ໃນວັນທີ 21 ມິນາ 2024 ທີ່ຜ່ານມານີ້ ໜ່ວຍສະຫະພັນແມ່ຍີງສະພາປະຊາຊົນແຂວງວຽງຈັນ ໄດ້ຈັດກອງປະຊຸມໃຫ່ຍ ຄັ້ງທີ III ຂອງໜ່ວຍສະຫະພັນແມ່ຍີງ ຂອງຕົນຂື້ນຢ່າງເປັນທາງການຢູ່ທີ່ ຫ້ອງປະຊຸມສະພາປະຊາຊົນແຂວງວຽງຈັນ ໂດຍການເປັນປະທານຮ່ວມເປັນຄະນະປະທານຂອງ ທ່ານ ນາງ ໃສແສງຈັນ ແສງພະຈັນ ປະທານໜ່ວຍສະຫະພັນແມ່ຍີງ ສະພາປະຊາຊົນ ແຂວງວຽງຈັນ, ທ່ານ ນາງ ສົມພອນ ສຸທໍາມະວົງ ຮອງປະທານຄະນະບໍລິຫານງານສະຫະພັນແມ່ຍິງແຂວງວຽງຈັນ, ທ່ານ ທອງສູນ ຊາມູນຕີ ປະທານໜ່ວຍຮາກຖານກໍາມະບານ ສະພາປະຊາຊົນແຂວງວຽງຈັນ, ທ່ານ ເພັດພູທອນ ເມືອງປາກ ຄະນະຊາວໜຸ່ມ ສະພາປະຊາຊົນແຂວງວຽງຈັນ ມີແຂກຖຶກເຊີນ ແລະ ສະມາຊິກສະຫະພັນແມ່ຍິງທັງໜົດພາຍໃນສະພາປະຊາຊົນແຂວງວຽງຈັນເຂົ້າຮ່ວມ.
ກອງປະຊຸມໄດ້ຮັບຟັງການຜ່ານບົດລາຍງານການເມືອງໃນໄລຍະສະໄໜກອງປະຊຸມໃຫ່ຍ ຄັ້ງທີ II (2018-2023) ທີຜ່ານມາ ແລະ ທິດທາງແຜນການຄາດໜາຍສູ້ຊົນໃນໄລຍະ 05 ປີຕໍ່ໜ້າ ( 2023-2027) ໂດຍສະເພາະສະໄໜກອງປະຊຸມໃຫ່ຍຄັ້ງທີ III ເຊິ່ງຍົກໃຫ້ເຫັນຕະຫຼອດການຈັດຕັ້ງປະຕິບັດມະຕິກອງປະຊູມໃຫ່ຍຄັ້ງທີ II ຂອງໜ່ວຍສະຫະພັນແມ່ຍິງສະພາປະຊາຊົນແຂວງວຽງຈັນ ພາຍໄຕ້ການຊີ້ນໍາ-ນໍາພາຂອງຄະນະພັກ ບວກກັບການເປັນເຈົ້າການ ຂອງຄະນະໜ່ວຍສະຫະພັນແມ່ຍິງ ຕໍ່ກັບສະມາຊິກພາຍໃນດ້ວຍການເຂົ້າຮ່ວມເຄື່ອນໄຫວທຸກຂະບວນການທີ່ຕິດພັນກັບວຽກງານວິຊາສະເພາະຂອງຕົນ ແລະ ປະຕິບັດວຽກງານທີ່ການຈັດຕັ້ງຂັ້ນເທິງມອບໜາຍໃຫ້ໄດ້ຮັບຜົນສໍາເລັດຕາມຄາດໜາຍ, ໂດຍຖືເອົາວຽກງານສຶກສາອົບຮົມການເມືອງ – ແນວຄິດ ເປັນພື້ນຖານສໍາຄັນເພື່ອສ້າງໃຫ້ສະມາຊິກພາຍໃນມີຄຸນທາດການເມືອງໜັກແໜ້ນຕໍ່ການຈັດຕັ້ງ, ມີຄຸນສົມບັດສິນທໍາປະຕິວັດ, ມີສະຕິລະວັງຕົວຕໍ່ກົນອຸບາຍຫັນປຽນໂດຍສັນຕິຂອງສັດຕູຂອງ ແລະ ກຸມຄົນບໍ່ດີ ,ນໍາເອົາແນວທາງນະໂຍບາຍຂອງພັກ,ລະບຽບກົດໝາຍຂອງລັດ ໂດຍສະເພາະ ມະຕິກອງປະຊຸມໃຫ່ຍຄັ້ງທີ XI ຂອງພັກ, ມະຕິກອງປະຊຸມໃຫ່ຍຄັ້ງທີ VI ຂອງອົງຄະນະພັກແຂວງ.
ໜ່ວຍສະຫະພັນແມ່ຍິງສະພາປະຊາຊົນແຂວງວຽງຈັນ ໄດ້ເອົາໃຈໃສ່ນໍາເອົາເນື້ອໃນການຈັດຕັ້ງປະຕິບັດຂໍ້ແຂ່ງຂັນ 3 ດີ, ຜົນລະເມືອງດີ, ພັດທະນາດີ, ສ້າງຄອບດີມີຄວາມພາສຸກ, ຂອງສະຫະພັນແມ່ຍິງສະພາປະຊາຊົນແຂວງ ຢ່າງເປັນປົກກະຕິ ໄປຄຽງຄູກັນນັ້ນສະມາຊິກແມ່ຍິງພວກເຮົາໄດ້ເອົາໃຈໃສ່ ປະກອບສ່ວນເຂົ້າໃນວຽກງານຕ່າງໆ ຂອງພັກ-ລັດ ແລະ ມີຜົນງານດີເດັ່ນໃນການປະກອບສ່ວນ ດ້ານເຮື່ອແຮງສະຕິປັນຍາເຂົ້າໃນຂະບວນການແຂ່ງຂັນຍ້ອງຍໍເຊັນ: ໄດ້ຮັບຫຼຽນໄຊແຮງງານຊັ້ນ II ຈໍານວນ 5 ທ່ານ, ຊັ້ນ III ຈໍານວນ 3 ທ່ານ , ຫຼຽນກາແຮງງານ ຈໍານວນ 4 ທ່ານ, ຍ້ອງຍໍລັດຖະບານ ຈໍານວນ 4 ທ່ານ, ຍ້ອງຍໍຈາກແມ່ຍິງແຂວງ ຈໍານວນ 4 ຄັ້ງ 16 ທ່ານ, ຍ້ອງຍໍຂອງອົງການປົກຄອງແຂວງປະຈໍາປີ 2 ຄັ້ງ 16 ທ່ານ ຈາກນັ້ນກອງປະຊຸມໄດ້ເປັນເອກະສັນກັນຢ່າງສົມບູນ ຮັບຮອງເອົາການເລືອກຕັ້ງປ່ອນບັດເລືອກຕັ້ງ ຄະນະໜ່ວຍສະຫະພັນແມ່ຍິງຊຸດໄໜ່ ສະໄໜທີ III ເຊິ່ງປະກອບມີ 3 ສະຫາຍ ເລືອກເອົາ ທ່ານ ນາງ ເພັດສະໜອນ ສຸທໍາມະວົງ ເປັນປະທານ ຮັບຜິດຊອບຊິນໍາລວມ, ທ່ານ ນາງ ແສງປະເສີດ ສຸທໍາມະວົງ ເປັນຮອງຮັບຜິດຊອບວຽກງານກວດກາ , ທ່ານ ນາງ ບູລາຕີ ແສນທະວົງ ເປັນຄະນະ ຮັບຜິດຊອບວຽກງານສະຖິຕິ, ແຕ່ງຕັ້ງຜູ້ຊ່ວຍ 1 ທ່ານ ຄື: ທ່ານ ນາງ ຕິກ ພອນດາວັນ ເປັນຜູ້ຊ່ວຍວຽກງານກວດກາ.
ພາບ-ຂ່າວ ໂດຍ ນາງ ບູລາຕີ ແສນທະວົງ 