ເນື່ອງໃນໂອກາດເຂົ້າຮ່ວມກອງປະຊຸມສະໄໝສາມັນເທື່ອທີ 6 ຂອງສະພາແຫ່ງຊາດ ຊຸດທີ IX, ຕອນເຊົ້າວັນທີ 6 ພະຈິກ 2023 ທີ່ສະພາແຫ່ງຊາດ, ທ່ານ ຄໍາດີ ວົງລ້ອມ ປະທາານຄະນະສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 04 ແຂວງອຸດົມໄຊ ໄດ້ຕາງໜ້າໃຫ້ຄະນະສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 04 ແລະ ສະມາຊິກສະພາປະຊາຊົນແຂວງອຸດົມໄຊ ໃຫ້ສໍາພາດຕໍ່ກົມສື່ມວນຊົນສະພາແຫ່ງຊາດ ໃນລາຍການ(ຄົ້ນຫາມາເລົ່າ) ກ່ຽວກັບບັນຫາທີ່ພົ້ນເດັ່ນ ແລະ ເຄັ່ງຮ້ອນຂອງແຂວງ ທີ່ຮັບຜິດຊອບເຄື່ອນໄຫວຕາມພາລະບົດບາດໃນໄລຍະຜ່ານມາຄື:

ວຽກງານການເມືອງ-ນໍາພາແນວຄິດ: ເອົາໃຈໃສ່ສຶກສາອົບຮົມວຽກງານການເມືອງ-ແນວຄິດ ໃຫ້ພະນັກງານ,

ສະມາຊິກພັກ ຕະຫຼອດຮອດປະຊາຊົນບັນດາເຜົ່າພາຍໃນແຂວງ ໃຫ້ຮັບຮູ້, ເຂົ້າໃຈ ແລະ ພ້ອມກັນເປັນເຈົ້າການບຸກບືນສູ້ຊົນປະຄັບປະຄອງຜ່ານຜ່າຄວາມຫຍຸ້ງຍາກທາງດ້ານເສດຖະກິດ-ການເງິນ ທີ່ພວມປະເຊີນຢູ່ໂດຍລວມແມ່ນຍັງມີຄວາມສະຫງົບໂດຍພື້ນຖານ. ວຽກງານປ້ອງກັນຊາດ-ປ້ອງກັນຄວາມສະຫງົບ: ຕິດພັນກັບການຈັດຕັ້ງປະຕິບັດວາລະແຫ່ງງຊາດ ວ່າດ້ວຍແກ້ໄຂບັນຫາຢາເສບຕິດ ແລະ ປະກົດການຫຍໍ້ທໍ້ຢ່າງຈິ່ງຈັງ ເປັນຕົ້ນແມ່ນສາມາດມ້າງຄະດີຢາເສບຕິດໄດ້ 182 ລາຍ, ຈັບຜູ້ຕ້ອງຫາໄດ້ 231 ຄົນ, ຍິງ 32 ຄົນ, ຍຶດຂອງກາງຢາເສບຕິດໄດ້ 12.639.163 ເມັດ, ທໍາລາຍສວນຢາຝິນໄດ້ 138 ຕອນ, ເນື້ອທີ 24,127 ເຮັກຕາ ແລະ ເອົາໃຈໃສ່ແກ້ໄຂບັນຫາຄົນຕ່າງປະເທດ, ແອັບຕິກຕ່ອກ, ຕູ້ເກມອອນລາຍ, ອຸປະກອນຫຼິ້ນການພະນັນທີ່ຕ້ອງຫ້າມ, ຮ້ານເກັບຊື້ເຫຼັກເສດ, ຮ້ານບັນເທີງບໍລິການເປີດກາຍໂມງເວລາ ແລະ ບັນຫາອື່ນໆ ເຊິ່ງເຮັດໃຫ້ສັງຄົມມີຄວາມສະຫງົບ ແລະ ຄວາມເປັນລະບຽບຮຽບຮ້ອຍໂດຍພື້ນຖານ.

ການຈັດຕັ້ງປະຕິບັດບັນດາມະຕິ, ຄໍາສັ່ງ ແລະ ນິຕິກໍາ ທີ່ເລັ່ງດ່ວນຂອງລັດຖະບານ ແລະ ຂອງແຂວງເປັນ ຕົ້ນ: ມະຕິເລກທີ 09/ລບ ວ່າດ້ວຍ ນະໂຍບາຍ ແລະ ມາດຕະການແກ້ໄຂບັນຫາການຂາດແຄນຄູ, ການປະລະການຮຽນ ແລະ ການສົ່ງເສີມເຂົ້າຮຽນວິຊາຊີບ; ຄໍາສັ່ງເລກທີ 11/ນຍ ວ່າດ້ວຍ ການເພີ່ມທະວີຄວາມເຂັ້ມງວດໃນການຄຸ້ມຄອງປົກປັກຮັກສາປ່າໄມ້ ແລະ ທີ່ດິນປ່າໄມ້, ຕ້ານ ແລະ ສະກັດກັ້ນການບຸກລຸກທໍາລາຍປ່າໄມ້, ທີ່ດິນປ່າໄມ້ ແລະ ໄຟ  ໄໝ້ລາມປ່າ; ຂໍ້ຕົກລົງເລກທີ 93/ນຍ ວ່າດ້ວຍ ການຈັດຕັ້ງປະຕິບັດສິນເຊື່ອເພື່ອກະຕຸ້ນເສດຖະກິດ ແລະ ນະໂຍບາຍສິນເຊື່ອເພື່ອກະຈາຍແຫຼ່ງທຶນສູ່ທ້ອງຖິ່ນ; ຄໍາສັ່ງເລກທີ 10/ນຍ ວ່າດ້ວຍ ການຄຸ້ມຄອງເງິນຕາຕ່າງປະເທດ; ຄໍາສັ່ງເລກທີ 13/ນຍ ວ່າດ້ວຍ ການເພີ່ມທະວີແກ້ໄຂບັນຫາເຄັ່ງຮ້ອນ ຂອງເສດຖະກິດ-ການເງິນ, ບັນຫາເງິນເຟີ້, ອັດຕາແລກປ່ຽນ, ລາຄາສິນຄ້າ ແລະ ໜີ້ສິນຕ່າງປະເທດ.

ວຽກງານເສດຖະກິດຕິດພັນກັບການຈັດຕັ້ງປະຕິບັດວາລະແຫ່ງຊາດ ວ່າດ້ວຍ ການແກ້ໄຂຄວາມຫຍຸ້ງຍາກ

ທາງດ້ານເສດຖະກິດ-ການເງິນ ເປັນຕົ້ນ: ເອົາໃຈໃສ່ດຶງດູດການລົງທຶນຈາກພາກລັດ, ພາກເອກະຊົນພາຍໃນ ແລະ ຕ່າງ ປະເທດເຂົ້າໃສ່ການພັດທະນາແຂວງ ໃນນີ້, ແຜນການລົງທຶນຂອງລັດ 45.549,92 ລ້ານກີບ, ການລົງທຶນພາກເອກະຊົນ 30.774.671,35 ລ້ານກີບ, ແກ້ໄຂບັນຫາໜີ້ສິນການລົງທຶນຂອງລັດທັງໃນແຜນ ແລະ ນອກແຜນທີ່ຄຸມເຄືອມາແຕ່ດົນ ຈາກຈໍານວນ 291,73 ຕື້ກີບ ຫຼຸດລົງຍັງເຫຼືອ 286,68 ຕື້ກີບ; ຈັດເກັບລາຍຮັບເຂົ້າງົບປະມານ ມາຮອດປະຈຸບັນປະຕິບັດໄດ້ 98,9%, ໃນນີ້, ພູດສູນກາງປະຕິບັດໄດ້ 180,71%, ພູດທ້ອງຖິ່ນປະຕິບັດໄດ້ 80,39%. ສ່ວນລາຍຈ່າຍປະຕິບັດໄດ້ 80,91%; ພ້ອມນີ້, ກໍ່ໄດ້ສໍາເລັດການດັດສົມລົດລັດ ແລະ ຕິດສະຕິກເກີໃນທົ່ວແຂວງ, ແກ້ໄຂລົດຕົກຄ້າງທີ່ບໍ່ທັນໄດ້ເສຍພາສີຢ່າງຈິງຈັງ, ຍຸບເລີກຮ້ານແລກປ່ຽນເງິນຕາທົ່ວໄປ, ຄຸ້ມຄອງການເຄື່ອນໄຫວຂອງບັນດາທະນາ ຄານທຸລະກິດ, ສະຖາບັນການເງິນເຂັ້ມງວດດີຂຶ້ນເທື່ອລະກ້າວ; ສຸມໃສ່ສົ່ງເສີມການຜະລິດກະສິກໍາການປູກ, ການລ້ຽງ ເພື່ອທົດແທນການນໍາເຂົ້າ ແລະ ຜະລິດເປັນສິນຄ້າສົ່ງອອກຕິດພັນກັບການແກ້ໄຂຄວາມທຸກຍາກຂອງປະຊາຊົນ. ອັນພົ້ນເດັ່ນ ແມ່ນການຜະລິດເຂົ້ານາແຊງໄດ້ເກີນແຜນ 23% ນອກຈາກນີ້ແມ່ນການເກັບກູ້ຢາງພາລາ, ການປູກສາລີແຂງ ແລະ ພືດລົ້ມລຸກອື່ນໆ ເປັນສິນຄ້າສົ່ງອອກໄປ ສປ ຈີນ.

ວຽກງານຂົງເຂດວັດທະນະທໍາ-ສັງຄົມ: ຈັດຕັ້ງປະຕິບັດບັນດາຄາດໝາຍ ຂອງແຕ່ລະຂະແໜງການ, ພ້ອມນີ້, ກໍ່ໄດ້ເປີດສົກຮຽນໃໝ່ໃນທົ່ວແຂວງ ສົກຮຽນ 2023-2024; ສຸມໃສ່ຊັກວັກຊິນຮອບປົກກະຕິ, ວັກຊິນໂຄວິດ-19; ສະກັດກັ້ນ ແລະ ແກ້ໄຂການແຜ່ລະບາດຂອງພະຍາດໄຂ້ຍຸງລາຍ ແລະ ພາຍາດຄໍຕີບທີ່ເກີດຂຶ້ນຢູ່ເມືອງງາ; ໂຄສະນາເຜີຍແຜ່ຂໍ້ມູນຜົນງານການເຄື່ອນໄຫວຂອງແຂວງ ອອກສູ່ສັງຄົມໂດຍຜ່ານສື່ຕ່າງໆ; ເອົາໃຈໃສ່ພັດທະນາສີມືແຮງງານ, ຈັດຫາງານຢູ່ພາຍໃນ ແລະ ສົ່ງໄປ ອອກແຮງງານຢູ່ຕ່າງປະເທດເປັນລະບົບດີຂຶ້ນ.

ບັນຫາທີ່ເຄັ່ງຮ້ອນຂອງແຂວງ: ບັນຫາຄ່າຄອງຊີບແພງ ໂດຍສະເພາະ: ໄພເງິນເຟີ້, ນໍ້າມັນແພງ, ສິ້ນຄ້າອຸປະ ໂພກ-ບໍລິໂພກ ແລະ ອື່ນໆ ທີ່ມີຜົນກະທົບຕໍ່ພະນັກງານ ແລະ ພໍ່ແມ່ປະຊາຊົນບັນດາເຜົ່າພາຍໃນແຂວງ; ບັນຫາການພັດທະນາພື້ນຖານໂຄງຣ່າງ ຍັງບໍ່ທັນໄດ້ຮັບການແກ້ໄຂເທົ່າທີ່ຄວນໂດຍສະເພາະແມ່ນ: ຖະໜົນຫົນທາງ, ຍັງມີບາງບ້ານບໍ່ມີໄຟຟ້າໃຊ້, ການຊົດເຊີຍຜົນກະທົບຈາກໂຄງການລົງທຶນຂອງລັດ ແລະ ເອກະຊົນຊັກຊ້າ, ລາຄາຊົດຊົດເຊີຍຍັງຕໍ່າບໍ່  ເໝາະສົມ, ການຊອກຕະຫຼາດຈໍານ່າຍ-ການກໍານົດລາຄາສິນຄ້າການກະເສດໃຫ້ປະຊາຊົນຍັງບໍ່ທັນໄດ້ຮັບການແກ້ໄຂ ແລະ ບັນຫາອື່ນໆ; ບັນຫາການຫວ່າງງານຂອງປະຊາຊົນໂດຍສະເພາະແມ່ນ ໄວ່ໜຸ່ມຍິງ-ຊາຍຈໍານວນໜຶ່ງ ບໍ່ມີວຽກເຮັດງານທໍາທີ່ຫຼັງຈາກຮຽນຈົບວິຊາສະເພາະມາ.

ການຈັດຕັ້ງການຕິດຕາມກວດກາ 2 ວາລະແຫ່ງຊາດ, ຜົນໄດ້ຮັບ: ເຮັດໃຫ້ສັງຄົມມີຄວາມສະຫງົບ, ມີຄວາມເປັນລະບຽບຮຽບຮ້ອຍໂດຍພື້ນຖານ; ເຮັດໃຫ້ແຂວງສືບຕໍ່ສະຖຽນລະພາບທາງດ້ານການເມືອງທີ່ໜັກແໜ້ນ ສ້າງໄດ້ສະຕິເຄົາລົບລະບຽບ, ກົດໝາຍ, ຄວາມຕື່ນຕົວໃຫ້ແກ່ພໍ່ແມ່ປະຊາຊົນບັນດາເຜົ່າໃນທົ່ວແຂວງຮັບຮູ້ ແລະ ເຂົ້າ ໃຈຕໍ່ກັບບັນດາແນວທາງຂອງພັກ, ນະໂຍບາຍຂອງລັດຢ່າງເລີກເຊີ່ງພ້ອມກັນຈັດຕັ້ງປະຕິບັດ ແລະ ເປັນເຈົ້າການຈັດຕັ້ງປະຕິບັດ 2 ວາລະແຫ່ງຊາດ ເພື່ອເປັນເຈົ້າການບຸກບືນສູ້ຊົນ ໄປດ້ວຍກັນຢ່າງພ້ອມພຽງຮຽງໜ້າ ແລະ ຂໍ້ຫຍຸ້ງຍາກໃນການຈັດຕັ້ງປະຕິບັດ: ການຕິດຕາມກວດກາຈັດຕັ້ງປະຕິບັດບັນດາມະຕິ, ຄໍາສັ່ງ, ນິຕິກໍາຕ່າງໆເຂົ້າສູ່ວຽກງານຕົວຈິ່ງຂອງສະພາປະຊາຊົນແຂວງຕໍ່ ການເຄື່ອນໄຫວຂອງອົງການປົກຄອງແຂວງບາງດ້ານຍັງຊັກຊ້າ, ບໍ່ທັນຕາມກໍານົດເວລາ ແລະ ບາງໜ້າວຽກແມ່ນບໍ່ໄປຕາມແຜນ; ການຕິດຕາມກວດກາ ຕໍ່ການຈັດຕັ້ງປະຕິບັດ 2 ວາລະແຫ່ງຊາດຜ່ານມາ ເຖີງວ່າອົງ ການປົກຄອງຈະສຸມໃສ່ແກ້ໄຂແລ້ວກໍ່ຕາມ ແຕ່ເຫັນໄດ້ວ່າຍັງຍັງມີບາງດ້ານຍັງບໍ່ທັນເອົາໃຈໃສ່ໄດ້ເທົ່າທີ່ຄວນເປັນຕົ້ນ: ການຜັນຂະຫຍາຍບັນມະຕິ, ຄໍາສັ່ງ ແລະ ກົດໝາຍ ຍັງເຮັດໄດ້ໜ້ອຍ, ບໍ່ທົ່ວເຖີງ ແລະ ບໍ່ໄປຕາມແຜນການ, ປະຊາຊົນບາງສ່ວນຍັງບໍ່ທັນຮັບຮູ້ກ່ຽວກັບຢ່າງເລີກເຊີ່ງ.

ຈາກບັນຫາທີ່ເຄັ່ງຮ້ອນກ່າວມາຂ້າງເທີ່ງນັ້ນ, ສະພາປະຊາຊົນແຂວງ ກໍ່ຄືແຂວງຂອງພວກເຮົາໄດ້ມີວິທີ່ແກ້ໄຂບາງຈຸດສຸມດັ່ງກ່າວໃນຕໍ່ໜ້າຄືດັ່ງນີ້: ສືບຕໍ່ພັດທະນາເສດຖະກິດ-ສັງຄົມໃຫ້ຂະຫຍາຍຕົວຢ່າງວອ່ງໄວ, ໜັກແໜ້ນ ແລະ ຍືນຍົງຕາມທິດສ້າງແຂວງອຸດົມໄຊກາຍເປັນໃຈກາງດ້ານເສດຖະກິດ ໂດຍສຸມໃສ່ຈັດຕັ້ງປະຕິບັດບັນດາຄາດໝາຍ, ວຽກງານຈຸດສຸມແຜນພັດທະນາເສດຖະກິດ-ສັງຄົມໃຫ້ບັນລຸແຕ່ລະດ້ານ ແລະ ເອົາໃຈໃສ່ຄຸ້ມຄອງລາຄາສິນຄ້າ, ການບໍ ລິການຕາມທ້ອງຕະຫຼາດໃຫ້ເຂັ້ມງວດກ່ວາເກົ່າ; ສົ່ງເສີ່ມການຜະລິດກະສິກໍາ ເພື່ອຄໍ້າປະກັນສະບຽງອາຫານ ແລະ ຜະ ລິດເປັນສິນຄ້າຕິດພັນກັບ ການປຸງແຕ່ງດ້ວຍການນໍາໃຊ້ເຕັກນິກວິທະຍາສາດ ເຮັດໃຫ້ຜະລິດຕະພັນມີສະມັດຕະພາບດີຂື້ນ ສາມາດຕອບສະໜອງຕາມຄວາມຕ້ອງການພາຍໃນ ແລະ ສົ່ງອອກ; ສຸມໃສ່ປັບປຸງ ແລະ ກໍ່ສ້າງພື້ນຖານໂຄງລ່າງທີ່ຈໍາເປັນເປັນຕົ້ນ: ກໍ່ສ້າງ, ປົກປັກຮັກສາ, ສ້ອມ ແປງເສັ້ນທາງທີ່ເຊື່ອມຕໍ່ໄປຫາຊົນນະບົດ, ບັນດາເມືອງ, ແຂວງ ພ້ອມທັງຂະຫຍາຍເສັ້ນທາງໄປຫາບັນດາບ້ານຢູ່ຊົນນະບົດໃຫ້ໄດ້ທົ່ວເຖີງ; ສຸມໃສ່ຄອງປ່າໄມ້ ແລະ ຊັບພະຍາກອນປ່າໄມ້ໃຫ້ເຂັ້ມງວດ ເພີ່ມອັດຕາການປົກຫຸ້ມເນື້ອທີ່ປ່າໄມ້ໃຫ້ໄດ້ 55% ຂອງເນື້ອທີ່ທົ່ວແຂວງ, ລົງສໍາຫຼວດ, ກວດກາ ແລະ ກໍ່ສ້າງ, ສ້ອມແປງຊົນລະປະທານ ເພື່ອໃຫ້ຕອບສະໜອງແກ່ການລົງມືທໍາການຜະລິດຂອງປະຊາຊົນໃຫ້ທັນເວລາ.

ພ້ອມນັ້ນ, ທ່ານຍັງໄດ້ຝາກເຖີງພໍ່ແມ່ປະຊາຊົນບັນດາເຜົ່າພາຍໃນແຂວງເວົ້າສະເພາະ ແລະ ເວົ້າລວມ ກໍ່ຄືປະ ຊາຊົນບັນດາເຜົ່າໃນທົ່ວປະເທດ: ຂໍຮຽກຮ້ອງມາຍັງບັນດາທ່ານຄະນະພັກທຸກໆຂັ້ນ, ພະນັກງານ-ລັດຖະກອນ, ທະ ຫານ-ຕໍາຫຼວດ ຕະຫຼອດຮອດພໍ່ແມ່ປະຊາຊົນບັນດາເຜົ່າ ຈົ່ງພ້ອມກັນເປັນເຈົ້າການໃນການຈັດຕັ້ງປະຕິບັດບັນດາແນວ ທາງຂອງພັກ, ນະໂຍບາຍ, ລະບຽບການ, ກົດໝາຍຂອງລັດວາງອອກຢ່າງເຂັ້ມງວດ, ພ້ອມທັງເປັນແບບຢ່າງນຳໜ້າໃນການສ້າງເສດຖະກິດຄອບຄົວໃຫ້ກາຍເປັນສິນຄ້າເທື່ອລະກ້າວ; ຮຽກຮ້ອງມາຍັງປະຊາຊົນບັນດາເຜົ່າໃນທົ່ວປະເທດ ກໍ່ຄືຊາວແຂວງອຸດົມໄຊ ຈົ່ງເຄື່ອນໄຫວດໍາລົງຊີວິິດ ຕິດພັນກັບການປະກອບອາຊີບການທໍາການຜະລິດຂອງຕົນທີ່ມີມາແຕ່ດັ່ງເດີມຄ່ອຍໆ ຫັນມາຜະລິດແບບທັນສະໄໝເທື່ອລະກ້າວ ເຮັດໃຫ້ຜົນຜະລິດ ແລະ ຜະລິດຕະພັນຕ່າງໆມີຄຸນນະພາບເປັນສິນຄ້າໂອດ໋ອບເພື່ອການສົ່ງອອກ.

ຂໍ້ມູນ: ສະພາປະຊາຊົນແຂວງ.