ໃນຕອນເຊົ້າຂອງວັນທີ 16 ກຸມພາ 2023  ສະພາປະຊາຊົນແຂວງວຽງຈັນ ໄດ້ເຜີຍແຜ່ເຊື່ອມຊຶມຜົນສໍາເລັດກອງປະຊຸມວຽກງານການເມືອງ-ແນວຄິດ ທົ່ວປະເທດ ຄັ້ງທີ V ໂດຍການເປັນປະທານ ຂອງທ່ານ ນາງ ຈັນທະຄອນ ສີອໍາພອນ ຮອງປະທານສະພາປະຊາຊົນແຂວງວຽງຈັນ, ເຂົ້າຮ່ວມຮັບຟັງມີ ຄະນະກໍາມະການ,ຄະນະເລຂາທິການ,ຫົວໜ້າຮອງຫົວໜ້າຂະແໜງ ພ້ອມດ້ວຍສະມາຊິກພັກ, ພະນັກງານທັງໜົດພາຍໃນສະພາປະຊາຊົນແຂວງວຽງຈັນເຂົ້າຮ່ວມຢ່າງພ້ອມພຽງ.

ກອງປະຊຸມໄດ້ນໍາເອົາເອກະສານທີສໍາຄັນມາຈັດຕັ້ງເຊື່ອມຊຶມຄື:  1.ເອກະສານ ບົດສະຫຼຸບຕີລາຄາສະພາບການຈັດຕັ້ງປະຕິບັດວຽກງານການເມືອງແນວຄິດ ໄລຍະແຕ່ປີ 2003-2022 ແລະ ທິດທາງຮອດປີ 2025; 2.ເອກະສານ ມະຕິກອງປະຊຸມວຽກງານການເມືອງ-ແນວຄິດ ທົ່ວປະເທດ ຄັ້ງທີ V; 3. ເອກະສານ ວ່າດ້ວຍການຍົກສູງຄຸນນະພາບວຽກງານການເມືອງ-ແນວຄິດ ໃນໄລຍະໃໜ່ ເຂົ້າໃນຊິວິດສັງຄົມຕົວຈິງ; 4.ເອກະສານ ບົດຄໍາເຫັນຊີ້ນໍາ ແລະ ກ່າວປິດກອງຂອງ ສະຫາຍ ທອງລຸນ ສີສຸລິດ ເລຂາທິການໃຫ່ຍ ຄະນະບໍລິຫານງານສູນກາງພັກ,ປະທານປະເທດ ຕໍ່ກອງປະຊຸມວຽກງານການເມືອງ-ແນວຄິດ ທົ່ວປະເທດ ຄັ້ງທີ V.

ຈຸດປະສົງ:  ເພື່ອເຮັດໃຫ້ບັນດາສະມາຊິກພັກ, ພະນັກງານ-ລັດຖະກອນພາຍໃນສະພາປະຊາຊົນແຂວງ ໄດ້ຮັບຮູ້, ເຂົ້າໃຈ, ເຊື່ອມຊຶມກໍາແໜ້ນວຽກງານການເມືອງ-ແນວຄິດ ຢູ່ໃນການຈັດຕັ້ງພັກທຸກຂັ້ນ, ເຊິ່ງຕິດພັນກັບການດໍາເນີນການປັບປຸງພາຍໃນຕໍ່ເນືອງ ໂດຍຖືເອົາການຕ້ານແນວຄິດຄອງເດີມ ທັດສະນະການເມືອງທີຜິດເຂວ, ແບບແຜນນໍາພາທີບໍ່ຖຶກຕ້ອງ ກໍ່ຄືຄ່ານິຍົມທີບໍ່ເໜາະສົມ ຢູ່ຖັນແຖວສະມາຊິກພັກ, ບົນພື້ນຖານດັ່ງກ່າວເພື່ອຍົກສູງນໍາໃຈຮັກຊາດ, ນໍ້າໃຈເສຍສະຫຼະເປັນເຈົ້າຕົນເອງ, ເສີມສ້າງຄວາມສາມັກຄີເປັນປຶກແຜນ, ເພີ່ງຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ.