(ສພຊ) – ກອງປະຊຸມໃຫຍ່ຄັ້ງທີ II ຂອງສະຫະພັນແມ່ຍິງຮາກຖານກໍາມາທິການບັນດາເຜົ່າ (ກບຜ) ໄດ້ຈັດຂຶ້ນໃນຕອນເຊົ້າວັນອັງຄານທີ 09 ກໍລະກົດຜ່ານມາ ທີ່ຫ້ອງຖະແຫຼງຂ່າວສະພາແຫ່ງຊາດ (ສພຊ) ໂດຍການເປັນປະທານຮ່ວມຂອງສະຫາຍ ນາງ ທັດສະດາພອນ ຈັນທະມາດ ຮອງເລຂາ, ປະທານກວດກາໜ່ວຍພັກຮາກຖານກໍາມາທິການບັນດາເຜົ່າ, ສະຫາຍ ນາງ ມະນີວັນ ເຍຍປາວເຮີ ກຳມະການຄະນະບໍລິຫານງານສູນກາງສະຫະ ພັນແມ່ຍິງລາວ, ປະທານສະຫະພັນແມ່ຍິງສະພາແຫ່ງຊາດ ແລະ ສະຫາຍ ນາງ ສີສະໝຸດ ຈັນທະວົງ ຫົວໜ້າໜ່ວຍແມ່ຍິງຮາກຖານກຳມາທິການບັນດາເຜົ່າ; ມີບັນດາສະຫາຍຈາກໜ່ວຍແມ່ຍິງຮາກຖານພາຍໃນ ສພຊ, ຕາງໜ້າໜ່ວຍອົງການຈັດຕັ້ງມະຫາຊົນພາຍໃນ ກບຜ ເຂົ້າຮ່ວມທັງໝົດ 32 ສະຫາຍ, ຍິງ 28 ສະຫາຍ.
ກອງປະຊຸມໄດ້ຄົ້ນຄວ້າ, ພິຈາລະນາ ແລະ ຮັບຮອງເອົາບົດລາຍງານການເມືອງ ນັບທັງຜົນສໍາເລັດ, ຂໍ້ຄົງ ຄ້າງ ແລະ ບົດຮຽນທີ່ຖອດຖອນໄດ້ ໃນໄລຍະ 7 ປີຜ່ານມາ (2018-2024) ແລະ ທິດທາງ, ຄາດໝາຍສູ້ຊົນ ແລະ ວຽກງານຈຸດສຸມແຕ່ລະດ້ານ ໃນການຊີ້ນໍາ-ນໍາພາຂອງສະຫະພັນແມ່ຍິງຮາກຖານ ໄລຍະ 5 ປີຕໍ່ໜ້າ (2024-2028); ຕີລາຄາຕໍ່ບົດສໍາຫຼວດການນໍາພາລວມຂອງຄະນະໜ່ວຍແມ່ຍິງຮາກຖານ ຊຸດທີ I ໃນການເຄື່ອນໄຫວຊີ້ ນໍາ-ນໍາພາຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ I ທີ່ມີຜົນສໍາເລັດຫຼາຍດ້ານ.
ຜູ້ແທນກອງປະຊຸມໃຫຍ່ 12 ສະຫາຍ ໄດ້ໃຊ້ສິດປະຊາທິປະໄຕປ່ອນບັດຄັດເລືອກເອົາຄະນະສະຫະພັນແມ່ຍິງຮາກຖານຊຸດໃໝ່ ທີ່ມີມາດຕະຖານ ແລະ ເງື່ອນໄຂຄົບຖ້ວນ ເຊິ່ງມີຜູ້ສະໝັກເລືອກຕັ້ງ 5 ສະຫາຍ, ເລືອກເອົາ 3 ສະຫາຍ; ກອງປະຊຸມຄັ້ງປະຖົມມະລືກຂອງຄະນະສະຫະພັນແມ່ຍິງຮາກຖານກໍາມາທິການບັນດາເຜົ່າ ຊຸດທີ II ໄດ້ເປັນເອກະພາບເລືອກເອົາສະຫາຍ ນາງ ລາຕີ ບຸດຕະວົງ ເປັນປະທານ, ສະຫາຍ ນາງ ບົວພັນ ພົມມະສານ ເປັນຮອງປະທານ ທັງເປັນປະທານກວດກາ, ສະຫາຍ ນາງ ແສງລະວີ ສໍພາບມີໄຊ ເປັນຄະນະ.
ສະຫາຍ ນາງ ທັດສະດາພອນ ຈັນທະມາດ ໄດ້ສະແດງຄວາມຍ້ອງຍໍຊົມເຊີຍ ແລະ ຮຽກຮ້ອງຄະນະສະ ຫະພັນແມ່ຍິງຊຸດໃໝ່ ສືບຕໍ່ເອົາໃຈໃສ່ປະຕິບັດພາລະບົດບາດຂອງຕົນທີ່ໄດ້ກໍານົດໄວໃນກົດໝາຍ ແລະ ກົດລະ ບຽບຂອງສະຫະພັນແມ່ຍິງລາວ; ສ້າງໂອກາດ ແລະ ເງື່ອນໄຂ ໃຫ້ສະມາຊິກແມ່ຍິງໄດ້ພັດທະນາຕົນເອງທາງດ້ານຄວາມຮູ້, ວິຊາສະເພາະ ແລະ ພາສາຕ່າງປະເທດ; ນໍາພາສະມາຊິກປະຕິບັດມະຕິກອງປະຊຸມໃຫຍ່ຂອງຕົນ ຕິດພັນກັບມະຕິກອງປະຊຸມໃຫຍ່ຂອງສະຫະພັນແມ່ຍິງສະພາແຫ່ງຊາດ ດ້ວຍການຫັນເປັນແຜນງານ, ໂຄງການ, ແຜນກິດຈະກໍາການເຄື່ອນໄຫວ ຕິດພັນກັບໜ້າທີ່ການເມືອງຂອງຕົນ; ສຶກສາອົບຮົມວຽກງານການເມືອງ-ແນວຄິດສະມາ ຊິກແມ່ຍິງ ຢ່າງເລິກເຊິ່ງ, ຕໍ່ເນື່ອງ ແລະ ດ້ວຍຫຼາຍຮູບຫຼາຍວິທີ ໃຫ້ມີຄຸນສົມບັດສິນທໍາປະຕິວັດ, ມີຄວາມອ່ອນນ້ອມຖ່ອມຕົນ, ເຄົາລົບ ແລະ ໃຫ້ກຽດເຊິ່ງກັນແລະກັນ, ຮັກສາກຽດສັກສີ ແລະ ວັດທະນະທໍາທີ່ເປັນເອກະລັກຂອງແມ່ຍິງລາວ; ເສີມຂະຫຍາຍທ່າແຮງຄວາມຮູ້ຄວາມສາມາດ, ກ້າຄິດ ກ້າເຮັດ ກ້າຮັບຜິດຊອບ, ຖືເອົາຜົນສໍາເລັດເປັນໄມ້ຫຼາວັດແທກຄຸນສົມບັດ, ຄວາມຮູ້ຄວາມສາມາດ ໃນການພັດທະນາຕົນເອງ ແລະ ຄອບຄົວ ໃຫ້ນັບມື້ນັບຈະເລີນຮຸ່ງເຮືອງຂຶ້ນໄປເລື້ອຍໆ; ເອົາໃຈໃສ່ປັບປຸງການຈັດຕັ້ງໃຫ້ໜັກແໜ້ນ, ເຂັ້ມແຂງໃນທຸກດ້ານ, ປັບປຸງແບບແຜນການນໍາພາ, ແບບແຜນວິທີເຮັດວຽກ ໃຫ້ມີແຜນການ, ແຜນງານ, ມີການຊຸກຍູ້, ຕິດຕາມກວດກາ, ປະເມີນ, ສະຫຼຸບຖອດຖອນບົດຮຽນໃນແຕ່ລະໄລຍະຢ່າງພາວະວິໄສ; ຕັ້ງໜ້າປະຕິບັດຂໍ້ແຂ່ງຂັນ 3 ດີ ຕິດພັນກັບຂໍ້ແຂ່ງຂັນ ຮັກຊາດ ແລະ ພັດທະນາ; ປະສານສົມທົບກັບຄະນະໜ່ວຍພັກຮາກຖານ ໃນການສ້າງພະນັກງານເພດຍິງໃຫ້ມີຄວາມເຂັ້ມແຂງ, ກ້າວໜ້າໃນທຸກດ້ານ ເພື່ອໃຫ້ສະມາຊິກແມ່ຍິງມີມາດຕະຖານຄົບຖ້ວນ ໄດ້ບັນຈຸສັບຊ້ອນເຂົ້າໃນຕໍາແໜ່ງພະນັກງານນໍາພາ-ຄຸ້ມຄອງໃຫ້ຫຼາຍຂຶ້ນ.
ກອງປະຊຸມໃຫຍ່ຄັ້ງທີ II ຂອງສະຫະພັນແມ່ຍິງຮາກຖານກໍາມາທິການບັນດາເຜົ່າ ຮຽກຮ້ອງບັນດາສະ ຫາຍສະມາຊິກ ຈົ່ງເພີ່ມທະວີຄວາມສາມັກຄີ, ເຊີດຊູຄວາມຮັບຜິດຊອບໃຫ້ສູງຂຶ້ນ, ສຸມສະຕິປັນຍາ, ຫົວຄິດປະ ດິດສ້າງ ແລະ ເຫື່ອແຮງ ເພື່ອສູ້ຊົນປະຕິບັດທິດທາງ, ຄາດໝາຍ ທີ່ກອງປະຊຸມໃຫຍ່ຄັ້ງທີ II ວາງອອກ ໃຫ້ປາກົດຜົນເປັນຈິງ.
(ພາບ-ຂ່າວ: ອານຸສອນ ພູມມີທອນ)