ເພື່ອເປັນການລະນຶກເຖິງມູນເຊື້ອແຫ່ງການສ້າງຕັ້ງສະຫະພັນກຳມະບານລາວ ຄົບຮອບ 69 ປີ ຄືວັນທີ 1 ກຸມພາ 1956-1 ກຸມພາ 2025 ໃຫ້ເຕັມໄປດ້ວຍເນື້ອໃນແລະຜົນງາານອັນໃຫຍ່ຫລວງ. ດັ່ງນັ້ນມາໃນຕອນເຊົ້າວັນທີ 27 ມັງກອນ 2025 ນີ້ ກຳມະບານຮາກຖານສະພາປະຊາຊົນແຂວງ ໄດ້ຈັດພິທີປາຖະກະຖາວັນສ້າງຕັ້ງສະຫະພັນກຳມະບານລາວ ຂຶ້ນທີ່ຫ້ອງປະຊຸມຊັ້ນ 02 ຂອງຕົນ, ໂດຍການເຂົ້າຮ່ວມ ແລະ ເປັນກຽດກ່າວປາຖະກະຖາຂອງທ່ານ ຄຳພວຍ ວິໄລເດດວົງສາ ຮອງປະທານສະຫະພັນກຳມະບານແຂວງ ໂດຍມີບັນດາທ່ານຄະນະປະຈຳສະພາປະຊາຊົນແຂວງ, ປະທານ-ຮອງປະທານຄະນະກຳມະການ, ຄະນະເລຂາທິການ, ຄະນະກຳມະບານຮາກຖານ, ຕະຫຼອດຮອດສະມາຊິກກຳມະບານພາຍໃນຮາກຖານສະພາປະຊາຊົນແຂວງເຂົ້າຮ່ວມຮັບຟັງ.

ໃນພິທີປາຖະກະຖາຄັ້ງນີ້ ແມ່ນໄດ້ຍົກໃຫ້ເຫັນທາດແທ້ມູນເຊື້ອ ແຫ່ງການກຳເນີດ ແລະ ເຕີບໃຫຍ່ຂອງອົງການຈັດຕັ້ງສະຫະພັນກຳມະບານລາວ ພ້ອມນີ້, ທ່ານຄຳພວຍ ວິໄລເດດວົງສາ ກໍ່ໄດ້ຍົກໃຫ້ເຫັນເຖິງຜົນງານ ການເຄື່ອນໄຫວຈັດຕັ້ງປະຕິບັດວຽກງານຮອບດ້ານ ທີ່ທາງສະຫະພັນກຳມະບານແຂວງສະຫວັນນະເຂດ ຍາດມາໄດ້ໃນໄລຍະ01 ປີຜ່ານມາ ເຊິ່ງເຫັນໄດ້ວ່າມີຫລາຍຜົນງານທີ່ພົ້ນເດັ່ນ ເຊິ່ງເປັນຜົນງານອັນໃຫຍ່ຫລວງທີ່ຈະໄດ້ຂຳ່ນັບຮັບຕ້ອນກອງປະຊຸມໃຫຍ່ 03ຂັ້ນຂອງພັກ,ອົງຄະນະພັກແຂວງ ກໍ່ຄືຂອງສະຫະພັນກຳມະບານແຂວງທີ່ຈະໄດ້ມາເຖິງໃນມໍ່ໆນີ້ ແລະ ໃນໂອກາດສຸດທ້າຍ ທ່ານ ຈັນສະໜອນ ສອນພົງພັນ ປະທານກຳມະບານຮາກຖານສະພາປະຊາຊົນແຂວງ ກໍໄດ້ມອບກະຕ່າຂອງຂວັນ ໃຫ້ທ່ານ ທ່ານຄຳພວຍ ວິໄລເດດວົງສາ ອີກດ້ວຍ.