(ສພຊ) – ວັນທີ 19 ມັງກອນຜ່ານມາ ທີ່ຫ້ອງປະຊຸມສະພາປະຊາຊົນແຂວງ (ສພຂ) ຫຼວງນໍ້າທາ ໄດ້ເປີດກອງປະຊຸມ ຕິດຕາມ, ຊຸກຍູ້ການກະກຽມ ແລະ ດຳເນີນການເລືອກຕັ້ງສະມາຊິກສະພາແຫ່ງຊາດ ຊຸດທີ X ແລະ ສະມາຊິກສະພາປະຊາ ຊົນແຂວງ ຊຸດທີ V ໂດຍການເປັນປະທານຮ່ວມຂອງທ່ານ ເລັດ ໄຊຍະພອນ ປະທານສູນກາງສະຫະພັນກຳມະບານລາວ, ກໍາ ມະການຄະນະກໍາມະການເລືອກຕັ້ງລະດັບຊາດ (ຄລຊ), ກໍາມະການອະນຸກໍາມະການໂຄສະນາ ແລະ ປຸກລະດົມຂະບວນການ ແລະ ທ່ານ ພົຕ. ປອ. ວົງສັກ ພັນທະວົງ ກໍາມະການຄະນະປະຈໍາສະພາແຫ່ງຊາດ, ປະທານກຳມາທິການປ້ອງກັນຊາດ-ປ້ອງ ກັນຄວາມສະຫງົບ, ກຳມະການອະນຸກຳມະການປ້ອງກັນຊາດ-ປ້ອງກັນຄວາມສະຫງົບ, ມີທ່ານ ຄຳຟອງ ອິນມານີ ຮອງເລຂາ ພັກແຂວງ, ປະທານສະພາປະຊາຊົນແຂວງ, ຮອງປະທານຄະນະກຳມະການເລືອກຕັ້ງແຂວງ (ຄລຂ), ບັນດາທ່ານຄະນະກຳ ມະການ ແລະ ອະນຸກໍາມະການ ຂອງ ຄລຂ ພ້ອມດ້ວຍຄະນະຕິດຕາມຈາກສູນກາງ ເຂົ້າຮ່ວມຢ່າງພ້ອມພຽງ.
ໃນກອງປະຊຸມ, ທ່ານ ກົງເພັດ ແກ້ວບົວພາ ກຳມະການພັກແຂວງ, ຮອງປະທານສະພາປະຊາຊົນແຂວງ, ຜູ້ປະຈຳການ ຄະນະປະຈຳການຄະນະກຳມະການເລືອກຕັ້ງແຂວງ ໄດ້ລາຍງານສະພາບການຈັດຕັ້ງປະຕິບັດວຽກງານຂອງ ຄລຂ ໃນການກະ ກຽມໃຫ້ແກ່ການເລືອກຕັ້ງສະມາຊິກສະພາແຫ່ງຊາດ (ສສຊ) ປະຈຳເຂດເລືອກຕັ້ງທີ 3 ຊຸດທີ X ແລະ ສະມາຊິກສະພາປະຊາ ຊົນແຂວງ (ສສຂ) ຫຼວງນໍ້າທາ ຊຸດທີ V ເຊິ່ງການຈັດຕັ້ງປະຕິບັດວຽກງານບາດກ້າວທີ 1-2 ແມ່ນມີຜົນສຳເລັດຫຼາຍດ້ານ ເປັນ ຕົ້ນແມ່ນໄດ້ຮ່າງມະຕິຂອງຄະນະປະຈຳ ວ່າດ້ວຍການແຕ່ງຕັ້ງຄະນະກຳມະການເລືອກຕັ້ງຂັ້ນແຂວງ; ສ້າງແຜນການດຳເນີນງານ ຂອງ ຄລຂ; ຮ່າງມະຕິຂອງຄະນະປະຈຳ ວ່າດ້ວຍການແຕ່ງຕັ້ງຄະນະກຳມະການເລືອກຕັ້ງຂັ້ນເມືອງ (ຄລມ); ຮ່າງຂໍ້ຕົົກລົງວ່າ ດ້ວຍການຈັດຕັ້ງ ແລະ ເຄື່ອນໄຫວຂອງ ຄລຂ ເຊິ່ງໄດ້ກຳນົດລະອຽດກ່ຽວກັບທີ່ຕັ້ງ, ພາລະບົດບາດ, ສິດ ແລະ ໜ້າທີ່ຂອງ ຄລຂ ແລະ ຄະນະປະຈຳການ ຄລຂ; ຮ່າງຂໍ້ຕົກລົງວ່າດ້ວຍການແຕ່ງຕັ້ງ ແລະ ການເຄື່ອນໄຫວຂອງອະນຸກຳມະການເລືອກຕັ້ງ ຂັ້ນແຂວງ ເຊິ່ງປະກອບມີ 5 ອະນຸກຳມະການ; ຮຽກໂຮມ ແລະ ດຳເນີນກອງປະຊຸມຄັ້ງປະຖົມມະລືກ, ຜູ້ປະຈຳການຄະນະ ປະຈຳການ ຄລຂ ໄດ້ຖະແຫຼງຂ່າວຕໍ່ສື່ມວນຊົນ ເພື່ອຮຽກຮ້ອງໃຫ້ປະຊາຊົນບັນດາເຜົ່າພາຍໃນແຂວງ ໂດຍສະເພາະຜູ້ມີສິດ ປ່ອນບັດເລືອກຕັ້ງ ຍົກສູງສະຕິເປັນເຈົ້າຂອງປະເທດຊາດ; ອອກແຈ້ງການເພື່ອໃຫ້ບັນດາເມືອງດຳເນີນກອງປະຊຸມຄັ້ງປະຖົມ ມະລືກ, ຖະແຫຼງຂ່າວ, ສ້າງແຜນດຳເນີນງານ ແລະ ແຕ່ງຕັ້ງບັນດາອະນຸກຳມະການຊ່ວຍວຽກ; ອອກແຈ້ງການເພື່ອໃຫ້ບັນດາ ອະນຸກຳມະການເລືອກຕັ້ງຂັ້ນແຂວງ ຜັນຂະຫຍາຍແຜນດຳເນີນງານຂອງ ຄລຂ; ເກັບກຳຂໍ້ມູນກ່ຽວກັບວັດຖຸອຸປະກອນຮັບໃຊ້ ໃຫ້ແກ່ການເລືອກຕັ້ງ; ອອກແຈ້ງການກ່ຽວກັບການກຳນົດໜ່ວຍປ່ອນບັດເລືອກຕັ້ງ; ດຳເນີນການເຝິກອົບຮົມວຽກງານການ ເລືອກຕັ້ງ ໃຫ້ແກ່ພະນັກງານຫຼັກແຫຼ່ງຂັ້ນແຂວງ-ຂັ້ນເມືອງ; ເກັບກຳສະຖິຕິຄະນະກຳມະການແຕ່ລະຂັ້ນ ແລະ ຄະນະຮັບຜິດ ຊອບໜ່ວຍປ່ອນບັດ; ອະນຸກຳມະການໂຄງປະກອບ ແລະ ບຸກຄະລາກອນ ໄດ້ອອກແຈ້ງການໃຫ້ບັນດາພະແນກການ-ອົງການ ຂັ້ນແຂວງ-ຂັ້ນເມືອງ ແລະ ທຸກພາກສ່ວນກ່ຽວຂ້ອງ ເພື່ອສົ່ງລາຍຊື່ເປົ້າໝາຍບຸກຄະລາ ກອນທີ່ຈະລົງສະໝັກຮັບເລືອກຕັ້ງເປັນ ສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນແຂວງ; ດຳເນີນກອງປະຊຸມສະຫຼຸບຕີລາຄາການຈັດຕັ້ງປະຕິບັດ ວຽກງານໃນບາດກ້າວທີ 1-2 ແລະ ວາງທິດທາງແຜນການວຽກງານບາດກ້າວທີ 3. ຈາກນັ້ນ, ກໍໄດ້ມີການແລກປ່ຽນສົນທະນາ ບັນຫາຕ່າງໆ ເປັນຕົ້ນແມ່ນຂໍ້ສະດວກ, ຂໍ້ຫຍຸ້ງຍາກ ທີ່ຕິດພັນກັບວຽກງານການກະກຽມ ແລະ ດຳເນີນການເລືອກຕັ້ງ ເພື່ອ ຊອກວິທີແກ້ໄຂທີ່ເປັນເອກະພາບ ພ້ອມທັງໃຫ້ທ່ວງທັນກັບເວລາທີ່ກຳນົດ, ທັງຮັບປະກັນຄວາມພ້ອມໃຫ້ແກ່ການເລືອກຕັ້ງຄັ້ງ ນີ້ ໃຫ້ສຳເລັດຕາມລະດັບຄາດໝາຍ.
ໂອກາດນີ້, ທ່ານ ເລັດ ໄຊຍະພອນ ໄດ້ສະແດງຄວາມຍ້ອງຍໍຊົມເຊີຍບັນດາທ່ານທີ່ໄດ້ສຸມໃສ່ກະກຽມບັ້ນເລືອກຕັ້ງຄັ້ງ ນີ້ ພ້ອມທັງຮຽກຮ້ອງຄະນະກໍາມະການເລືອກຕັ້ງຂັ້ນແຂວງ, ບັນດາອະນຸກຳມະການ ຈົ່ງຮີບຮ້ອນຈັດຕັ້ງປະຕິບັດບາງວຽກງານ ໃຫ້ສຳເລັດຕາມເວລາທີ່ກຳນົດ ເພື່ອຮັບປະກັນໃຫ້ປະຊາຊົນບັນດາເຜົ່າພາຍໃນແຂວງ ໂດຍສະເພາະຜູ້ມີສິດປ່ອນບັດເລືອກຕັ້ງ ເຂົ້າຮ່ວມການເລືອກຕັ້ງຄັ້ງນີ້ໃຫ້ມີຜົນສຳເລັດ 400% ຄື: ຮັບປະກັນໃຫ້ຜູ້ມີສິດເລືອກຕັ້ງໄປໃຊ້ສິດຄົບຖ້ວນ 100%, ຮັບປະ ກັນການໃຊ້ສິດມີຄວາມຖືກຕ້ອງ 100%, ຮັບປະກັນຄວາມສະຫງົບປອດໄພ 100% ແລະ ຮັບປະກັນຄວາມໂປ່ງໃສ 100%.
ໃນວັນດຽວກັນ, ຄະນະກໍາມະການເລືອກຕັ້ງລະດັບຊາດ ແລະ ຄະນະກໍາມະການເລືອກຕັ້ງແຂວງ ໄດ້ລົງຕິດຕາມ, ຊຸກຍູ້ວຽກງານກະກຽມການເລືອກຕັ້ງ ໂດຍແບ່ງອອກເປັນ 2 ຄະນະຄື: ຄະນະທີ 1 ນໍາໂດຍທ່ານ ເລັດ ໄຊຍະພອນ ແລະ ທ່ານ ກົງເພັດ ແກ້ວບົວພາ ໄດ້ລົງຕິດຕາມ, ຊຸກຍູ້ຢູ່ເມືອງນາແລ ເຊິ່ງມີບັນດາທ່ານຄະນະກໍາມະການເລືອກຕັ້ງເມືອງ, ອະນຸກໍາມະການ ແລະ ກອງເລຂາຊ່ວຍວຽກ ຄລມ ເຂົ້າຮ່ວມ 40 ທ່ານ; ຄະນະທີ 2 ນໍາໂດຍທ່ານ ພົຕ. ປອ. ວົງສັກ ພັນທະວົງ ແລະ ທ່ານ ຄໍາ ຟອງ ອິນມານີ ໄດ້ລົງຕິດຕາມ, ຊຸກຍູ້ຢູ່ເມືອງສິງ ເຊິ່ງມີບັນດາທ່ານຄະນະກໍາມະການເລືອກຕັ້ງເມືອງ, ອະນຸກໍາມະການ ແລະ ກອງເລຂາຊ່ວຍວຽກ ຄລມ ເຂົ້າຮ່ວມ 80 ທ່ານ.
ທ່ານ ທໍາມະວົງ ບຸນຖາວອນ ກໍາມະການພັກແຂວງ, ເລຂາພັກເມືອງ, ປະທານຄະນະກໍາມະການເລືອກຕັ້ງເມືອງນາແລ ແລະ ທ່ານ ໜານມອນ ແກ້ວສິງໄຊ ກໍາມະການພັກແຂວງ, ເລຂາພັກເມືອງ, ປະທານຄະນະກໍາມະການເລືອກຕັ້ງເມືອງສິງ ໄດ້ ລາຍງານສະພາບລວມຂອງເມືອງ ແລະ ຄວາມຄືບໜ້າໃນການກະກຽມເລືອກຕັ້ງ ໃນບາດກ້າວທີ 1 ແລະ ບາດກ້າວທີ 2 ເຊິ່ງມີ ຜົນສໍາເລັດຫຼາຍດ້ານຕາມແຜນການທີ່ວາງໄວ້; ເຂດເລືອກຕັ້ງເມືອງນາແລ ມີທັງໝົດ 57 ບ້ານ ແລະ ກຳນົດເປັນ 42 ໜ່ວຍ ເລືອກຕັ້ງ, ມີ 84 ຫີບປ່ອນບັດ ໂດຍຄາດຄະເນພົນລະເມືອງທີ່ມີສິດເລືອກຕັ້ງ (ອາຍຸ 18 ປີຂຶ້ນໄປ) ມີຈໍານວນ 26,196 ຄົນ, ຍິງ 13,146 ຄົນ; ເຂດເລືອກຕັ້ງເມືອງສິງ ມີທັງໝົດ 93 ບ້ານ ແລະ ກໍານົດເປັນ 68 ໜ່ວຍປ່ອນບັດ ໂດຍຄາດຄະເນພົນລະ ເມືອງທີ່ມີສິດເລືອກຕັ້ງ ມີຈໍານວນ 31,234 ຄົນ, ຍິງ 16,346 ຄົນ.
ວັນທີ 20 ມັງກອນ, ທ່ານ ເລັດ ໄຊຍະພອນ ແລະ ທ່ານ ພົຕ. ປອ. ວົງສັກ ພັນທະວົງ ພ້ອມດ້ວຍຄະນະ ແລະ ຄະ ນະກໍາມະການເລືອກຕັ້ງແຂວງ ໄດ້ລົງຕິດຕາມ, ຊຸກຍູ້ວຽກງານກະກຽມການເລືອກຕັ້ງຢູ່ເມືອງວຽງພູຄາ ໂດຍມີບັນດາທ່ານຄະ ນະກໍາມະການເລືອກຕັ້ງເມືອງ, ອະນຸກໍາມະການ ແລະ ກອງເລຂາຊ່ວຍວຽກ ຄລມ ເຂົ້າຮ່ວມ. ທ່ານ ບຸນຊົງ ວາໄຊຢີ ກໍາມະ ການພັກແຂວງ, ເລຂາພັກເມືອງ, ປະທານຄະນະກໍາມະການເລືອກຕັ້ງເມືອງ ໄດ້ລາຍງານສະພາບລວມຂອງເມືອງ ແລະ ຄວາມ ຄືບໜ້າໃນການກະກຽມເລືອກຕັ້ງ ໃນບາດກ້າວທີ 1 ແລະ ບາດກ້າວທີ 2 ເຊິ່ງມີຜົນສໍາເລັດຫຼາຍດ້ານຕາມແຜນການທີ່ວາງໄວ້; ເຂດເລືອກຕັ້ງເມືອງວຽງພູຄາ ມີທັງໝົດ 46 ບ້ານ ແລະ ກຳນົດເປັນ 49 ໜ່ວຍປ່ອນບັດ ໂດຍຄາດຄະເນພົນ ລະເມືອງທີ່ມີສິດ ເລືອກຕັ້ງ ມີຈໍານວນ 15,764 ຄົນ, ຍິງ 7,890 ຄົນ.
ໃນໂອກາດລົງຕິດຕາມ, ຊຸກຍູ້ການເລືອກຕັ້ງຄັ້ງນີ້, ຄະນະກໍາມະການເລືອກຕັ້ງລະດັບຊາດ ໄດ້ຮຽກຮ້ອງໃຫ້ຄະນະກໍາ ມະການເລືອກຕັ້ງຂັ້ນແຂວງ ກໍຄືຄະນະກໍາມະການເລືອກຕັ້ງແຕ່ລະເມືອງ ສືບຕໍ່ເພີ່ມທະວີຄວາມເປັນເຈົ້າການຈັດຕັ້ງປະຕິບັດ ວຽກງານໃນບາດກ້າວຕໍ່ໄປ ເປັນຕົ້ນ: ເອົາໃຈໃສ່ປະສານສົມທົບລະຫວ່າງຂັ້ນເມືອງກັບຂັ້ນແຂວງ ໃຫ້ມີຄວາມກົມກຽວຂຶ້ນຕື່ມ ເພື່ອຈັດຕັ້ງປະຕິບັດວຽກງານໃນບາດກ້າວທີ 3 ໃຫ້ສໍາເລັດ 100%; ວຽກງານໂຄສະນາ ແລະ ປຸກລະດົມ ໃຫ້ສ້າງຂະບວນ ການໃຫ້ມີຄວາມຟົດຟື້ນກວ້າງຂວາງທົ່ວສັງຄົມ ເພື່ອຮັບປະກັນໃຫ້ຜູ້ມີສິດເລືອກຕັ້ງ ໄດ້ໄປໃຊ້ສິດປ່ອນບັດຄົບຕາມຈໍານວນ, ມີ ຄວາມຖືກຕ້ອງຕາມກົດໝາຍ, ຂັ້ນຕອນ ແລະ ວິທີການທີ່ກໍານົດ; ຮັບປະກັນຄວາມໂປ່ງໃສ ແລະ ສໍາເລັດທັນຕາມກໍານົດເວລາ; ຮັບປະກັນວຽກງານປ້ອງກັນຊາດ-ປ້ອງກັນຄວາມສະຫງົບໃນທົ່ວສັງຄົມ ໃຫ້ມີຄວາມປອດໄພຮ້ອຍສ່ວນຮ້ອຍ ລວມທັງການ ກະກຽມສະຖານທີ່ປ່ອນບັດ, ການເກັບກໍາຈໍານວນສະຖິຕິຜູ້ມີສິດປ່ອນບັດ ແລະ ກໍານົດການປ່ອນບັດຂອງສອງກໍາລັງ, ດ້ານ ການຄຸ້ມຄອງ-ນໍາໃຊ້ງົບປະມານ ແລະ ວຽກງານອື່ນປິ່ນອ້ອມ.