ໃນໂອກາດທີ່ ທ່ານ ນາງ ບັງອອນ ໄຊຍະສິດ ກຳມະການປະຈໍາພັກແຂວງ ຮອງປະທານສະພາປະຊາຊົນແຂວງຄໍາມ່ວນ ພ້ອມດ້ວຍຄະນະ ໄດ້ເຄື່ອນໄຫວຕິດຕາມ, ກວດກາ ແລະ ຊຸກຍູ້ວຽກງານຢູ່ເມືອງຍົມມະລາດ, ໃນວັນທີ 14 ທັນວາ 2023, ໂດຍມີທ່ານ ບຸນທັນ ສຸວັນນະລາດ ເຈົ້າເມືອງຍົມມະລາດ ພ້ອມດ້ວຍການນຳຂັ້ນເມືອງ ໄດ້ນຳຄະນະຜູ້ແທນ, ທັດສະນະຢ້ຽມຢາມຊົມ ສະຖານທີ່ເຮືອນຈັກນໍ້າເທີນ 2.

      ໂດຍໄດ້ຮັບການຕ້ອນຮັບຢ່າງອົບອຸ່ນຈາກທ່ານ ມາກ ອ່ອງຕວນ ຣຸບ ຜູ້ອຳນວຍການ ໃຫ່ຍ ບໍລິສັດໄຟຟ້ານໍ້າເທີນ 2 ຈຳກັດ ແລະ ພະນັກງານພາຍໃນບໍລິສັດ, ໂອກາດນີ້ ທ່ານ ຮອງປະທານສະພາປະຊາຊົນແຂວງ ( ສພຂ ) ແລະ ຄະນະ ໄດ້ຮັບຟັງການລາຍງານໂດຍສັງເຂບກ່ຽວກັບການຈັດຕັ້ງປະຕິບັດວຽກງານ ແລະ ທິດທາງແຜນການພັດທະນາຂອງບໍລິສັດ, ນັ້ນຈາກ ທ່ານ ຮອງປະທານ ສພຂ ໄດ້ຍ້ອງຍໍຊົມເຊີຍຕໍ່ບໍລິສັດທີ່ໄດ້ປະກອບສ່ວນສ້າງບຸກຄະລາກອນທາງດ້ານເຕັກນິກວິຊາການທີ່ເປັນຄົນລາວຢູ່ພາຍໃນບໍລິສັດໃຫ້ມີຄຸນນະພາບ ແລະ ສ້າງວຽກເຮັດງານທຳໃຫ້ແກ່ແຮງງານລາວ, ລວມເຖິງການປະກອບສ່ວນທາງດ້ານສາທາລະນະປະໂຫຍດໃຫ້ແກ່ສັງຄົມ.

ພ້ອມນັ້ນ, ຄະນະໄດ້ເດີນທາງໄປຢ້ຽມຊົມຢູ່ພາກສະໜາມ, ສູນຂໍ້ມູນຂ່າວສານ, ເຮືອນຈັກ ແລະ ປະຕູນໍ້າ.

ໂດຍ: ເອື້ອ ມະໂນສິງ