ຕອນບ່າຍ ຂອງວັນທີ 8 ກຸມພາ 2023 ທີ່ຫ້ອງຮັບແຂກສະພາປະຊາຊົນແຂວງ ກຸ່ມບໍລິສັດ ພັດທະນາເສດຖະກິດພິເສດບໍ່ເຕ່ນ ລາວຈໍາກັດ ໄດ້ອຸປະຖໍາເງິນ ຈໍານວນ 50,000,000 ກີບ ເພື່ອເປັນການປະກອບສ່ວນເຂົ້າໃນການເຄື່ອນໄຫວວຽກງານຂອງສະພາປະຊາຊົນແຂວງ ກໍຄືນໍາໃຊ້ເຂົ້າໃນການດໍາເນີນກອງປະຊຸມສະໄໝສາມັນ ເທື່ອທີ 4 ຂອງສະພາປະຊາຊົນແຂວງ ຊຸດທີ II; ຕາງໜ້າໃຫ້ກຸ່ມບໍລິສັດ ພັດທະນາເສດຖະກິດພິເສດບໍ່ເຕ່ນ ລາວຈໍາກັດ ມອບໂດຍທ່ານ ຄໍາອ່ອນ ເພັງສຸວັນນະພູມ ຜູ້ປະສານງານໂຄງການ ແລະ ຕາງໜ້າໃຫ້ສະພາປະຊາຊົນແຂວງ ກ່າວຮັບໂດຍທ່ານ ສົມຈິດ ຫັບລະກອນ ຮອງປະທານສະພາປະຊາຊົນແຂວງ.

ໂອກາດດຽວກັນນີ້ ທ່ານ ສົມຈິດ ຫັບລະກອນ ຕາງໜ້າໃຫ້ສະພາປະຊາຊົນແຂວງ ມອບໃບກຽດຕິຄຸນ ໃຫ້ກັບກຸ່ມບໍລິສັດ ພັດທະນາເສດຖະກິດພິເສດບໍ່ເຕ່ນ ລາວຈໍາກັດ ຕາງໜ້າຮັບໂດຍທ່ານ ຄໍາອ່ອນ ເພັງສຸວັນນະພູມ ທັງນີ້ກໍເພື່ອສະແດງຄວາມຂອບໃຈ ຕໍ່ກຸ່ມບໍລິສັດ ພັດທະນາເສດຖະກິດພິເສດບໍ່ເຕ່ນ ລາວຈໍາກັດ ທີ່ໃຫ້ການປະກອບສ່ວນໃນຄັ້ງນີ້.