ຕອນເຊົ້ວວັນທີ 7 ມິຖຸນາ 2023 ອົງການກວດສອບແຫ່ງລັດ ປະຈຳພາກເໜືອ ໄດ້ຈັດກອງປະຊຸມພົບປະ ສະພາປະຊາຊົນແຂວງຫລວງນ້ຳທາ ເພື່ອແຈ້ງຈຸດປະສົງ ຂອງຄະນະກວດສອບການຈັດຕັ້ງປະຕິບັດແຜນງົບປະມານຂອງແຂວງປະຈຳປີ 2022 ຢູ່ແຂວງຫລວງນ້ຳທາ ພາຍໃຕ້ການເປັນປະທານຂອງທ່ານ ນາງ ຄອນ ສີວິໄລ ຮອງປະທານອົງການກວດສອບປະຈຳພາກເໜືອ2, ເຂົ້າຮ່ວມມີທ່ານ ຄຳພອນ ເຕິນຈະເລີນ ຄະນະປະຈຳສະພາປະຊາຊົນແຂວງ ປະທານຄະນະກຳມະການເສດຖະກິດ, ແຜນການ ແລະ ການເງິນ ຂອງສະພາປະຊາຊົນແຂວງ ພ້ອມດ້ວຍພະນັກງານວິຊາການທັງ 2 ພາກສ່ວນເຂົ້າຮ່ວມທັງໝົດ 14 ທ່ານ, ຍິງ 3 ທ່ານ.

ວາລະກອງປະຊຸມແມ່ນໄດ້ຜ່ານຂໍ້ຕົກລົງວ່າດ້ວຍ ການແຕ່ງຕັ້ງຜູ້ຊີ້ນຳ ແລະ ຄະນະກວດສອບແຫ່ງລັດສະບັບເລກທີ 469/ອກສລ, ວັນທີ 18 ພຶດສະພາ 2023ດັ່ງນີ້, ກວດຄືນຕາມມະຕິກອງປະຊຸມສະໄໝສາມັນ, ການຈັດຕັ້ງປະຕິບັດຄຳແນະນຳກວດສອບປະຈຳປີຜ່ານມາ, ກວດສອບການຄຸ້ມຄອງໂຄງການລົງທືນຂອງລັດ, ການຄຸ້ມຄອງຈັດເກັບລາຍຮັບສວຍສາອາກອນ, ກວດສອບການຄຸ້ມຄອງບັນຊີເງິນຝາກຄັງເງິນແຫ່ງຊາດ, ການມອບບັນຊີລາຍຮັບ, ຄ່າທຳນຽມບໍລິການບັນດາພະແນກການຈັດສັນໂຄງການເຂົ້າໃນແຜນການລົງທືນຂອງລັດ, ເອກະສານອື່ນໆ ເພື່ອໃຫ້ສອດຄ່ອງຕາມກົດໝາຍ ແລະ ລະບຽບການທີ່ກຳນົດໄວ້; ເຊີ່ງຈະໄດ້ດຳເນີນການກວອສອບແຕ່ວັນທີ 8 ມິຖຸນາ 2023 ນີ້ເປັນຕົ້ນໄປຈົນກວ່າຈະສຳເລັດ.

ໂດຍ:ອາເມີງ ວີແຄລູ