25ໃນຕອນບ່າຍຂອງວັນທີ 25 ພະຈິກ 2023 ທີ່ຜ່ານມາ ທ່ານ ແກ້ວລັດຕະນະ ສີຫາວົງ ຄະນະປະຈໍາພັກແຂວງ, ຮອງປະທານຄະນະສະມາຊິກສະພາແຫ່ງຊາດ ເຂດເລືແກຕັ້ງທີ 15 ທັງເປັນຮອງປະທານຄະນະປະຈໍາສະພາປະຊາຊົນແຂວງຈໍາປາສັກ ຜູ້ຊີ້ນໍາວຽກງານຮອບດ້ານເມືອງສຸຂຸມາ ສົມທົບກັບ ທ່ານ ສົມເພັດ ພຸດສະດີ ກຳມະການພັກແຂວງ, ເລຂາພັກເມືອງ, ເຈົ້າເມືອງສຸຂຸມາ ພ້ອມຄະນະ ລົງເຄື່ອນໄຫວພື້ນທີ່ເຂດການກໍ່ສ້າງເສັ້ນທາງປູເບຕົງບ້ານໃຫຍ່ບຸ່ງແກ້ວ, ເມືອງສຸຂຸມາ, ແຂວງຈໍາປາສັກ ໂດຍໄດ້ຮັບການລາຍງານຫຍໍ່ຈາກຄະນະຮັບຜິດຊອບການກໍ່ສ້າງເສັ້ນດັ່ງກວ່າວ່າ: ການກໍ່ສ້າງເສັ້ນທາງປູເບຕົງບ້ານໃຫຍ່ບຸ່ງແກ້ງແມ່ນໄດ້ຮັບທຶນຊ່ຍເຫຼືອຈາກຫຼາຍພາກສ່ວນ ເປັນຕົ້ນ ຄື: ໄດ້ຮັບທຶນຊ່ວຍເລືອຈາກອົງການປົກຄອງແຂວງຈໍາປາສັກ, ອົງການປົກຄອງເມືອງສຸຂຸມາ, ສະພາພາປະຊາຊົນແຂວງຈໍາປາສັກ, ບໍລິສັດ, ຫ້າງຮ້ານ, ນັກທຸລະກິດ ແລະ ພໍ່ແມ່ນປະຊາຊົນທົ່ວສັງຄົມປະກອບສ່ວນໃຫ້ການຊ່ວຍເຫຼືອ, ຜ່ານການຈັດຕັ້ງປະຕິບັດໃນການກໍ່ສ້າງເສັ້ນທາງແມ່ນສໍາເລັດແລ້ວ 60 ສ່ວນຮ້ອຍ ເຊິງຈະສືບຕໍ່ກໍ່ສ້າງໃຫ້ສໍາເລັດໃນກາງເດືອນທັນວາ 2023 ນີ້.
ການກໍ່ສ້າງເສັ້ນທາງປູເບຕົງບ້ານໃຫຍ່ບຸ່ງແກ້ວ ກໍ່ເພື່ອເປັນການກະກຽມໃຫ້ແກ່ການປະກາດບ້ານໃຫຍ່ບຸ່ງແກ້ວ ເປັນບ້ານຢູ່ດີກິນດີ ທີ່ຈະຈັດຂື້ນໃນທ້າຍເດືອນທັນວາ 2023 ນີ້.
(ພາບ-ຂ່າວ: ສົມວິຈິດ ໄຊມົນຕີ)