ໃນໂອກາດທີ່ເຂົ້າຮ່ວມກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດ ຊຸດທີ IX ທ່ານສີເຮັງ ຫອມສົມບັດ ປະທານຄະນະ ສະມາຊິກສະພາແຫ່ງຊາດ (ສສຊ) ປະຈຳເຂດເລືອກຕັ້ງ 14 ແຂວງສາລະວັນ ຕາງໜ້າໃຫ້ແກ່ ສສຊ ເຂດ 14 ມອບກາເຟປອດສານພິດ ຈຳນວ 500 ກ໋ອງ, ມູນຄ່າ 7,500,000ກີບ ເຊິ່ງໄດ້ຮັບການອຸປະຖຳຈາກສະພາການຄ້າແລະອຸດສາຫະກຳແຂວງສາລະວັນ ເພື່ອມອບໃຫ້ຄະນະປະຈຳສະພາແຫ່ງຊາດ, ເຂົ້າຮ່ວມມອບມີ ສສຊ ເຂດ 14 ແລະ ເລຂາທິການສະພາປະຊາຊົນແຂວງ; ຮັບໂດຍທ່ານ ສຸບັນ ສະວະບຸດ ກຳມະການຄະນະປະຈຳ ສະພາແຫ່ງຊາດ ປະທານກຳມາທິການວຽກງານສະມາຊິກສະພາແຫ່ງຊາດ;
ໂອກາດດັ່ງກ່າວ ທ່ານ ສຸບັນ ສະວະບຸດ ຕາງຫນ້າຄະນະປະຈຳສະພາແຫ່ງຊາດ ສະແດງຄວາມຂອບໃຈຢ່າງສູງມາຍັງທ່ານປະທານຄະນະ ສສຊ ເຂດ 14 ພ້ອມຄະນະ ທີ່ຕາງໜ້າໃຫ້ການນຳ ແລະ ຊາວສາລະວັນ ນຳເອົາກາເຟປອດສານພິດ ມາມອບໃຫ້ຄະນະປະຈຳສະພາແຫ່ງຊາດ ຂໍອວຍພອນແດ່ທ່ານພ້ອມການນຳ ແລະ ຊາວສາລະວັນທຸກຄົນ ຈົ່ງມີໂຊກມີໄຊ ພ້ອມກັນຜ່ານຜ່າຄວາມຫຍຸ້ງຍາກຕ່າງໆ ແລະ ພັດທະນາແຂວງສາລະວັນໃຫ້ຈະເລີນກ້າວຂຶ້ນຢ່າງບໍ່ຢຸດຢັ້ງ
ພິທີມອບຈັດຢູ່ທີ່ຫໍປະຊຸມສະພາແຫ່ງຊາດ ໃນຕອນບ່າຍຂອງວັນທີ 27 ມີຖຸນາ 2022.

ດີລຳພົນ ພົມມະຈັນ