(ສພຊ) ກອງປະຊຸມຕີລາຄາການຈັດຕັ້ງປະຕິບັດແຜນການເຄື່ອນໄຫວວຽກງານກາງສະໄໝຂອງແຜນການ 5 ປີ (2021-2025) ແລະ ການເຄື່ອນໄຫວວຽກງານປະຈໍາປີ 2023 ແລະ ທິດທາງປີ 2024 ຂອງຄະນະສະມາ ຊິກສະພາແຫ່ງຊາດ (ສສຊ) ປະຈໍາເຂດເລືອກຕັ້ງທີ 7 ແຂວງໄຊຍະບູລີ ໄດ້ຈັດຂຶ້ນໃນວັນທີ 20 ກຸມພາ 2024 ທີ່ຫ້ອງປະຊຸມຫ້ອງວ່າການແຂວງ ໂດຍການເປັນປະທານຂອງທ່ານ ເພັງນິລັນ ຄໍາພັນເພັງ ປະທານຄະນະ ສສຊ ປະ ຈຳເຂດເລືອກຕັ້ງທີ 7; ໂດຍມີທ່ານ ພົທ. ສຸວອນ ເລືອງບຸນມີ ຮອງປະທານສະພາແຫ່ງຊາດ, ບັນດາທ່ານ ສສຊ ປະຈໍາເຂດເລືອກຕັ້ງທີ 7, ຄະນະປະຈໍາ-ກຳມະການພັກແຂວງ, ຄະນະປະຈໍາສະພາປະຊາຊົນແຂວງ, ອະດີດ ສສຊ ປະຈໍາເຂດເລືອກຕັ້ງທີ 7, ສະມາຊິກສະພາປະຊາຊົນແຂວງ, ເຈົ້າເມືອງ, ຫົວໜ້າ-ຮອງຫົວໜ້າພະແນກການ, ອົງການ, ກົມກອງ ພ້ອມດ້ວຍພະນັກງານຫຼັກແຫຼ່ງຂອງສະພາປະຊາຊົນແຂວງໄຊຍະບູລີ ເຂົ້າຮ່ວມ.
ກອງປະຊຸມຄັ້ງນີ້ ໄດ້ພ້ອມກັນຮັບຟັງບັນດາບົດລາຍງານ, ຄົ້ນຄວ້າພິຈາລະນາບັນຫາສໍາຄັນຂອງທ້ອງຖິ່ນ ແລະ ວຽກງານກາງສະໄໝຂອງແຜນການ 5 ປີ ແລະ ແຜນປະຈໍາປີຂອງຄະນະ ສສຊ ປະຈໍາເຂດເລືອກຕັ້ງ ດັ່ງນີ້: ການຈັດຕັ້ງປະຕິບັດບັນດາໂຄງການລົງທຶນຂອງລັດ, ເອກະຊົນ ທີ່ສູນກາງຄຸ້ມຄອງຈັດຕັ້ງປະຕິບັດຢູ່ແຂວງ ກາງສະ ໄໝຂອງແຜນການ 5 ປີ (2021-2025), ວຽກງານຈຸດສຸມຮອດທ້າຍສະໄໝ 2025 ແລະ ການຈັດຕັ້ງປະຕິບັດໂຄງການລົງທຶນທີ່ສູນກາງຄຸ້ມຄອງ ປະຈໍາປີ 2023 ແລະ ທິດທາງແຜນການປີ 2024 ຂອງອົງການປົກຄອງແຂວງ; ການຈັດຕັ້ງປະຕິບັດລາຍຮັບພູດສູນກາງຄຸ້ມຄອງທີ່ຈັດຕັ້ງປະຕິບັດຢູ່ແຂວງ ກາງສະໄໝຂອງແຜນການ 5 ປີ (2021 -2025), ວຽກງານຈຸດສຸມຮອດທ້າຍສະໄໝ 2025 ແລະ ການຈັດຕັ້ງປະຕິບັດລາຍຮັບພູດສູນກາງຄຸ້ມຄອງປະຈໍາປີ 2023 ແລະ ທິດທາງແຜນການປີ 2024 ຂອງອົງການປົກຄອງແຂວງ ໂດຍພະແນກການເງິນ; ການຈັດຕັ້ງປະຕິ ບັດວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ 3 ປີຜ່ານມາ (2021-2023) ແລະ ທິດທາງແຜນການທ້າຍສະໄໝ ຮອດປີ 2025 ຂອງອົງການປົກຄອງແຂວງ ໂດຍພະແນກແຜນການ ແລະ ການລົງທຶນ; ການປະກອບຄໍາເຫັນຂອງຕາງໜ້າຄະນະ ສສຊ ປະຈໍາເຂດເລືອກຕັ້ງ ຕໍ່ 3 ບົດລາຍງານຂ້າງຕົ້ນຂອງອົງການປົກຄອງແຂວງ; ການປະກອບຄໍາເຫັນຂອງບັນດາທ່ານ ສສຊ ປະຈໍາເຂດເລືອກຕັ້ງ; ການຊີ້ແຈງຈາກບັນດາຫົວໜ້າພະແນກການຂອງແຂວງ; ການຈັດຕັ້ງປະຕິບັດແຜນການເຄື່ອນໄຫວວຽກງານກາງສະໄໝຂອງແຜນ ການ 5 ປີ (2021-2025), ທິດທາງແຜນການທ້າຍສະໄໝຮອດປີ 2025 ແລະ ການຈັດຕັ້ງເຄື່ອນໄຫວວຽກງານປະຈໍາປີ 2023 ແລະ ທິດທາງແຜນການປີ 2024 ຂອງຄະນະ ສສຊ ປະຈໍາເຂດເລືອກຕັ້ງ.
ຫຼັງຈາກການປະກອບຄໍາເຫັນ, ຊີ້ແຈງ ແລະ ຄົ້ນຄວ້າພິຈາລະນາຢ່າງລະອຽດຖີ່ຖ້ວນແລ້ວ; ກອງປະຊຸມໄດ້ມີມະຕິຮັບຮອງເອົາບົດລາຍງານການຈັດຕັ້ງປະຕິບັດແຜນການເຄື່ອນໄຫວວຽກງານກາງສະໄໝ 5 ປີ (2021-2025) ແລະ ທິດທາງແຜນການທ້າຍສະໄໝ ຮອດປີ 2025, ການຈັດຕັ້ງປະຕິບັດແຜນການເຄື່ອນໄຫວວຽກງານປະຈໍາປີ 2023 ແລະ ທິດທາງແຜນການປະຈໍາປີ 2024 ຂອງຄະນະສະມາຊິກສະພາແຫ່ງຊາດປະຈໍາເຂດເລືອກຕັ້ງທີ 7. ມະຕິຮັບຮອງເອົາບົດລາຍງານຂອງອົງການປົກຄອງແຂວງ ກ່ຽວກັບການຈັດຕັ້ງປະຕິບັດໂຄງການລົງທຶນຂອງລັດ, ເອກະຊົນ ທີ່ສູນກາງຄຸ້ມຄອງຢູ່ແຂວງ, ການຈັດເກັບລາຍຮັບພູດສູນກາງຄຸ້ມຄອງຢູ່ແຂວງ ກາງສະໄໝຂອງແຜນການ 5 ປີ (2021-2025) ແລະ ວຽກງານຈຸດສຸມຮອດທ້າຍປີ 2025; ການຈັດຕັ້ງປະຕິບັດໂຄງການລົງ ທຶນຂອງລັດ, ເອກະຊົນ ທີ່ສູນກາງຄຸ້ມຄອງຢູ່ແຂວງ, ການຈັດເກັບລາຍຮັບພູດສູນກາງຄຸ້ມຄອງຢູ່ແຂວງ ປະຈໍາປີ 2023 ແລະ ທິດທາງແຜນການປະຈໍາປີ 2024 ແລະ ການຈັດຕັ້ງປະຕິບັດວາລະແຫ່ງຊາດ 3 ປີຜ່ານມາ (2021-2023).
(ຂ່າວ ແລະ ພາບ: ສອນສັກ ວັນວິໄຊ)