ຕອນເຊົ້າຂອງວັນທີ 12 ທັນວາ 2023 ນີ້ ຢູ່ທີ່ຫ້ອງປະຊຸມຂອງສະພາປະຊາຊົນແຂວງຫຼວງນໍ້າທາ ຄະນະປະຈຳສະພາປະຊາຊົນແຂວງຫລວງນໍ້າທາ ໄດ້ເປີດກອງປະຊຸມປະຈຳເດືອນທັນວາ 2023 ຂຶ້ນ ໂດຍການເປັນປະທານຂອງ ທ່ານ ຄຳຟອງ ອິນມານີ ຮອງເລາຂາພັກແຂວງ ປະທານສະພາປະຊາຊົນແຂວງ ມີບັນດາຄະນະປະຈຳສະພາປະຊາຊົນແຂວງເຂົ້າຮ່ວມຢ່າງພ້ອມພຽງ.

ໃນກອງປະຊຸມ ທ່ານເລຂາທິການ ລາຍງານກ່ຽວກັບການຈັດຕັ້ງປະຕິບັດ ບົດບັນທຶກກອງປະຊຸມ ຄະ ນະປະຈໍາສະພາປະຊາຊົນແຂວງ ສະບັບເລກທີ 143 /ຄປຈຂ, ລົງວັນທີ 24 ຕຸລາ 2023;ລາຍງານຄວາມຄືບໜ້າ ໃນການກະກຽມ ແລະ ດໍາເນີນກອງປະຊຸມສະໄໝສາມັນເທື່ອທີ 6 ຂອງສະພາປະຊາຊົນແຂວງ ໂດຍສະເພາະບັນດາເນື້ອໃນ ແລະ ຂໍ້ຕົກລົງຂອງເຈົ້າແຂວງ ວ່າດ້ວຍການຈັດງານບຸນປະເພນີ ພາຍໃນແຂວງຫຼວງນໍ້າທາ;ລາຍງານຄວາມຄືບໜ້າ ໃນການກະກຽມ ແລະ ດໍາເນີນກອງປະຊຸມຄົບຄະນະຂອງ 3 ຄະນະກໍາມະການ;ລາຍງານຄວາມຄືບໜ້າ ໃນການກະກຽມ ແລະ ດໍາເນີນກອງປະຊຸມ ວຽກງານຄະນະສະມາຊິກສະພາແຫ່ງຊາດ ປະຈໍາເຂດເລືອກຕັ້ງ;ປຶກສາຫາລື ກ່ຽວກັບການລົົງເຜີຍແຜ່ຜົນສໍາເລັດກອງປະຊຸມສະໄໝສາມັນເທື່ອທີ 6 ຂອງສະພາແຫ່ງຊາດ ແລະ ສະພາປະຊາຊົນແຂວງ ຂອງທ່ານ ພົຕ ປອ ວົງສັກ ພັນທະວົງ ເປັນຕົ້້ນ: ວັນເວລາ?, ສະຖານທີ່ຈັກຈຸດ?, ເນື້ອໃນ ແລະ ວຽກປິ່ນອ້ອມອື່ນໆ; ແລະ ວຽກງານຄຸ້ມຄອງລັດຖະກອນພາຍໃນສະພາປະຊາຊົນແຂວງ;ຄົ້ນຄວ້າ ຮ່າງມະຕິຂອງຄະນະປະຈໍາສະພາປະຊາຊົນແຂວງວ່າດ້ວຍ ການຮັບ ແລະ ການພິຈາລະນາຄໍາຮ້ອງຂໍຄວາມເປັນທໍາ.ຄົ້ນຄວ້າ ຮ່າງມະຕິຂອງຄະນະປະຈໍາສະພາປະຊາຊົນແຂວງວ່າດ້ວຍ ການແຕ່ງຮອງຂະ ແໜງຍຸຕິທໍາ ແລະ ປກຊ-ປກສ.ຄົ້ນຄວ້າແຈ້ງການຂອງສະພາແຫ່ງຊາດ ກ່ຽວກັບການມາເຄື່ອນໄຫວຕິດຕາມກວດກາ ວຽກງານຂົງເຂດຍຸຕິທໍາ, ປກຊ-ປກສ ແລະ ສະຫະພັນນັກຮົບເກົ່າ ສະບັບເລກທີ 626/ຄລສ.ກປຊສ ລົງວັນທີ 12 ທັນວາ 2023 ແລະ ຄົ້ນຄວ້າຄຳຮ້ອງທຸກຂອງປະຊາຊົນຈຳນວນໜຶ່ງ. ພ້ອມນັ້ນບັນດາທ່ານຄະນະປະຈຳສະພາປະຊາຊົນແຂວງຍັງໄດ້ພ້ອມກັນປະກອບຄຳເຫັນ ແລະ ປຶກສາຫາລືກ່ຽວກັບວຽກງານປີ່ນອ້ອມຕ່າງໆພາຍໃນສະພາປະຊາຊົນແຂວງ ເພື່ອເຮັດໃຫ້ການຈັດຕັ້ງປະຕິບັດວຽກງານມີຄວາມສະດວກ, ວ່ອງໄວ ແລະ ມີຄຸນນະພາບກວ່າເກົ່າ.

ພາບແລະຂ່າວໂດຍ ນັກຂ່າວ ສພຂ ຫຼວງນໍ້າທາ