(ສພຊ) ເພື່ອເກັບກຳຂໍ້ມູນຕົວຈິງກ່ຽວກັບການຈັດຕັ້ງປະຕິບັດການເປີດທົດລອງເຂດທ່ອງທ່ຽວ ໄລຍະ 1 ແລະ ແຜນການກະກຽມເປີດປະເທດແບບເຕັມຮູບແບບຕ້ອນຮັບນັກທ່ອງທ່ຽວ, ເພື່ອວິເຄາະວິໄຈ ແລະ ລາຍງານຕໍ່ຄະນະປະຈຳສະພາແຫ່ງຊາດ ແລະ ກະກຽມເນື້ອໃນໃຫ້ແກ່ກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດ ຊຸດທີ IX.
ໃນໂອກາດນີ້, ໄດ້ຮັບຟັງການລາຍງານຄວາມພ້ອມໃນການຮັບມືກັບການແຜ່ລະບາດພະຍາດໂຄວິດ-19 ພາຍ ຫລັງໄດ້ເປີດປະເທດ; ການຈັດຕັ້ງປະຕິບັດການເປີດທົດລອງເຂດທ່ອງທ່ຽວສີຂຽວ ແລະ ແຜນການກະກຽມຄວາມພ້ອມໃນການເປີດປະເທດແບບເຕັມຮູບແບບເພື່ອຕ້ອນຮັບນັກທ່ອງທ່ຽວ; ການກະກຽມຄວາມພ້ອມໃນການເປີດໃຫ້ບໍລິການຕ້ອນ ຮັບນັກທ່ອງທ່ຽວ; ຈາກນັ້ນ, ກອງປະຊຸມ ໄດ້ສົນທະນາແລກປ່ຽນຄຳຄິດຄຳເຫັນຢ່າງມີຈຸດສຸມ ແລະ ກົງໄປກົງມາ.
ໃນວັນທີ 24 ພຶດສະພາຜ່ານມາ, ທີ່ສະພາແຫ່ງຊາດ ໄດ້ມີກອງປະຊຸມກ່ຽວກັບການຈັດຕັ້ງປະຕິບັດການເປີດການທ່ອງທ່ຽວ ແລະ ການກະກຽມຄວາມພ້ອມໃນການເປີດປະເທດ ຕິດພັນກັບການປ້ອງກັນ ແລະ ຮັບມືກັບການແຜ່ລະບາດຂອງພະຍາດໂຄວິດ-19 ໂດຍການເປັນປະທານຂອງທ່ານ ນາງ ທຸມມາລີ ວົງພະຈັນ ປະທານກຳມາທິການວັດທະນະທຳ-ສັງຄົມ ສະພາແຫ່ງຊາດ ໂດຍໄດ້ສົມທົບກັບສະມາຊິກສະພາແຫ່ງຊາດ ທີ່ເປັນກຳມະການຂອງກຳມາທິການວັດທະນະທຳ-ສັງຄົມ, ຫົວໜ້າຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ນະຄອນຫລວງວຽງຈັນ; ຫົວໜ້າພະແນກຖະແຫລງຂ່າວ, ວັດທະນະທຳ ແລະ ທ່ອງທ່ຽວ; ປະທານສະພາການຄ້າ ແລະ ອຸດສາຫະກຳ ນະຄອນຫລວງວຽງຈັນ; ປະທານສະມາຄົມທຸລະກິດການທ່ອງທ່ຽວ; ປະທານສະມາຄົມທຸລະກິດໂຮງແຮມ ແລະ ປະທານສະມາຄົມທຸລະກິດຮ້ານອາຫານ.
ໃນວັນດຽວກັນ, ທ່ານ ນາງ ທຸມມາລີ ວົງພະຈັນ ພ້ອມດ້ວຍຄະນະ ໄດ້ລົງຕິດຕາມຊຸກຍູ້ ແລະ ຢ້ຽມຢາມດ່ານສາກົນຂົວມິດຕະພາບ ລາວ-ໄທ ແຫ່ງທີ 1, ຫໍພະແກ້ວ, ປະຕູໄຊ ແລະ ພະທາດຫລວງ ເພື່ອຕິດຕາມການຈັດຕັ້ງປະຕິບັດການເປີດທ່ອງທ່ຽວສີຂຽວ ແລະ ການກະກຽມຄວາມພ້ອມໃນການເປີດປະເທດ.

(ພາບ ແລະ ຂ່າວ: ນາງ ກຸກກິກ ບຸດດາໄຊ)