ຄະນະໜ່ວຍພັກຮາກຖານ ສະພາປະຊາຊົນ ນະຄອນຫຼວງວຽງຈັນ ດຳເນີນພິທີຮັບເອົາມະຫາຊົນກ້າວໜ້າ ເຂົ້າເປັນສະມາຊິກສຳຮອງ ແລະ ເລື່ອນສະມາຊິກສຳຮອງ ຂຶ້ນເປັນສະມາຊິກພັກສົມບູນ ໃນວັນທີ 04 ມັງກອນ 2024, ທີ່ສຳນັກງານອົງການປົກຄອງ ນະຄອນຫຼວງວຽຈັນ ໂດຍການເປັນປະທານຂອງ ສະຫາຍ ນາງ ລຳພອຍ ສີອັກຄະຈັນ, ເລຂາໜ່ວຍພັກຮາກຖານ ສະພາປະຊາຊົນ ນະຄອນຫຼວງວຽງຈັນ, ຮອງປະທານ ສະພາປະຊາຊົນ ນະຄອນຫຼວງວຽງຈັນ ເຊິ່ງມີບັນດາສະຫາຍ ຮອງເລຂາໜ່ວຍພັກ, ບັນຫາສະຫາຍ ຄະນະໜ່ວຍພັກ ແລະ ບັນດາສະຫາຍ ສະມາຊິກພັກ ທັງໝົດພາຍໃນສະພາປະຊາຊົນ ນະຄອນຫຼວງວຽງຈັນ ເຂົ້າຮ່ວມ.

ໃນກອງປະຊຸມຄັ້ງນີ້, ໄດ້ຜ່ານມະຕິຂອງຄະນະປະຈຳພັກ ນະຄອນຫຼວງ ວ່າດ້ວຍການຮັບເອົາມະຫາຊົນກ້າວໜ້າ ເຂົ້າເປັນສະມາຊິກພັກ ປະຊາຊົນປະຕິວັດລາວ ສຳຮອງ ຈຳນວນ 08 ສະຫາຍ, ຜ່ານມະຕິຂອງຄະນະປະຈຳພັກ ນະຄອນຫຼວງ ວ່າດ້ວຍການເລື່ອນສະມາຊິກພັກສຳຮອງເປັນສະມາຊິກພັກສົມບູນ ຈຳນວນ 08 ສະຫາຍ, ເຊິ່ງໃນພິທີດັ່ງກ່າວ ສະຫາຍ ນາງ ລຳພອຍ ສີອັກຄະຈັນ, ເລຂາໜ່ວຍພັກ ໄດ້ໃຫ້ການໂອ້ລົມຕໍ່ບັນດາສະຫາຍທີ່ໄດ້ຖືກຮັບຮອງ ໂດຍເນັ້ນໜັກໃຫ້ເອົາໃຈໃສ່ປະຕິບັດສິດ, ໜ້າທີ່, ຂໍ້ຫ້າມຂອງສະພາຊິກພັກ ຢ່າງຕັ້ງໜ້າ ແລະ ຕອນທ້າຍຂອງກອງປະຊຸມ ຕາງໜ້າສະມາຊິກພັກ ສົມບູນ ແລະ ສະມາຊິກພັກສຳຮອງ ໄດ້ຂຶ້ນກ່າວຮັບຄໍາໂອວາດ ແລະ ກ່າວປະຕິຍານຕົນ ຕໍ່ກອງປະຊຸມດັ່ງກ່າວ.