ກອງປະຊຸມໃຫຍ່ຄັ້ງທີ່ III ສະຫະພັນແມ່ຍິງຮາກຖານສະພາປະຊາຊົນແຂວງ ໄດ້ໄຂຂື້ນໃນຕອນບ່າຍວັນທີ 13 ກໍລະກົດ 2023 ທີ່ຫ້ອງປະຊຸມຂອງສະພາປະຊາຊົນແຂວງຫຼວງນໍ້າທາ ໂດຍການເປັນປະທານຂອງທ່ານ ນາງ ຄອນສະຫວັນ ອີນທອງຈັນ ຮອງປະທານສະຫະພັນແມ່ຍິງຮາກຖານສະພາປະຊາຊົນແຂວງ ເປັນກຽດເຂົ້າຮ່ວມກອງປະຊຸມ ມີທ່ານ ນາງ ອຸ່ນຫຼ້າ ອຽງລໍລາດ ກຳມະການພັກແຂວງ, ເລຂາໜ່ວຍພັກສະພາປະຊາຊົນແຂວງ, ຮອງປະທານສະພາປະຊາຊົນແຂວງ ມີທ່ານນາງ ອຳພັນ ສໍແສງອີນ ຮອງປະທານສະຫະພັນແມ່ຍິງແຂວງ, ປະທານກວດກາ ບັນດາທ່ານຕາງໜ້າສະຫະພັນແມ່ຍິງແຂວງ, ໜ່ວຍສະພັນແມ່ຍິງອ້ອມຂ້າງແຂວງທີຖືກເຊີນ, ອົງການໄອຍາການປະຊາຊົນແຂວງ, ສານປະຊາຊົນແຂວງ, ພະແນກຍຸຕິທຳແຂວງ ແລະ ອົງການຈັດຕັ້ງມະຫາຊົນ ສະພາປະຊາຊົນແຂວງຕະຫຼອດຮອດສະມາຊິກສະ ຫະພັນແມ່ຍິງພາຍໃນສະພາປະຊາຊົນແຂວງເຂົ້າຮ່ວມລວມທັງໝົດ 24 ທ່ານ, ຍິງ 23 ຄົນ.
ກອງປະຊຸມໄດ້ຮັບຟັງການຜ່ານຂໍ້ຕົກລົງສະບັບເລກທີ່ 45/ສຍຂ ວ່າດ້ວຍການອະນຸມັດເປີດກອງປະຊຸມໃຫຍ່ຄັ້ງໃຫຍ່ທີ່ III ສະຫະພັນແມ່ຍິງຂັ້ນຮາກຖານສະພາປະຊາຊົນແຂວງປະຈໍາປີ 2023; ຜ່ານຮ່າງບົດສະຫລຸບການເຄື່ອນໄຫວວຽກງານໃນໄລຍະ 5 ປີ ແລະ ທິດທາງແຜນການ 5 ປີ ຕໍ່ໜ້າຂອງສະພັນແມ່ຍິງຂັ້ນຮາກຖານສະພາປະຊາຊົນແຂວງປະຈຳປີ 2023 ຊຶ່ງມີສະມາຊິກສະຫະພັນແມ່ຍິງທັງໝົດ 23 ສະຫາຍ, ຕະຫລອດໄລຍະ 5 ປີຜ່ານມາເອື້ອຍນ້ອງແມ່ຍິງພາຍໃນຮາກຖານ ໄດ້ເຄື່ອນໄຫວຕາມພາລະບົດບາດ, ໜ້າທີ່ວິຊາສະເພາະຂອງຕົນສັງກັດຢູ່ບັນດາຂະແໜງຢ່າງຕັ້ງໜ້າ, ບຸກບືນຕໍ່ໜ້າທີ່ວຽກງານທີ່ໄດ້ຖຶກມອບໝາຍສຳເລັດຫລາຍດ້ານເປັນຕົ້ນວຽກງານຂໍ້ແຂ່ງຂັນ 3 ດີ ພົນລະເມືອງດີ 100%, ພັດທະນາດີ 98%, ສ້າງຄອບຄົວດີ 98% ແລະ ບຸກຄົນ 3 ດີ ປະເພດI 20 ຄົນ, ບຸກຄົນ 3 ດີປະເພດII 3 ຄົນ ແລະ ວຽກງານອື່ນໆ ໄດ້ສຳເລັດຫລາຍດ້ານ.
ຈາກນັ້ນ ຜູ້ແທນກອງປະຊຸມໄດ້ປະກອບຄຳຄິດຄໍາເຫັນໃສ່ຮ່າງບົດຫຼຸບຢ່າງກົງໄປກົງມາເພື່ອເຮັດໃຫ້ບົດສະຫລຸບມີເນື້ອໃນຄົບຖ້ວນສົມບູນຂື້ນກວ່າເກົ່າ; ພ້ອມດຽວກັນ ຄະນະແມ່ຍິງຊຸດເກົ່າຂື້ນຜ່ານບົດສຳຫຼວດການນໍາພາລວມພ້ອມລາໜ້າທີ່ ແລະ ຕາງໜ້າສະຫະພັນແມ່ຍິງຜ່ານມາດຖານເງື່ອນໄຂ ແລະ ເປົ້າໝາຍຄະນະຊຸດໃຫມ່ຜູ້ສະໝັກຊຶ່ງລວມທັງໝົດ 5 ທ່ານ, ເລືອກເອົາ 3 ທ່ານ ພ້ອມທັງປະກາດລາຍຊື່ຜູ້ຄວບຄຸມບັດ; ນອກນັ້ນ ໄດ້ຈັດຕັ້ງສະຫະພັນແມ່ຍິງແຂວງປະກາດຜົນການເລືອກຕັ້ງຢ່າງເປັນທາງການຊຶ່ງລວມທັງໝົດ 5 ທ່ານ, ເລືອກເອົາ 3 ທ່ານ ແລະ ຄະນະຊຸດໃຫມ່ຂື້ນຮັບໜ້າທີ່.
ຈາກນັ້ນ ກອງປະຊຸມໄດ້ຮັບຟັງການໂອ້ລົມຂອງທ່ານນາງ ອໍາພັນ ສໍແສງອີນ ຮອງປະທານສະຫະພັນແມ່ຍິງແຂວງ, ປະທານກວດກາ ກ່ອນອື່ນທ່ານໃຫ້ໄດ້ຮູ້ເຖີງຄວາມໝາຍຄວາມສຳຂອງແມ່ຍິງລາວ ແລະ ໄດ້ສະແດງຄວາມຍ້ອງຍໍຊົມເຊີຍຕໍ່ກັບຜົນງານທີ່ຍາດມາ ຊຶ່ງເຫັນໄດ້ເຖີງຜົນສຳເລັດຫລາຍດ້ານ ນອກນັ້ນ ໄດ້ເນັ້ນໜັກໃຫ້ແມ່ຍິງຮາກຖານເອົາໃຈໃສ່ສຶກສາຄົ້ນຄວ້າຮ່ຳຮຽນເຊື່ອມຊຶມເອົາກົດລະບຽບແມ່ຍິງລາວ, ໃຫ້ມີຄວາມສາມັກຄີຮັກແພງຊ່ວຍເຫລືອເຊິ່ງກັນ ແລະ ກັນ, ມີສະຕິລະວັງຕົວຕໍ່ປະກົດການຫຍໍ້ທໍ້ໃນສັງຄົມ ພ້ອມທັງ ຮຽກຮ້ອງໃຫ້ສະຫະພັນແມ່ຍິງຮາກຖານສະພາປະຊາຊົນແຂວງ ຊຸດໃໝ່ເອົາໃຈໃສ່ຊີ້ນຳ-ນຳພາວຽກງານແມ່ຍິງພາຍໃນໃຫ້ມີຜົນສຳເລັດຍິ່ງໆຂຶ້ນ.
ພາບ,ຂ່າວ; ວັນນີ ແຝງບົວວັນ