ເພື່ອຮັບປະກັນໃນການກະກຽມດໍາເນີນກອງປະຊຸມສະໄໝສາມັນເທື່ອທີ 5 ຂອງສະພາປະຊາຊົນແຂວງ   ອັດຕະປື ຊຸດທີ II. ໃຫ້ທ່ວງທັນກັບເວລາທີ່ກໍານົດ ແລະ ມີປະສິດທິພາບສູງ. ໃນວັນທີ 17 ສິງຫາ 2023. ສະພາປະຊາຊົນແຂວງ ໄດ້ຈັດກອງປະຊຸມກວດກາຄວາມພ້ອມໃນການກະກຽມດໍາເນີນກອງປະຊຸມສະໄໝສາມັນເທື່ອທີ 5 ຂອງສະພາປະຊາຊົນແຂວງ ອັດຕະປື ຊຸດທີ II, ທີ່ຫ້ອງປະຊຸມຂອງຕົນ, ໂດຍການເປັນປະທານຂອງທ່ານ ນາງ ມີນາພອນ ໄຊສົມພູ ປະທານສະພາປະຊາຊົນແຂວງ ອັດຕະປື ມີບັນດາທ່ານ ຄະນະປະຈໍາສະພາປະຊາຊົນແຂວງ, ຄະນະກໍາມະການ, ຄະນະເລຂາທິການ, ຫົວໜ້າ-ຮອງຫົວໜ້າຂະແໜງ ແລະ ພະນັກງານ-ລັດຖະກອນພາຍໃນສະພາປະຊາຊົນແຂວງເຂົ້າຮ່ວມ.

ໃນກອງປະຊຸມ, ຈະໄດ້ຕິລາຄາ ແລະ ປະເມີນກວດກາ, ຂໍ້ຄົງຄ້າງ ແລະ ຜົນສໍາເລັດ ໃນການກະກຽມຮັບໃຊ້ກອງປະຊຸມສະໄໝສາມັນເທື່ອທີ 5 ຂອງສະພາປະຊາຊົນແຂວງ   ອັດຕະປື ຊຸດທີ II. ຂອງບັນດາອະນຸກໍາມະການເຊັ່ນ: ອະນຸກໍາການເນື້ອໃນ, ອະນຸກໍາມະການກອງເລຂາ, ອະນຸກໍາມະການພິທີການ ແລະ ຮັບແຂກ, ອະນຸກໍາມະການບໍລິຫານ-ການເງີນ, ອະນຸກໍາມະການປະຊາສໍາພັນ ແລະ ສາຍດ່ວນ, ອະນຸກໍາມະການປ້ອງກັນຄວາມສະຫງົບ ແລະ ຮັກສາສຸຂະພາບ, ອະນຸກໍາມະການແກະຄໍາເຫັນຂອງຜູ້ແທນກອງປະຊຸມ ແລະ ອະນຸກໍາມະການປະເມີນ ແລະ ໃຫ້ຄະແນນ. ເຊິ່ງເຫັນໄດ້ວ່າຄວາມພ້ອມເທົ່າກັບ 85 %, ຄາດວ່າຈະດໍາເນີນກອງປະຊຸມໃນທ້າຍເດືອນ ສິງຫາ 2023 ນີ້.

ວິນັດ