ຕອນເຊົ້າຂອງວັນທີ 28 ມິຖຸນາ 2024 ທີ່ຫ້ອງປະຊຸມສະພາປະຊາຊົນແຂວງອຸດົມໄຊ ໄດ້ຈັດກອງປະຊຸມຄະນະປະຈໍາສະພາປະຊາຊົນແຂວງ ໂດຍການເປັນປະທານ ຂອງ ທ່ານ ຄໍາດີ ວົງລ້ອມ ຮອງເລຂາພັກແຂວງແຂວງ, ປະປະທານສະພາປະຊາຊົນແຂວງ, ເຂົ້້າຮ່ວມມີບັນດາທ່ານຄະນະປະຈໍາສະພາປະຊາຊົນແຂວງ, ຫົວໜ້າ/ຮອງຫົວໜ້າພະ ແນກການ: ພະແນກແຜນການ ແລະ ການລົງທຶນແຂວງ, ພະແນກຊັບພະຍາກອນທໍາມະຊາດ ແລະ ສິ່ງແວດລ້ອມແຂວງ, ພະແນກກະສິກໍາ ແລະ ປ່າໄມ້ແຂວງ ແລະ ພະແນກໂຍທາທິການ ແລະ ຂົນສົ່ງແຂວງ.

ຈຸດປະສົງການຈັດກອງປະຊຸມໃນຄັ້ງນີ້ ເພື່ອຄົ້ນຄວ້າ, ພິຈາລະນາ ແລະ ຮັບຮອງເອົາບັນຫາສໍາຄັນຕ່າງໆຂອງແຂວງ. ໃນກອງປະຊຸມໄດ້ຮັບຟັງການຜ່ານບົດລາຍງານການຄົ້ນຄວ້າໜັງສືສະເໜີ ເຈົ້າແຂວງ ເລກທີ 888/ອຊ, ລົງວັນທີ 6/6/2024 ກ່ຽວກັບແຜນການນໍາໃຊ້ງົບປະມານລົງທຶນຂອງລັດ (ຮ່ວງກອງທຶນບູລະນະຮັກສາ ແລະ ສ້ອມແປງທາງຫຼວງທ້ອງຖິ່ນ) ປະຈໍາປີ 2024; ບົດລາຍງານການຄົ້ນຄວ້າໜັງສືສະເໜີ ເຈົ້າແຂວງ ເລກທີ 967/ອຊ, ລົງວັນທີ 20/6/2024 ແຜນການລົງທຶນຂອງລັດ (ທຶນພັດທະນາຊຸມຊົນ); ບົດລາຍງານການຄົ້ນຄວ້າ ການອອກມະຕິລົບລ້າງ ມະຕິຂອງກອງປະຊຸມສະພາປະຊາຊົນແຂວງ ເລກທີ 33/ສພຂ.ອຊ, ລົງວັນທີ 12/1/2021 ວ່າດ້ວຍການຮັບຮອງເອົາຂໍ້ຕົກລົງຂອງ ເຈົ້າແຂວງ ວ່າດ້ວຍການກໍານົດຫົວໜ່ວຍລາຄາທົດແທນຄ່າເສຍຫາຍໃຫ້ແກ່ຜູ້ທີ່ໄດ້ຮັບຜົນກະທົບຈາກໂຄງ ການພັດທະນາ ຕາມແຜນຍຸດທະສາດຂອງ ເມືອງໄຊ, ແຂວງອຸດົມໄຊ (ເຂດຕີນພູຫີຜີ); ບົດລາຍງານການຄົ້ນຄວ້າໜັງສືສະເໜີ ເຈົ້າແຂວງ ເລກທີ 918/ອຊ, ລົງວັນທີ 12/6/2024 ການຫັນປ່ຽນປະເພດທີ່ດິນກະສິກໍາມາເປັນດິນປຸກສ້າງທີ່ຢູ່ອາໄສ ແລະ ດິນປຸກສ້າງ ເພື່ອການບໍລິການທາງການຄ້າ ຢູ່ເມືອງໄຊ ແລະ ເມືອງນາໝໍ້ ແຂວງອຸດົມໄຊ. ຫຼັງຈາກນັ້ນ, ບັນ ດາທ່ານຄະນະປະຈໍາສະພາປະຊາຊົນແຂວງ ໄດ້ສຸມໃສ່, ຄົ້ນຄວ້າ ປະກອບຄໍາຄິດຄໍາເຫັນແລກປ່ຽນ ແລະ ຜູ້ຕ່າງໜ້າພະແນກການໄດ້ຊີ້ແຈງເພີ່ມຕື່ມ ແລະ ໃນຕອນບ່າຍຂອງວັນດຽວກັນ ຍັງໄດ້ຜ່ານມະຕິກອງປະຊຸມຂອງຄະນະປະຈໍາສະ ພາປະຊາຊົນແຂວງອຸ ດົມໄຊ ວ່າດ້ວຍການຮັບຮອງເອົາການຍົກຍ້າຍ ທ່ານ ທອງຄານ ວັດສະດາກອນ ຄະນະປະຈໍາສະພາປະຊາຊົນແຂວງ, ປະທານຄະນະກໍາມະການຍຸຕິທໍາ ແລະ ປ້ອງກັນຊາດ-ປ້ອງກັນຄວາມສະຫງົບ ໄປປະຈໍາຢູ່ຫ້ອງວ່າການເມືອງງາ, ແຂວງອຸດົມໄຊ.

ຂ່າວ: ສພຂ