ວັນທີ 19 ເມສາ 2022 ທີ່ຫ້ອງປະຊຸມສະພາປະຊາຊົນແຂວງຄໍາມ່ວນ ຄະນະຮັບຜິດຊອບຊີ້ນຳ ແລະ ບັນດາອະນຸກຳມະການກະກຽມກອງປະຊຸມຂອງຄະນະສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 12 ແຂວງຄໍາມ່ວນ ປະຈໍາປີ 2021 ແລະ ທິດທາງແຜນການ ປະຈໍາປີ 2022 ໂດຍການເປັນປະທານຂອງ ທ່ານ ບຸນມີ ພິມມະສອນ ຮອງເລຂາພັກແຂວງ ປະທານສະພາປະຊາຊົນແຂວງ ທັງເປັນປະທານຄະນະສະມາຊິກສະພາແຫ່ງຊາດປະຈໍາເຂດເລືອກຕັ້ງທີ 12ແຂວງຄໍາມ່ວນ ເຂົ້າຮ່ວມມີ ທ່ານ ນາງ ບັງອອນ ໄຊຍະສິດ ກຳມະການປະຈໍາພັກແຂວງ ຮອງປະທານສະພາປະຊາຊົນແຂວງ ພ້ອມດ້ວຍ  ສະມາຊິກສະພາແຫ່ງຊາດປະຈໍາເຂດເລືອກຕັ້ງທີ 12 ແຂວງຄໍາມ່ວນ ແລະ ບັນດາອານຸກຳມະການຮັບຜິດຊອບກອງປະຊຸມເຂົ້າຮ່ວມ.

ຈຸດປະສົງຂອງການເປີດກອງປະຊຸມຄັ້ງນີ້ ກໍ່ເພື່ອປືກສາຫາລືໃນການກະກຽມຄວາມພ້ອມດ້ານເນື້ອໃນ ແລະ ພິທີການຜ່ານການລາຍງານຂອງບັນດາອະນຸກຳມະການແມ່ນມີຄວາມພ້ອມສູງ, ຮັບປະກັນຄວາມຮັດກຸມ, ສອດຄ່ອງ ແລະ ຖືກຕ້ອງຕາມກົດໝາຍ ແລະ ສາມາດດຳເນີນກອງປະຊຸມຕາມແຜນການທີ່ກຳນົດ.