ເພື່ອຮັບປະກັນໃຫ້ແກ່ການຈັດຕັ້ງປະຕິບັດຄາດໝາຍທິດທາງ ແລະ ແຜນວຽກງານຈຸດສຸມ 6 ເດືອນທ້າຍປີ 2024 ຂອງອົງການປົກຄອງແຂວງກ່ຽວກັບ​ ກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ -ສັງຄົມ, ແຜນງົບປະມານຂອງແຂວງ ຕິດພັນກັບການຈັດຕັ້ງປະຕິບັດສອງວາລະແຫ່ງຊາດ 6 ເດືອນທ້າຍປີ 2024, ທ່ານ ສຸກສໍາລານ​ ໄຊຍະແສງ ຮອງປະທານສະພາປະຊາຊົນແຂວງ ຕາງໜ້າໃຫ້ຄະນະປະຈຳສະພາປະຊາຊົນແຂວງ ໄດ້ສະເໜີເອົາໃຈໃສ່ບາງມາດຕະການເພີ່ມຕື່ມ ດັ່ງນີ້:
1). ມອບໃຫ້ອົງການປົກຄອງແຂວງ ເພີ່ມທະວີຄວາມເອົາໃຈໃສ່ ໃນການຜັນຂະຫຍາຍມະຕິຂອງກົມການເມືອງສູນກາງພັກ ສະບັບເລກທີ 04/ກມສພ, ລົງວັນທີ 11 ເມສາ 2024 ວ່າດ້ວຍການສ້າງເສດຖະກິດເອກະລາດເປັນເຈົ້າຕົນເອງ ໃນໄລຍະຍະໃໝ່ເຂົ້າໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານຂອງແຂວງ;

2). ສຸມໃສ່ປະຕິບັດຄາດໝາຍຂອງແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດ ແລະ ວາລະແຫ່ງຊາດ ກ່ຽວກັບການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ ແລະ ແກ້ໄຂບັນຫາຢາເສບຕິດຕາມທີ່ໄດ້ກຳນົດໃນມະຕິກອງປະຊຸມສະພາປະຊາຊົນແຂວງ ສຳລັບປີ 2024 ໃຫ້ບັນລຸຕາມແຜນການ ດ້ວຍການຈັດຕັ້ງປະຕິບັດບັນດາມາດຕາການ ທີ່ໄດ້ກໍານົດຢ່າງເຂັ້ມງວດ, ໃນນັ້ນນສະເໜີໃຫ້ອົງການປົກຄອງແຂວງສຸມໃສ່ບັນຫາທີ່ເຄັ່ງຮ້ອນກ້ານເສດຖະກິດ-ສັງຄົມໃນປະຈຸບັນເປັນຕົ້ນ:
1.ແກ້ໄຂບັນຫາເຄັ່ງຮ້ອນດ້ານເສດຖະກິດ-ການເງິນ ເປັນຕົ້ນ: ບັນຫາເງິນເຟີ້, ລາຄາສິນຄ້າທີ່ຈໍາເປັນໃນການກຳລົງຊີວິດແມ່ນອາຫານ, ນ້ຳມັນເຊື້ອໄຟ, ເຄື່ອງອຸປະໂພກ-ບໍລິໂພກ ຊຶ່ງສົ່ງຜົນກະທົບໂດຍກົງຕໍ່ເສດຖະກິດຂອງແຂວງ, ຕໍ່ຊິວິດເປັນຢູ່ຂອງປະຊາຊົນບັນດາເຜົ່າ, ພະນັກງານ-ລັດຖະກອນ, ທະຫານ-ຕຳຫຼວດໂດຍສືບຕໍ່ຈັດຕັ້ງປະຕິບັດມາດຕະການໃຫ້ເປັນລະບົບຄົບຊຸດເຂັ້ມງວດຕິດພັນກັບທຸກຂະແໜງການຄື: (1)ມາດຕາການດ້ານເງິນຕາລວມທັງມາດຕະການຕໍ່ອັດຕາແລກປ່ຽນ:(2)ມາດຕະການດ້ານການເງິນ-ງົບປະມານ: (3)ມາດຕະການດ້ານການຜະລິດ: (4)ມາດຕະການດ້ານການຄ້າ: (5)ມາດຕະກາດ້ານຈິດຕະສາດ-ສັງຄົມ;
2.ເອົາໃຈໃສ່ແກ້ໄຂຜົນການກວດສອບ ແລະ ກວດກາຕາມທີ່ໄດ້ກຳນົດໃນມະຕິກອງປະຊຸມສະພາປະຊາຊົນແຂວງ;

3). ສຸ່ມໃສ່ກະກຽມແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດ ປີ 2025 ຕິດຕາມກັບການສ້າງບັນຊີໂຄງການລົງທຶນຂອງລັດໂດຍມີການປະສານສົມທົບແຕ່ຫົວທີ ກັບ ສະພາປະຊາຊົນແຂວງ ກ່ອນນຳສະເໜີຕໍ່ກອງປະຊຸມສະໄໝສາມັນເທື່ອທີ 8 ຂອງສະພາປະຊາຊົນແຂວງ ຊຸດທີ II;

4). ເອົາໃຈໃສ່ເກັບລາຍຮັບ ຈາກຖານລາຍຮັບທີ່ເປັນທ່າແຮງເປັນຕົ້ນ: ການຂຸດຄົ້ນ ແລະ ປຸ່ງແຕ່ງແຮ່ທາດ, ອາກອນທີ່ດິນ, ຄ່າທຳນຽມ ແລະ ອື່ນໆ; ປັບປຸງໂຄງການດ້ານງົບປະມານແຫ່ງລັດ ແລະ ຄຸ້ມຄອງໜີ້ສິນສາທາລະນະ, ສະກັດກັ້ນບໍ່ໃຫ້ເກີດໜີ້ສິນເກີດການຄວບຄຸມ ແລະ ເອົາໃຈໃສ່ຮັກສາສະຖຽນລະພາບເສດຖະກິດມະຫາພາກ;

5). ສຸມໃສ່ກໍ່ສ້າງ ແລະ ສ້ອມແປງເສັ້ນທາງຕ່າງໆ ພ້ອມທັງປັບປຸງລະບົບການບໍລິການຂົນສົ່ງໂດຍສານ ແລະ ສີນຄ້າ ໃຫ້ໄດ້ມາດຕະຖານ ແລະ ສະດວກສະບາຍຂື້ນ.

6). ເອົາໃຈໃສ່ຊຸກຍູ້ ສົ່ງເສີມ ການຜະລິດ ໃຫ້ແຂງແຮງຂື້ນກ່ວາເກົ່າ ໂດຍເລັ່ງໃສ່ການຜະລິດກະສິກໍາ ທັງປູກ-ລ້ຽງ ຕິດພັນສະໜິດແໜ້ນກັບອຸດສະຫະກໍາປຸງແຕ່ງ ແນໃສ່ສົ່ງເສີມການຊົມໃຊ້ຢູ່ພາຍໃນ ແລະ ເປັນສີນຄ້າສົ່ງອອກໃຫ້ຫຼາຍຂື້ນ, ຄຽງຄູ່ກັບການເພີ່ມທະວີ ເຂັ້ມງວດການນໍາເຂົ້າສີນຄ້າ ແລະ ຄຸ້ມຄອງການຄ້າຂາຍນອກລະບົບໃຫ້ເຂົ້າມາສູ່ລະບຽບກົດໝາຍ.

7). ປັບປຸງກົນໄກຄຸ້ມຄອງເງີນຕາຕ່າງປະເທດຜ່ານລະບົບທະນາຄານ, ດັດສົມເງີນຕາຕ່າງປະເທດ ໃຫ້ແກ່ສີນຄ້ານໍາເຂົ້າບູລິມະສິດ, ສະໜອງແຫຼ່ງທືນເພື່ອການຜະລິດສີນຄ້າຢ່າງມີຈຸດສຸມ, ຄົ້ນຄ້ວາປັບປຸງໂຄງສ້າງຄຸ້ມຄອງໝວດລາຄາສີນຄ້າ ທີ່ກະທົບໄວຕໍ່ການດໍາລົງຊີວິດຂອງປະຊາຊົນ ຄຽງຄູ່ ກັບການສົ່ງເສີມການນໍາໃຊ້ເງີນກີບຢ່າງກ້ວາງຂວາງ.

8). ສຸມໃສ່ວຽກງານການຂື້ນທະບຽນອອກໃບຕາດີນໃນທົ່ວແຂວງ ໃຫ້ສໍາເລັດຕາມແຜນ ປັບປຸງລະບົບຄຸ້ມຄອງທີ່ດີນ ໃຫ້ໄປຕາມທິດຫັນເປັນທັນສະໄໝ.

9). ເອົາໃຈໃສ່ເກັບລາຍຮັບ ຈາກຖານລາຍຮັບທີ່ເປັນທ່າແຮງ ເປັນຕົ້ນ ການຂຸດຄົ້ນ ແລະ ປຸງແຕ່ງແຮ່ທາດ, ອາກອນທີ່ດີນ, ພະລັງງານ, ຄ່າທໍານຽມ ແລະ ອື່ນໆ.

10). ສືບຕໍ່ແກ້ໄຂການປະລະການຮຽນຂອງນັກຮຽນ, ບັນຫາຂາດແຄນຄູສອນ, ພ້ອມທັງລົງຊຸກຍູ້ ແລະ ສົ່ງເສີມນັກຮຽນທີ່ຮຽນຈົບ ມໍ ຕົ້ນ; ມໍ ປາຍ ທີ່ຢູ່ເຂດຫ່າງໄກສອກຫຼີກ ແລະ ຫຍຸ້ງຍາກທາງດ້ານເສດຖະກິດໃຫ້ເຂົ້າຮຽນ ໂຮງຮຽນເຕັກນິກວິຊາຊີບເພີ່ມຂື້ນ ເພື່ອສ້າງເປັນກໍາລັງແຮງທີ່ມີສີມື ຮັບໃຊ້ການພັດທະນາໃນສະເພາະໜ້າ ແລະ ຍາວນານ, ພ້ອມກັນນັ້ນ ໃຫ້ຂະແໜງການທີ່ກ່ຽວຂ້ອງ ປະສານສົມທົບກັບບໍລິສັດ, ໂຄງການລົງທືນພາຍໃນແຂວງ ເພື່ອໃຫ້ມີສ່ວນຮ່ວມໃນການພັດທະນາຊາວໜຸ່ມ-ໄວໜຸ່ມ, ນັກຮຽນ-ນັກສຶກສາ ໃຫ້ມີວຽກເຮັດງານທໍາ, ມີການຄຸ້ມຄອງແຮງງານຢ່າງຮັດກຸມ ແລະ ສືບຕໍ່ຈັດຕັ້ງປະຕິບັດຄາດໝາຍທີ່ຖົດຖອຍໃຫ້ບັນລຸຕາມແຜນ.

11). ສືບຕໍ່ສຸມໃສ່ຟື້ນຟູ ແລະ ພັດທະນາແຫຼ່ງທ່ອງທ່ຽວປະຫວັດສາດ, ທໍາມະຊາດ ແລະ ວັດທະນະທໍາພາຍໃນແຂວງ ແລະ ເມືອງ ຕິດພັນກັບການຮັກສາຮີດຄອງປະເພນີອັນດີງາມຂອງທ້ອງຖິ່ນຮາກຖານ ສໍາລັບເຂດແຫຼ່ງທ່ອງທ່ຽວແຊພະ – ແຊປ້ອງໄລ, ຕາດຈໍ, ຕາດຫົວຄົນ, ເຂດທີ່ໜັ້ນລາວໄຕ້ທີ່ຍັງມີຄວາມອຸດົມສົມບູນທາງທໍາມະຊາດ ແມ່ນໃຫ້ສືບ ຕໍ່ອະນຸລັກຮັກສາ ແລະ ຈັດສັນອອກແບບ ເພື່ອພັດທະນາເປັນແຫຼ່ງທ່ອງທ່ຽວທາງທໍາມະຊາດ, ເພື່ອດຶງດູດນັກທ່ອງທ່ຽວພາຍໃນ ແລະ ຕ່າງປະເທດ, ສ້າງລາຍຮັບທີ່ໝັ້ນຄົງ ແລະ ກຽມພ້ອມເປີດປີທ່ອງທ່ຽວລາວ 2024 ຂອງແຂວງ ໃຫ້ເປັນຂະບວນຟົດຟື້ນ;

12). ໃຫ້ອົງການປົກຄອງແຂວງ ເມືອງຄົ້ນຄ້ວາ ແລະ ຈັດຕັ້ງປະຕິບັດມະຕິສະພາແຫ່ງຊາດ ສະບັບເລກທີ 134/ສພຊ, ລົງວັນທີ 1/7/2024 ວ່າດ້ວຍການຮັບຮອງເອົາບົດລາຍງານລັດຖະບານ ກ່ຽວກັບການຈັດຕັ້ງປະຕິບັດຄາດໝາຍວຽກງານພັດທະນາຊົນນະບົດ ແລະ ແກ້ໄຂຄວາມທຸກຍາກໃນໄລຍະຜ່ານມາ ແລະ ຈັດຕັ້ງປະຕິບັດມະຕິກອງປະຊຸມສະພາແຫ່ງຊາດ ສະບັບເລກທີ 82/ສພຊ, ລົງວັນທີ 30 ທັນວາ 2022 ແລະ ທິດທາງແຜນການປີ 2024;

13). ສືບຕໍ່ສູ້ຊົນເຮັດໃຫ້ຄອບຄົວທຸກຍາກ, ຄອບທຸກຍາກ, ຄອບຄົວພັດທະນາ, ບ້ານພັດທະນາ,ບ້ານພົ້ນທຸກໃນແຕ່ລະເມືອງໃຫ້ຫຼຸດລົງ ແລະ ສ້າງບ້ານໃຫ່ຍໃຫ້ເປັນຕົວເມືອງນ້ອຍໃນຊົນນະບົດ ຕາມຈຸດສຸມຂອງແຂວງໃຫ້ໄດ້ 10 ບ້ານ.
(ວິນັດ)