​(ສພຊ) ເນື່ອງໃນໂອກາດດໍາເນີນກອງປະຊຸມສະໄໝສາມັນເທື່ອທີ 2 ຂອງສະພາແຫ່ງຊາດ ຊຸດທີ IX, ໃນຕອນເຊົ້າຂອງວັນທີ 5 ພະຈິກ 2021 ທີ່ຫ້ອງຮັບແຂກສະພາແຫ່ງຊາດ ບໍລິສັດ ລາວບໍລິການ ຈໍາກັດ ແລະ ສູນຄົ້ນຄວ້າຢາພື້ນເມືອງລາວ ກະຊວງສາທາລະນະສຸກ ໄດ້ປະກອບສ່ວນຊຸກຍູ້ກອງປະຊຸມ ປະກອບມີ: ຢາກະຊາຍຂາວອັດເມັດ ຈໍານວນ 150 ກ່ອງ ລວມມູນຄ່າ 45 ລ້ານກີບ ໃຫ້ສະພາແຫ່ງຊາດ ເພື່ອໝູນໃຊ້ເຂົ້າໃນວຽກງານປ້ອງກັນຄວບຄຸມການແຜ່ລະບາດຂອງພະຍາດໂຄວິດ-19 ເຊິ່ງກ່າວຮັບໂດຍທ່ານ ນາງ ປິ່ງຄໍາ ລາຊະສິມມາ ຄະນະຊີ້ນໍາລວມເພື່ອຕິດຕາມຂ່າວສານ ແລະ ການຮັບມືຕໍ່ສະພາບການແຜ່ລະບາດຂອງພະຍາດໂຄວິດ-19, ເລຂາທິການສະພາແຫ່ງຊາດ.

ໂອກາດດັ່ງກ່າວ ເລຂາທິການສະພາແຫ່ງຊາດ ໄດ້ກ່າວສະແດງຄວາມຍ້ອງຍໍຊົມເຊີຍ ແລະ ຂອບໃຈທີ່ບໍລິສັດ ລາວບໍລິການ ຈໍາກັດ ແລະ ສູນຄົ້ນຄວ້າຢາພື້ນເມືອງລາວ ກະຊວງສາທາລະນະສຸກ ທີ່ໄດ້ມາຊຸກຍູ້ກອງປະຊຸມສະພາໃນຄັ້ງນີ້.

(ພາບ ແລະ ຂ່າວ: ສອນສັກ ວັນວິໄຊ)