ລະຫວ່າງວັນທີ 11-14 ກໍລະກົດ 2023, ຄະນະກໍາມະການຍຸຕິທໍາ ແລະ ປ້ອງກັນຊາດ-ປ້ອງກັນຄວາມສະຫງົບສະພາປະຊາຊົນແຂວງ, ນໍາໂດຍທ່ານ ທອງຄານ ວັດສະດາກອນ ກໍາມະການປະຈໍາ, ປະທານຄະນະກໍາມະການຍຸຕິທໍາ ແລະ ປ້ອງກັນຊາດ-ປ້ອງກັນຄວາມສະຫງົບ ສະພາປະຊາຊົນແຂວງອຸດົມໄຊ ພ້ອມດ້ວຍຄະນະໄດ້ລົງເຄື່ອນໄຫວຕິດຕາມກວດກາການຈັດຕັ້ງປະຕິບັດລັດຖະທໍາມະນູນ ແລະ ກົດໝາຍ ຂົງເຂດຍຸຕິທໍາ ແລະ ປ້ອງກັນ ຊາດ-ປ້ອງກັນຄວາມສະຫງົບ, ມີຫົວໜ້າອົງການໄອຍະການປະຊາຊົນແຂວງ, ປະທານສານປະຊາຊົນແຂວງ, ຄະນະພັກຄະນະນໍາຂອງພະແນກ ຍຸຕິທໍາແຂວງ, ກອງບັນຊາການທະຫານແຂວງ ແລະ ຄ້າຍຄຸ້ມຂັງບ້ານປຸງລ່ຽນ, ພະນັກ ງານອົງການໄອຍະການປະຊາຊົນແຂວງ, ອົງການໄອຍະການປະຊາຊົນເຂດ 1 ແລະ ພະນັກງານສານປະຊາຊົນແຂວງ ແລະ ສານປະຊາຊົນເຂດ 1 ແລະ ພະນັກງານຂະແໜງຍຸດຕິທໍາ ແລະ ປ້ອງກັນຊາດ-ປ້ອງກັນຄວາມສະຫງົບ ສະພາປະຊາຊົນແຂວງ ເຂົ້າຮ່ວມຢ່າງພ້ອມພຽງ.

ຈຸດປະສົງ, ຂອງການລົງເຄື່ອນໄຫວໃນຄັ້ງນີ້ແມ່ນເພື່ອເປັນການປະຕິບັດຕາມກົດໝາຍວ່າດ້ວຍ ການຕິດ ຕາມກວດກາຂອງສະພາແຫ່ງຊາດ ແລະ ສະພາປະຊາຊົນຂັ້ນແຂວງ, ແຜນການຕິດຕາມກວດກາ 6 ເດືອນຕົ້ນປີ 2023 ຂອງຄະນະກໍາມະການ ແລະ ເພື່ອເປັນການລົງຕິດຕາມກວດກາ, ຊຸກຍູ້ການຈັດຕັ້ງປະຕິບັດລັດຖະທໍາມະ ນູນ, ກົດໝາຍ ແລະ ວຽກງານວິຊາສະເພາະຂົງເຂດຍຸຕິທໍາ ແລະ ປ້ອງກັນຊາດ-ປ້ອງກັນຄວາມສະຫງົບ.

ການລົງເຄື່ອນໄຫວໃນຄັ້ງນີ້, ໄດ້ຮັບຟັງການລາຍງານໂດຍຫຍໍ້ ກ່ຽວກັບການເຄື່ອນໄຫວຈັດຕັ້ງປະຕິບັດວຽກງານຮອບດ້ານ ໃນໄລຍະ 6 ເດືອນຕົ້ນປີ ແລະ ວາງທິດທາງແຜນການ 6 ເດືອນທ້າຍປີ 2023 ຂອງພາກສ່ວນກ່ຽວຂ້ອງ ຕາມພາລະບົດບາດ, ສິດ ແລະ ໜ້າທີ່ຄວາມຮັບຜິດຊອບຂອງຕົນ, ໃນການເພື່ອປົກປ້ອງສິດ, ຜົນປະໂຫຍດອັນຊອບທໍາຂອງພົນລະເມືອງ, ຮັບປະກັນຄວາມຍຸຕິທໍາ, ຄວາມສະຫງົບ ແລະ ຄວາມເປັນລະບຽບຮຽບຮ້ອຍຂອງສັງຄົມ ແລະ ພາກສ່ວນຕ່າງໆ ໄດ້ເຄື່ອນໄຫວມີຜົນສໍາເລັດຫຼາຍດ້ານ ແລະ ບັນລຸຕາມຄາດໝາຍທີ່ໄດ້ວາງໄວ້.

ຫຼັງຈາກນັ້ນ, ຜູ້ເຂົ້າຮ່ວມໄດ້ມີຄໍາຄິດຄໍາເຫັນແລກປ່ຽນບົດຮຽນເຊິ່ງກັນ ແລະ ກັນ, ມີຄໍາຖາມເຈາະຈີ້ມເພີ່ມຕື່ມຕໍ່ກັບບາງບັນຫາທີ່ພົ້ນເດັ່ນ ແລະ ມີຄໍາສະເໜີຕ່າງໆ. ພ້ອມນັ້ນ, ບັນດາຂະແໜງທີ່ກ່ຽວຂ້ອງ ກໍ່ໄດ້ຂຶ້ນຊີ້ແຈງຕໍ່ກັບບັນຫາທີ່ຍົກຂຶ້ນ ຕາມຄວາມຮັບຜິດຊອບຂອງຕົນຢ່າງກົງໄປກົງມາ.