ທີ່ຫ້ອງການສະພາປະຊາຊົນ ແຂວງສະຫວັນນະເຂດ, ໃນຕອນບ່າຍວັນ ທີ 12 ມັງກອນ 2023 ຄະນະເລ ຂາທິການຂອງສະພາປະຊາຊົນແຂວງ ໄດ້ຈັດໃຫ້ມີການ ຖະແຫຼງຂ່າວກ່ຽວກັບການດຳ ເນີນກອງປະຊຸມສະໄໝສາມັນ ເທື່ອທີ 04 ຂອງສະພາປະຊາຊົນແຂວງຊຸດທີ II ເຊິ່ງໃຫ້ກຽດ ຖະແຫຼງຂ່າວໃນຄັ້ງນີ້ ໂດຍທ່ານ ພູທອນ ພຸດທະຂັນຕິ ເລຂາທິການ ສະພາປະຊາຊົນແຂວງ ເຊິ່ງທ່ານ ໄດ້ຖະແຫຼງວ່າ: ກອງປະຊຸມສະ ໄໝສາມັນເທື່ອທີ 04 ຂອງສະພາປະຊາຊົນແຂວງ ຊຸດທີ II ຈະໄດ້ໄຂຂຶ້ນເປັນເວລາ 04 ວັນ ເລີ່ມແຕ່ ຕອນເຊົ້າວັນອັງຄານ ວັນທີ 24 ຫາວັນທີ 27 ມັງກອນ 2023 ທີ່ຫໍວັດ ທະນະທຳໄກສອນພົມວິຫານ ແຂວງສະຫວັນນະເຂດ, ໃນວາລະປະຊຸມ ຈະໄດ້ປຶກສາຫາລືວຽກງານສຳຄັນຕ່າງໆຄື:
- ວຽກອົງການປົກຄອງແຂວງ ເຊິ່ງຈະພິຈາລະນາ, ຮັບຮອງເອົາ ບົດລາຍງານທ່ານເຈົ້າແຂວງໆສະຫວັນນະເຂດ ກ່ຽວກັບ ສະພາບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດຂອງແຂວງ ປະຈຳປີ 2022 ແລະ ທິດທາງແຜນການ ປະຈໍາປີ 2023; ຮັບຟັງການລາຍງານ ຈາກທ່ານຫົວໜ້າພະແນກແຜນການ ແລະ ການລົງທຶນແຂວງ ກ່ຽວກັບ ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ປະຈຳປີ 2022 ແລະ ທິດທາງແຜນການ ປະຈໍາປີ 2023; ຮັບຟັງການລາຍງານ ຈາກຮັກສາການຫົວໜ້າພະແນກການເງິນແຂວງ ກ່ຽວກັບ ການຈັດຕັ້ງປະຕິບັດແຜນງົບປະມານແຫ່ງລັດ ປະຈຳປີ 2022, ທິດທາງແຜນການ ປະຈໍາປີ 2023 ແລະ ການຄຸ້ມຄອງຊັບສິນລັດພາຍໃນແຂວງ.
- ວຽກອົງການກວດສອບ ປະຈໍາພາກກາງ ແລະ ອົງການກວດກາລັດແຂວງ ເຊິ່ງຈະໄດ້ພິຈາລະນາ, ຮັບຮອງເອົາບົດລາຍງານ ຂອງອົງການກວດສອບ ປະຈໍາພາກກາງ ກ່ຽວກັບ ຜົນຂອງການກວດກາຄືນ ແລະ ການສະຫຼຸບງົບປະມານຂາດຕົວ ປະຈໍາປີ 2021, ບົດສະຫຼຸບການເຄື່ອນໄຫວວຽກງານ ປະຈໍາປີ 2022 ແລະ ທິດທາງແຜນການ ປະຈໍາປີ 2023; ພິຈາລະນາ, ຮັບຮອງເອົາບົດລາຍງານ ຂອງອົງການກວດກາລັດແຂວງ ກ່ຽວກັບ ການຕິດຕາມກວດກາ ແກ້ໄຂຜົນການກວດສອບ ປີ 2021, ບົດສະຫຼຸບການເຄື່ອນໄຫວວຽກງານກວດກາ ປະຈໍາປີ 2022 ແລະ ທິດທາງແຜນການ ປະຈໍາປີ 2023.
- ວຽກສ້າງ ແລະ ປັບປຸງນິຕິກໍາໃຕ້ກົດໝາຍ ເຊິ່ງຈະໄດ້ພິຈາລະນາ, ຮັບຮອງເອົານິຕິກໍາທີ່ສໍາຄັນ ຂອງອົງການປົກຄອງແຂວງ ຄື:
– ຮ່າງຂໍ້ຕົກລົງຂອງທ່ານເຈົ້າແຂວງໆສະຫວັນນະເຂດ ວ່າດ້ວຍການຄຸ້ມຄອງຂີ້ເຫຍື້ອພໃນທົ່ວແຂວງສະຫວັນນະເຂດ ( ພະແນກຊັບພະຍາກອນທໍາມະຊາດ ແລະ ສິ່ງແວດລ້ອມແຂວງ );
– ຮ່າງຂໍ້ຕົກລົງຂອງທ່ານເຈົ້າແຂວງໆສະຫວັນນະເຂດ ວ່າດ້ວຍການຕ້ານ ແລະ ສະກັດກັ້ນອັກຄີໄພ ພາຍໃນແຂວງສະຫວັນນະເຂດ ( ກອງບັນຊາການ ປກສ ແຂວງ ).
- ວຽກອົງການໄອຍະການປະຊາຊົນແຂວງ ແລະ ສານປະຊາຊົນແຂວງ ເຊິ່ງຈະໄດ້ພິຈາລະນາ, ຮັບຮອງເອົາບົດລາຍງານ ຂອງອົງການໄອຍະການປະຊາຊົນແຂວງ ແລະ ສານປະຊາຊົນແຂວງ ກ່ຽວກັບ ການຈັດຕັ້ງປະຕິບັດການເຄື່ອນໄຫວວຽກງານ ປະຈໍາປີ 2022 ແລະ ທິດທາງແຜນການ ປະຈໍາປີ 2023;
- ວຽກສະພາປະຊາຊົນແຂວງ ຈະໄດ້ພິຈາລະນາ, ຮັບຮອງເອົາການລາຍງານ ຂອງສະພາປະຊາຊົນແຂວງ ຊຸດທີ II ກ່ຽວກັບການຈັດຕັ້ງປະຕິບັດການເຄື່ອນໄຫວວຽກງານ ປະຈໍາປີ 2022 ແລະ ທິດທາງແຜນການ ປະຈໍາປີ 2023; ຮັບຟັງການປະກອບຄໍາເຫັນ ຈາກອົງການແນວລາວສ້າງຊາດແຂວງ ຕໍ່ກັບການປະຕິບັດໜ້າທີ່ຂອງສະພາປະຊາຊົນແຂວງ ຊຸດທີ II ໃນ 01 ປີ ຜ່ານມາ.
- ວຽກບຸກຄະລາກອນ ຈະໄດ້ພິຈາລະນາ, ຮັບຮອງເອົາບຸກຄະລາກອນຂອງອົງການປົກຄອງແຂວງ ຕື່ມອີກ.