ວັນ​ທີ 26 ມີນາ 2024 ຜ່ານມາ ຮາກຖານຊາວຫນຸ່ມ ສະພາປະຊາຊົນ ແຂວງຫົວພັນ ໄດ້ຈັດພິທີ ມອບຫລຽນກາລະນຶກ 65 ປີ ວັນສ້າງຕັ້ງຄະນະຊາວຫນຸ່ມປະຊາຊົນປະຕິວັດລາວ (14 ເມສາ 1955 – 14 ເມສາ 2020) ແລະ ໃບຍ້ອງຍໍ ຂອງເລຂາ ຄະນະບໍລິຫານງານຊາວຫນຸ່ມ ປະຊາຊົນ ປະຕິວັດລາວ ແຂວງຫົວພັນ ໃນໄລຍະ 5ປີ ຜ່ານມາ (2019 – 2023) ຂຶ້ນ ທີ່ຫ້ອງປະຊຸມຊັ້ນ 3ຂອງສະພາປະຊາຊົນແຂວງ. ໃຫ້ກຽດເຂົ້າຮ່ວມ ແລະ ມອບຫລຽນກາລະນຶກ 65 ປີໃຫ້ສະມາຊິກຊາວໜຸ່ມ ແລະ ມອບໃບຍ້ອງຍໍໃຫ້ ຮາກຖານຊາວຫນຸ່ມ ສະພາປະຊາຊົນແຂວງ                          ໂດຍສະຫາຍ ແທງ ວິໄລພອນ ຄະນະຫນ່ວຍພັກ ສະພາປະຊາຊົນແຂວງ ໂອກາດນີ້ ຮາກຖານຊາວຫນຸ່ມ ຍັງໄດ້ ຮ່ວມຊີວິດ ປະຈຳເດືອນ ເພື່ອຕຳນິກໍ່ສ້າງ ເຊິ່ງກັນ ແລະ ກັນ ໃນວຽກງານຕ່າງໆທີ່ຍັງພົບຄວາມຫຍຸ້ງຍາກ ເພື່ອຊອກຫາທາງອອກ ແລະ ວາງທິດທາງໃນເດືອນຕໍ່ຫນ້າ ຈາກນັ້ນ, ສະຫາຍ ຄຳເພັງ ລາດທະວີຄຳ ເລຂາ ຮາກຖານຊາວ ຫນຸ່ມ ສະພາປະຊາຊົນແຂວງ ຍັງໄດ້ຂຶ້ນມອບໃບຍ້ອງຍໍ ຜົນງານ 5 ປີ ຜ່ານມາ ໃຫ້ສະມາຊິກພາຍໃນຮາກຖານຕື່ມອີກ.