(ສພຊ) ຄະນະບໍລິຫານງານສະຫະພັນກຳມະບານສະພາແຫ່ງຊາດ ໄດ້ຈັດກິລາບານເຕະມິດຕະພາບ 4 ພາກສ່ວນ ຊິງຂັນຄະນະພັກສະພາແຫ່ງຊາດຂຶ້ນ ໃນວັນທີ 12 ພຶດສະພາ 2023 ທີ່ເດີ່ນກິລາເຟີຣາລີ້ ໂດຍມີຕາງໜ້າຈາກສະຫະພັນກຳມະບານ 4 ພາກສ່ວນເຂົ້າຮ່ວມຄື: ສະພາແຫ່ງຊາດ, ກະຊວງພະລັງງານ ແລະ ບໍ່ແຮ່, ກະຊວງອຸດສາຫະກໍາ ແລະ ການຄ້າ ແລະ ທະນາຄານແຫ່ງ ສປປລາວ ທັງນີ້ ກໍເພື່ອເປັນການຂ່ຳນັບຊົມເຊີຍວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 68 ປີ, ວັນກໍາມະກອນສາກົນ ຄົບຮອບ 137 ປີ ແລະ ວັນສ້າງຕັ້ງຊາວໜຸ່ມປະຊາຊົນປະຕິວັດລາວ ຄົບຮອບ 68 ປີ ໃຫ້ເປັນຂະບວນການຟົດຟື້ນ ແລະ ຮັດແໜ້ນຄວາມສາມັກຄີຮັກແພງ.

ການເເຂ່ງຂັນຄັ້ງນີ້ ໄດ້ແບ່ງອອກເປັນ 2 ປະເພດຄື: ປະເພດທີມຍິງ ແລະ ປະເພດທີມຊາຍ ເຊິ່ງຜົນຂອງການແຂ່ງຂັນ ຊະນະເລີດອັນດັບທີ 1 ທີມຍິງ ແລະ ທີມຊາຍ ໄດ້ແກ່ ທະນາຄານແຫ່ງ ສປປລາວ; ອັນດັບທີ 2 ທີມຍິງ ແລະ ທີມຊາຍໄດ້ແກ່ ກະຊວງພະລັງງານ ແລະ ບໍ່ແຮ່; ອັນດັບທີ 3 ທີມຍິງ ແລະ ທີມຊາຍໄດ້ແກ່ ສະພາແຫ່ງຊາດ ແລະ ອັນດັບທີ 4 ທີມຍິງ ແລະ ທີມຊາຍ ໄດ້ແກ່ ກະຊວງອຸດສາຫະກໍາ ແລະ ການຄ້າ.

ການແຂ່ງຂັນກິລາບານເຕະມິດຕະພາບຄັ້ງນີ້ ເເມ່ນເຕັມໄປດ້ວຍໄມຕີຈິດມິດຕະພາບ, ຄວາມສາມັກຄີຮັກແພງ ແລະ ຟົດຟື້ນມ່ວນຊື່ນ ເຊິ່ງຄາດວ່າປີຕໍ່ໄປ ແມ່ນທະນາຄານ ແຫ່ງ ສປປລາວ ຈະໄດ້ຮັບກຽດເປັນເຈົ້າພາບ.