ໂດຍປະຕິບັດຕາມພາລະບົດບາດ, ສິດ ແລະ ໜ້າທີ່ ໃນຖານະເປັນຕົວແທນແຫ່ງສິດ ແລະ ຜົນປະໂຫຍດຂອງປະຊາຊົນລາວບັນດາເຜົ່າໃນທົ່ວແຂວງ ແລະ ເຮັດໃຫ້ພໍ່-ແມ່ ປະຊາຊົນ, ຜູ້ມີສິດເລືອກຕັ້ງ ໄດ້ຮັບຮູ້ ແລະ ເຂົ້າໃຈຕໍ່ ແນວທາງນະໂຍບາຍຂອງພັກ-ກົດໝາຍຂອງລັດ, ແຜນພັດທະນາເສດຖະກິດ-ສັງຄົມ ຂອງຊາດ ແລະ ແຂວງບໍລິຄໍາໄຊ.

ໃນຕອນເຊົ້າຂອງວັນທີ 16-17 ມັງກອນ 2024 ສະມາຊິກສະພາປະຊາຊົນແຂວງ ປະຈໍາເຂດເລືອກຕັ້ງເມືອງປາກກະດິງ, ການນໍາຂອງເມືອງ, ພະແນກການທີ່ກ່ຽວຂ້ອງຂອງແຂວງ, ເມືອງ ແລະ ວິຊາການຊ່ວຍວຽກຈໍານວນໜຶ່ງ ໄດ້ລົງພົບປະ-ປະຊາຊົນ ແລະ ເຜີຍແຜ່ຜົນສໍາເລັດກອງປະຊຸມສະໄໝສາມັນເທື່ອທີ 6 ຂອງສະພາແຫ່ງຊາດ ຊຸດທີ IX ແລະ ສະພາປະຊາຊົນແຂວງ ຊຸດທີ II ໃຫ້ປະຊາຊົນໄດ້ຮັບຮູ້ເຖິງບັນດາເນື້ອໃນສໍາຄັນຕ່າງໆ ຂອງກອງປະຊຸມ ແລະ ທັງເປັນການຢ້ຽມຢາມຖາມຂ່າວ ຮັບຟັງຄໍາຄິດ-ຄໍາເຫັນ, ຄໍາສະເໜີຂອງພໍ່ແມ່ປະຊາຊົນ ຢູ້ບ້ານ ປາກທອນ ແລະ ບ້ານທົ່ງຮາບ ເມືອງປາກກະດິງ ໃຫ້ກຽດ ນໍາພາໂດຍ ທ່ານ ໃສຄໍາ ທອງລັດ ກໍາມະການພັກແຂວງ, ຮອງປະທານສະພາປະຊາຊົນແຂວງ, ສະມາຊິກສະພາປະຊາຊົນແຂວງປະຈໍາເຂດເລືອກຕັ້ງເມືອງປາກກະດິງ ພ້ອມດ້ວຍຄະນະ, ເຂົ້າຮ່ວມຮັບຟັງໃນຄັ້ງນີ້ ປະກອບມີ ເລຂາພັກບ້ານ-ນາຍບ້ານ, ຄະນະພັກບ້ານ, ຕໍາແໜ່ງງານ, ເຖົ້າແກ່ແນວໂຮມ ແລະ ປະຊາຊົນຜູ້ມີສິດເລືອກຕັ້ງ ເຂົ້າຮ່ວມຮັບຟັງຢ່າງພ້ອມພຽງ.

( ຂ່າວ ແລະ ພາບ: ພອນໄຊ ຈັນທະປັນຍາ )