີ 14-15 ມັງກອນ 2025 ໃຊ້ເວລາ 2 ວັນ, ຢູ່ທີ່ສະໂມສອນແຂວງ. ກອງປະຊຸມຄັ້ງນີ້, ຈະໄດ້ສຸມໃສ່ຄົ້ນຄວ້າ, ພິຈາລະນາ ແລະ ຮັບຮອງເນື້ອໃນສໍາຄັນຂອງແຂວງຈໍານວນໜຶ່ງດັ່ງນີ້:

1. ວຽກງານ ອົງການປົກຄອງແຂວງ:

1. ບົດລາຍງານຂອງທ່ານເຈົ້າແຂວງ ກ່ຽວກັບການຈັດຕັ້ງປະຕິບັດແຜນພັດທະນາເສດຖະ ກິດ-ສັງຄົມ, ແຜນງົບປະມານແຫ່ງລັດ ປະຈຳປີ 2024 ແລະ ແຜນການ ປະຈໍາປີ 2025 ຕິດພັນກັບວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ;

2. ບົດລາຍງານກ່ຽວກັບແຜນການລົງທຶນຂອງລັດ ປະຈໍາປີ 2025;

3. ບົດລາຍງານກ່ຽວກັບແຜນການຈັດສັນງົບປະມານຂອງແຂວງ ໃຫ້ພະແນກການ, ອົງ ການ ແລະ ເມືອງ ປະຈໍາປີ 2025;

4. ບົດລາຍງານການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ປະຈໍາປີ 2024 ແລະ ແຜນການປະຈໍາປີ 2025, ຕິດພັນກັບການຈັດຕັ້ງປະຕິບັດຂໍ້ຕົກ ລົງເຈົ້າແຂວງ ເລກທີ 110/ອຊ, ລົງວັນທີ 24 ກຸມພາ 2022 ວ່າດ້ວຍກອງທຶນຄວບຄຸມ, ສະກັດກັ້ນ ແລະ ແກ້ໄຂບັນຫາຢາເສບຕິດ;

5. ບົດລາຍງານກ່ຽວກັບ ການຈັດຕັ້ງປະຕິບັດວຽກງານ ສ້າງແຂວງເປັນຫົວໜ່ວຍຍຸດທະສາດ, ສ້າງເມືອງເປັນຫົວໜ່ວຍເຂັ້ມແຂງຮອບດ້ານ ແລະ ສ້າງບ້ານເປັນຫົວໜ່ວຍພັດ ທະນາ ປະຈໍາ ປີ 2024 ແລະ ແຜນການປະຈໍາປີ 2025;

6. ບົດປະກອບຄໍາເຫັນ ຂອງຄະນະປະຈໍາສະພາປະຊາຊົນແຂວງ ຕໍ່ບົດລາຍງານການຈັດຕັ້ງ ປະຕິບັດ ແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດ ປະຈໍາປີ 2024 ແລະ ແຜນການ ປະຈໍາປີ 2025;

7. ບົດປະກອບຄໍາເຫັນ ຂອງຄະນະປະຈໍາສະພາປະຊາຊົນແຂວງ ຕໍ່ບົດລາຍງານຜົນການເຄືື່ອນໄຫວວຽກງານສາມສ້າງ ປະຈໍາປີ 2024.

2. ວຽກງານ ຂອງອົງການກວດສອບປະຈໍາພາກເໜືອ II ແລະອົງການກວດກາລັດແຂວງ:

1. ບົດລາຍງານການເຄື່ອນໄຫວວຽກງານ ຂອງອົງການກວດສອບປະຈໍາພາກເໜືອ II ປະຈໍາປີ 2024 ແລະ ແຜນການ ປະຈໍາປີ 2025 ແລະ ຜົນການກວດສອບບົດສະຫຼຸບຂາດຕົວ ການຈັດຕັ້ງປະຕິບັດແຜນງົບປະມານແຫ່ງລັດ ປະຈໍາປີ 2023;

2. ບົດລາຍງານການເຄື່ອນໄຫວວຽກງານ ຂອງອົງການກວດກາລັດແຂວງ ປະຈໍາປີ 2024 ແລະ ແຜນການ ປະຈໍາປີ 2025 ແລະ ການກວດກາການກວດສອບ ປະຈໍາປີ 2022;

3. ບົດປະກອບຄໍາເຫັນຂອງຄະນະປະຈໍາສະພາປະຊາຊົນແຂວງ ຕໍ່ບົດລາຍງານຜົນການເຄືື່ອນໄຫວວຽກງານ ປະຈໍາປີ 2024 ແລະ ແຜນການ ປະຈໍາປີ 2025 ຂອງອົງການກວດສອບປະຈໍາພາກເໜືອ II ແລະ ອົງການກວດກາລັດແຂວງ.

3. ວຽກງານ ອົງການໄອຍະການປະຊາຊົນແຂວງ ແລະ ສານປະຊາຊົນແຂວງ:

1. ບົດລາຍງານຂອງອົງການໄອຍະການປະຊາຊົນແຂວງ ກ່ຽວກັບການເຄື່ອນໄຫວວຽກງານ ປະຈໍາປີ 2024 ແລະ ແຜນການ ປະຈໍາປີ 2025;

2. ບົດລາຍງານຂອງສານປະຊາຊົນແຂວງ ກ່ຽວກັບການເຄື່ອນໄຫວວຽກງານ ປະຈຳປີ 2024 ແລະ ແຜນການ ປະຈໍາປີ 2025;

3. ບົດປະກອບຄໍາເຫັນຂອງຄະນະປະຈໍາສະພາປະຊາຊົນແຂວງ ຕໍ່ບົດລາຍງານຂອງອົງການໄອຍະການປະຊາຊົນແຂວງ ແລະ ສານປະຊາຊົນແຂວງ ກ່ຽວກັບການເຄື່ອນໄຫວວຽກງານ ປະ ຈຳປີ 2024 ແລະ ແຜນການ ປະຈໍາປີ 2025.

4. ວຽກງານ ຂອງສະພາປະຊາຊົນແຂວງ:

1. ບົດລາຍງານ ຂອງສະພາປະຊາຊົນແຂວງອຸດົມໄຊ ຊຸດທີ II ກ່ຽວກັບການເຄື່ອນໄຫວວຽກງານ ປະຈຳປີ 2024 ແລະ ແຜນການ ປະຈໍາປີ 2025;

2. ບົດປະກອບຄໍາເຫັນຂອງອົງການແນວລາວສ້າງຊາດແຂວງ ຕໍ່ບົດລາຍງານການເຄື່ອນ ໄຫວວຽກງານຂອງສະພາປະຊາຊົນແຂວງອຸດົມໄຊ ຊຸດທີ II ປະຈຳປີ 2024 ແລະ ແຜນ ການ ປະຈໍາປີ 2025.

ຄຽງຄູ່ກັບການພິຈາລະນາ ແລະ ຮັບຮອງເອົາບັນຫາສຳຄັນດັ່ງກ່າວມາຂ້າງເທິງນັ້ນ, ຍັງຈະໄດ້ຮັບຟັງການຊີ້ແຈງຈາກອົງການກ່ຽວຂ້ອງຕື່ມອີກ.

ຕະຫຼອດໃນໄລຍະດຳເນີນກອງປະຊຸມສະໄໝສາມັນເທື່ອທີ 8 ຂອງສະພາປະຊາຊົນແຂວງອຸ ດົມໄຊ ຊຸດທີ II, ຄະນະເລຂາທິການຈະໄດ້ເປີດໂທລະສັບສາຍດ່ວນ (081 156 ໂດຍບໍ່ເສຍຄ່າ ຫຼື ຈະສົ່ງເປັນລາຍລັກອັກສອນມາທາງສະພາປະຊາຊົນແຂວງອຸດົມໄຊ ຕັ້ງຢູ່ບ້ານນາເລົາ, ເມືອງໄຊ, ແຂວງອຸດົມໄຊ ໃນໂມງລັດຖະການ) ເພື່ອຮັບເອົາຄໍາຄິດເຫັນ ແລະ ຄໍາສະເໜີຂອງປະຊາຊົນບັນດາເຜົ່າ ມາຍັງກອງປະຊຸມ, ກ່ຽວກັບບັນຫາທີ່ພົວພັນເຖິງການຄຸ້ມຄອງບໍລິຫານລັດຂອງສະມາ ຊິກອົງການປົກ ຄອງແຂວງ, ການພັດທະນາເສດຖະກິດ-ສັງຄົມຂອງແຂວງ, ການພັດທະນາທີ່ມີຜົນກະທົບຕໍ່ສັງຄົມ, ສິ່ງແວດລ້ອມ ແລະ ບັນຫາອື່ນໆ…

ທ້າຍນີ້, ຂໍເຊີນຊວນມາຍັງບັນດາທ່ານພະນັກງານລັດຖະກອນ, ທະຫານ-ຕໍາຫຼວດ, ນັກຮຽນ, ນັກສຶກສາ, ປັນຍາຊົນ, ກຳມະກອນ, ຊາວຜູ້ອອກແຮງງານ ແລະ ປະຊາຊົນບັນດາເຜົ່າໃນທົ່ວແຂວງອຸດົມໄຊ ຈົ່ງພ້ອມກັນຕິດຕາມການດໍາເນີນກອງປະຊຸມສະໄໝສາມັນເທື່ອທີ 8 ຂອງສະພາປະຊາຊົນແຂວງອຸດົມໄຊ ຊຸດທີ II ຄັ້ງນີ້ ແຕ່ຕົ້ນຕະຫຼອດປາຍຜ່ານສື່ຕ່າງໆ.

ໃນໂອກາດທີ່ແຂວງອຸດົມໄຊ ພວມສະເຫຼີມສະຫຼອງວັນປະຫວັດສາດທີ່ສໍາຄັນຂອງຊາດ, ສະເຫຼີມສະຫຼອງປີໃໝ່ສາກົນ 2025 ແລະ ພິທີເປີດບຸນປີໃໝ່ຂອງບັນດາເຜົ່ານີ້ ຂໍອວຍພອນອັນປະ ເສີດໃຫ້ທຸກທ່ານຈົ່ງມີສຸຂະພາບແຂງແຮງ, ມີຄວາມຜາສຸກໃນຊີວິດສ່ວນຕົວ ແລະ ຄອບຄົວ, ມີຜົນສໍາເລັດອັນຍິ້ງໃຫຍ່ຫຼວງກວ່າເກົ່າ.

(ຂໍຂອບໃຈ)!