ຕອນບ່າຍວັນທີ 25 ກໍລະກົດ 2024 ທີ່ສະໂມສອນ 21 ມີນາ ແຂວງຄໍາມ່ວນ ກອງປະຊຸມສະໄໝສາມັນ ເທື່ອທີ 7 ຂອງສະພາປະຊາຊົນແຂວງຄໍາມ່ວນ ຊຸດທີ II ໂດຍການເປັນປະທານກອງປະຊຸມຂອງທ່ານ ນາງ ບັງອອນ ໄຊຍະສິດ ຮອງປະທານສະພາປະຊາຊົນແຂວງຄໍາມ່ວນ, ເຂົ້າຮ່ວມມີບັນດາທ່ານຄະນະປະທານ, ຄະນະປະຈໍາພັກແຂວງ, ຮອງເຈົ້າແຂວງ, ພ້ອມດ້ວຍບັນດາທ່ານສະມາຊິກສະພາປະຊາຊົນແຂວງຄໍາມ່ວນ ຈາກ 10 ເມືອງ, ເຈົ້າເມືອງ, ບັນດາທ່ານພະແນກການທີ່ກ່ຽວຂ້ອງ ແລະ ແຂກຖືກເຊີນເຂົ້າຮ່ວມ.
ໃນວາລະຂອງການດຳເນີນກອງປະຊຸມສະໄໝສາມັນເທື່ອທີ 7 ຂອງສະພາປະຊາຊົນແຂວງຄໍາມ່ວນ ຊຸດທີ II ທ່ານ ສະເຫຼີມສັກ ແກ້ວຈັນທະລາ ສະມາຊິກສະພາແຫ່ງຊາດປະຈໍາເຂດເລືອກຕັ້ງທີ 12, ເລຂາທິການສະພາປະຊາຊົນຂັ້ນແຂວງ, ຕາງໜ້າຄະນະປະຈໍາສະພາປະຊາຊົນແຂວງຄໍາມ່ວນ ທັງເປັນຫົວໜ້າກອງເລຂາກອງປະຊຸມໄດ້ຂຶ້ນຜ່ານ ມະຕິ ຂອງຄະນະປະຈໍາສະພາປະຊາຊົນແຂວງຄໍາມ່ວນ ກ່ຽວກັບການພິຈາລະນາ ຮັບຮອງບັນຫາສໍາຄັນພື້ນຖານ ຂອງແຂວງ ໃນໄລຍະແຕ່ກອງປະຊຸມສະໄໝສາມັນເທື່ອທີ 6 ຫາ ກອງປະຊຸມສະໄໝສາມັນເທື່ອທີ 7 ໂດຍຜ່ານກອງປະຊຸມສາມັນ ແລະ ວິສາມັນ ປະຈໍາເດືອນ ຂອງຄະນະປະຈໍາສະພາປະຊາຊົນຂັ້ນແຂວງ ຕາມສິດ ແລະ ໜ້າທີ່ ຂອງຕົນທີ່ກົດໝາຍກຳນົດ ມີຈໍານວນ 23 ມະຕິຄື: ດ້ານເສດຖະກິດສັງຄົມມີ 10 ມະຕິ ແລະ ດ້ານບຸກຄະລາກອນ ມີ 13 ມະຕິ ດັ່ງນີ້:
(1) ດ້ານເສດຖະກິດ-ສັງຄົມ:
1. ມະຕິ ວ່າດ້ວຍການຮັບຮອງເອົາ ການນໍາໃຊ້ຮ່ວງເງິນພັດທະນາທ້ອງຖິ່ນໃນ 10 ຕົວເມືອງຂອງແຂວງຄໍາມ່ວນ, ສະບັບເລກທີ 75/ຄປຈ.ສພຂ, ລົງວັນທີ 26 ກຸມພາ 2024; 2. ມະຕິ ວ່າດ້ວຍການຮັບຮອງເອົາ ການຫັນປ່ຽນທີ່ດິນກະສິກຳ ໄປເປັນທີ່ດິນປະເພດອື່ນຂອງບໍລິສັດຊີໂນ-ອາກຣີ ໂປຕາສ ຈຳກັດ ຈໍານວນ 4 ມະຕິ; ມະຕິ ສະບັບເລກທີ 90,91,92 ແລະ 93/ຄປຈ.ສພຂ, ລົງວັນທີ 01 ມີນາ 2024; 3. ມະຕິ ວ່າດ້ວຍການຮັບຮອງເອົາ ແຜນແບ່ງງົບປະມານ ລາຍຮັບ-ລາຍຈ່າຍ ບໍລິຫານປົກກະຕິ ປະຈໍາປີ 2024 ໃຫ້ບັນດາພະແນກການອ້ອມຂ້າງແຂວງ ແລະ 10 ເມືອງ ສະບັບເລກທີ 75/ຄປຈ.ສພຂ, ລົງວັນທີ 26 ກຸມພາ 2024; 4. ມະຕິ ວ່າດ້ວຍການຮັບຮອງເອົາ ຂໍ້ຕົກລົງ ຂອງເຈົ້າແຂວງຄໍາມ່ວນ ວ່າດ້ວຍການປັບປຸງບາງມາດຕາຂອງຂໍ້ຕົກລົງ ສະບັບເລກທີ 283/ຈຂ, ລົງວັນທີ 6 ເມສາ 2021 ວ່າດ້ວຍນະໂຍບາຍ ແລະ ລາຄາຫົວໜ່ວຍທົດແທນຕໍ່ຊັບສິນ ທີ່ໄດ້ຮັບຜົນກະທົບ ຈາກໂຄງການປັບປຸງ ແລະ ສ້ອມແປງ ທາງຫຼວງແຫ່ງຊາດເລກທີ 13 ໃຕ້ແຂວງຄຳມ່ວນ (ວຽກເພີ່ມກໍ່ສ້າງຂົວ 03 ແຫ່ງ) ສະບັບເລກທີ 126/ຄປຈ.ສພຂ ລົງວັນທີ 01 ເມສາ 2024; 5. ມະຕິວ່າດ້ວຍການຮັບຮອງເອົາ ນະໂຍບາຍການທົດແທນຄ່າເສຍຫາຍແກ່ເນື້ອທີ່ດິນ, ສິ່ງປຸກສ້າງ ແລະ ຜົນລະປູກຂອງປະຊາຊົນ ທີ່ໄດ້ຮັບຜົນກະທົບຈາກໂຄງການ ຂອງບໍລິສັດຄໍາມ່ວນ ອີມພອດ-ເອັກພອດ ຈໍາກັດ ທີ່ນອນຢູ່ເຂດເສດຖະກິດພິເສດ (ຂົວມິດຕະພາບ 3) ສະບັບເລກທີ 142/ຄປຈ.ສພຂ, ລົງວັນທີ 23 ເມສາ 2024; 6. ມະຕິ ວ່າດ້ວຍການຮັບຮອງເອົາ ແຜນລົງທຶນ ໂຄງການປະເພດ V (ມູນຄ່າ 20 ຕື້ກີບລົງມາ) ປີ 2024 ຂອງແຂວງຄໍາມ່ວນ, ສະບັບເລກທີ 94/ຄປຈ.ສພຂ, ລົງວັນທີ 04 ມີນາ 2024; 7. ມະຕິ ວ່າດ້ວຍການຮັບຮອງເອົາ ການຈັດສັນງົບປະມານຮ່ວງເກີນແຜນ ປະຈໍາປີ 2023 ຂອງແຂວງ, ສະບັບເລກທີ 167/ຄປຈ.ສພຂ, ລົງວັນທີ 23 ພຶດສະພາ 2024; 8. ມະຕິ ວ່າດ້ວຍການຮັບຮອງເອົາ ການແກ້ໄຂເນື້ອທີ່ດິນໜອງບົວລະຫວ່າງ ແຂວງຄໍາມ່ວນ ກັບ ບໍລິສັດທະວີຊັບ ກໍ່ສ້າງຊົນລະປະທານ ແລະ ຂົວທາງ ຈໍາກັດ, ສະບັບເລກທີ 207/ຄປຈ.ສພຂ, ລົງວັນທີ 11 ກໍລະກົດ 2024; 9. ມະຕິ ວ່າດ້ວຍການຮັບຮອງເອົາ ການດັດແກ້ມູນຄ່າໂຄງການກໍ່ສ້າງຫໍພັກພະນັກງານຫຼັງໃໝ່ດ່ານສາກົນນາເພົ້າ, ສະບັບເລກທີ 205/ຄປຈ.ສພຂ, ລົງວັນທີ 09 ກໍລະກົດ 2024; 10. ມະຕິ ວ່າດ້ວຍການຮັບຮອງເອົາ ການອວ່າຍທຶນໂຄງການລົງທຶນຂອງລັດ(ບ້ວງຈົດຮັບ – ຈົດຈ່າຍ ແລະ ລົງທຶນອື່ນໆ) ປະຈໍາປີ 2024 ຂອງແຂວງຄໍາມ່ວນ, ສະບັບເລກທີ 204/ຄປຈ.ສພຂ, ລົງວັນທີ 09 ກໍລະກົດ 2024;
(2) ດ້ານການຈັດຕັ້ງ ແລະ ບຸກຄະລາກອນ:
1. ມະຕິ ວ່າດ້ວຍການຮັບຮອງເອົາການສະເໜີຍົກຍ້າຍ ບຸກຄະລາກອນຂອງອົງການປົກຄອງ, ມະຕິສະບັບເລກທີ 57, 59, 61/ຄປຈ.ສພຂ, ລົງວັນທີ 20 ກຸມພາ 2024; 2. ມະຕິ ວ່າດ້ວຍການຮັບຮອງເອົາການສະເໜີແຕ່ງຕັ້ງ ບຸກຄະລາກອນຂອງອົງການປົກຄອງແຂວງ ມະຕິ ສະບັບເລກທີ 58, 60, 61, 62, 64, /ຄປຈ.ສພຂ, ລົງວັນທີ 20 ກຸມພາ 2024; 3. ມະຕິ ວ່າດ້ວຍ ການຮັບຮອງເອົາ ການສະເໜີແຕ່ງຕັ້ງປະທານສານປະຊາຊົນເຂດ I ແຂວງຄໍາມ່ວນ ແລະ ຮັບຮອງເອົາການສະເໜີຂໍເລື່ອນຊັ້ນຜູ້ພິພາກສາຊັ້ນໜຶ່ງ ເປັນຜູ້ພິພາກສາຊັ້ນສອງ ຂອງສານປະຊາຊົນເຂດ I ແຂວງ ຄໍາມ່ວນ, ມະຕິສະບັບເລກທີ 180, 181/ຄປຈ.ສພຂ, ລົງວັນທີ 14 ມິຖຸນາ 2024, 4. ມະຕິວ່າດ້ວຍການຮັບຮອງເອົາການສະເໜີແຕ່ງຕັ້ງ ແລະ ຍົກຍ້າຍບຸກຄະລາກອນຂອງອົງການປົກຄອງແຂວງ, ມະຕິສະບັບເລກທີ 208, 209, 210/ຄປຈ.ສພຂ, 11 ກໍລະກົດ 2024.
ກອງປະຊຸມສະໄໝສາມັນ ເທື່ອທີ 7 ຂອງສະພາປະຊາຊົນແຂວງຄໍາມ່ວນ ຊຸດທີ II ໄດ້ດໍາເນີນໃນລະຫວ່າງວັນທີ 24 ຫາ ວັນທີ 26 ກໍລະກົດ 2024 ເປັນເວລາ 2 ວັນເຄິ່ງ ຈຶ່ງຈະສໍາເລັດ. ບັນດາທ່ານສາມາດສົ່ງຄຳຄິດຄຳເຫັນ ແລະ ຄຳສະເໜີໄປຍັງສາຍດ່ວນຂອງກອງປະຊຸມ: ໝາຍເລກໂທລະສັບ 051 156 ໂດຍບໍ່ເສຍຄ່າ, ຕິດຕາມການຖ່າຍທອດສົດສຽງຜ່ານລະບົບ FM 95.5 mhz ຂອງແຂວງຄໍາມ່ວນ.
ໂດຍ: ເອື້ອ ມະໂນສິງ