ຕອນເຊົ້າຂອງວັນທີ 20 ມັງກອນ 2023 ສະພາປະຊາຊົນແຂວງຫລວງນໍ້າທາ ນຳໂດຍ ທ່ານ ຄຳຟອງ ອິນມານີ ຮອງເລຂາພັກແຂວງ ປະທານສະພາປະຊາຊົນແຂວງຫລວງນໍ້າທາ ພ້ອມດ້ວຍຄະນະໄດ້ ເຂົ້າອວຍພອນຄະນະພັກ ຄະນະບັນຊາ ກອງບັນຊາການທະຫານແຂວງຫລວງນໍ້າທາ ເນື່ອງໃນໂອກາດວັນສ້າງຕັ້ງກອງທັບປະຊາຊົນລາວ ຄົບຮອບ 74 ປີ 20ມັງກອນ 1949- 20 ມັງກອນ 2023 )

ໂດຍການຕ້ອນຮັບຂອງ ທ່ານ ພັອ ຫຸມພັນ ແກ້ວວັງລາດ ຫົວໜ້າການເມືອງ ກອງບັນຊາການທະການແຂວງ ພ້ອມດ້ວຍຄະນະ ເຊິ່ງທ່ານໄດ້ກ່າວສະແດງຄວາມຂອບໃຈຕໍ່ການນຳຂອງສະພາປະຊາຊົນແຂວງຫລວງນໍ້າທາ ພ້ອມດ້ວຍຄະນະ ທີ່ເຫັນໄດ້ຄວາມໝາຍຄວາມສຳຄັນຂອງວັນສ້າງຕັ້ງກອງທັບປະຊາຊົນລາວ ຄົບຮອບ 74 ປີ. ພ້ອມນັ້ນ ທ່ານ ຄໍາຟອງ ອິນມານີ ຮອງເລຂາພັກແຂວງ ປະທານສະພາປະຊາຊົນແຂວງຫລວງນໍ້າທາ ໄດ້ອວຍພອນຄະນະພັກຄະນະບັນຊາກອງບັນຊາການທະຫານແຂວງຫລວງນໍ້າທາ ຕະຫຼອດຮອດພະນັກງານ-ນັກຮົບ ທຸກສະຫາຍຈົ່ງມີສຸຂະພາບແຂງແຮງ,  ພ້ອມກັນປະຕິບັດໜ້າທີ່ການເມືອງທີ່ໄດ້ຮັບມອບໝາຍໃຫ້ສຳເລັດຕາມລະດັບຄາດໝາຍ, ພ້ອມທັງສືບຕໍ່ພາລະກິດປົກປັກຮັກສາ ແລະ ສ້າງສາພັດທະນາປະເທດຊາດໃຫ້ມັ່ງຄັ່ງເຂັ້ມແຂງຂື້ນຢ່າງບໍ່ຢຸດຢັ້ງປົກປັກຮັກສາມູນເຊື້ອຂອງກອງໃຫ້ມີຄວາມໝັ້ນຄົງຕະຫຼອດໄປ

ໂດຍ ນາງ ອໍາພອນ ສີປະເສີດ