……………………………………………………………….
​(ສພຊ) ກອງປະຊຸມສະໄໝສາມັນເທື່ອທີ 6 ຂອງສະພາປະຊາຊົນແຂວງສະຫວັນນະເຂດ ຊຸດທີ II ໄດ້ເປີດຂຶ້ນໃນວັນທີ 09 ມັງກອນ 2024 ໂດຍການເປັນປະທານຂອງທ່ານ ກົງແກ້ວ ມີວໍລະຈັກ ປະທານສະພາປະຊາຊົນແຂວງ (ສພຂ), ປະທານຄະນະສະມາຊິກສະພາແຫ່ງຊາດ (ສສຊ) ປະຈຳເຂດເລືອກຕັ້ງທີ 13 ໂດຍມີບັນດາການນຳພັກ -ລັດຂັ້ນແຂວງ, ອະດີດການນຳຂອງແຂວງຂອງເມືອງ, ຄະນະ ສສຊ ປະຈໍາເຂດເລືອກຕັ້ງ, ສະມາຊິກສະພາປະຊາຊົນແຂວງ (ສສຂ) ແລະ ແຂກຖືກເຊີນເຂົ້າຮ່ວມຈຳນວນຫຼາຍ.
ໃນຕອນເຊົ້າວັນທີ 09 ມັງກອນ, ກອງປະຊຸມໄດ້ຮັບຟັງການລາຍງານໂດຍສັງເຂບກ່ຽວກັບສະພາບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດຂອງແຂວງ ປະຈຳປີ 2023 ແລະ ທິດທາງແຜນ ການປະຈໍາປີ 2024 ສະເໜີໂດຍທ່ານເຈົ້າແຂວງໆສະຫວັນນະເຂດ; ບົດລາຍງານກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມຂອງແຂວງ ປະຈຳປີ 2023 ແລະ ທິດທາງແຜນການປະຈໍາປີ 2024 ຈາກທ່ານຫົວໜ້າພະແນກແຜນການ ແລະ ການລົງທຶນແຂວງ; ບົດລາຍງານກ່ຽວກັບການຈັດຕັ້ງປະຕິບັດແຜນງົບປະມານແຫ່ງລັດຂອງແຂວງ ປະຈຳປີ 2023 ແລະ ທິດທາງແຜນການປະຈໍາປີ 2024 ຈາກທ່ານຫົວໜ້າພະແນກການເງິນແຂວງ; ບົດປະ ກອບຄຳເຫັນຂອງຄະນະປະຈຳ ສພຂ ຕໍ່ບົດລາຍງານຂອງອົງການປົກຄອງແຂວງກ່ຽວກັບການຈັດຕັ້ງປະຕິບັດແຜນພັດ ທະນາເສດຖະກິດ-ສັງຄົມ ແລະ ແຜນງົບປະມານແຫ່ງລັດຂອງແຂວງ ຈາກທ່ານຮອງປະທານ ສພຂ. ພາຍຫຼັງທ່ານປະ ທານກອງປະຊຸມໄດ້ມີຄຳເຫັນເຈາະຈີ້ມ ແລະ ໃຫ້ທິດຊີ້ນໍາໃນການຄົ້ນຄວ້າປະກອບຄຳເຫັນຕໍ່ວຽກງານຂອງອົງການປົກ ຄອງແຂວງ, ບັນດາ ສສຂ ແລະ ສສຊ ໄດ້ປະກອບຄຳເຫັນຕໍ່ 03 ບົດລາຍງານດັ່ງກ່າວຢ່າງຟົດຟື້ນ; ຈາກນັ້ນ, ຕາງໜ້າອົງການປົກຄອງແຂວງ ກໍໄດ້ມີການຊີ້ແຈງ.
ກອງປະຊຸມຍັງຈະສືບຕໍ່ດຳເນີນໄປຮອດວັນທີ 12 ມັງກອນ ໂດຍຈະສືບຕໍ່ຮັບຟັງບົດລາຍງານກ່ຽວກັບການຈັດ ຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ ໄລຍະ 3 ປີຜ່ານມາ (2021-2023) ຈາກທ່ານຮອງເຈົ້າແຂວງ ຜູ້ຊີ້ນໍາວຽກງານເສດຖະກິດ; ບົດລາຍງານກ່ຽວກັບການຈັດຕັ້ງປະຕິບັດວາ ລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ໄລຍະ 3 ປີຜ່ານມາ (2021-2023) ຈາກທ່ານຫົວໜ້າກອງບັນຊາການປ້ອງກັນຄວາມສະຫງົບແຂວງ; ບົດລາຍງານກ່ຽວກັບການຈັດຕັ້ງປະຕິບັດແຜນການເຄື່ອນໄຫວວຽກງານກາງສະ ໄໝຂອງແຜນການ 5 ປີ (2021-2025) ແລະ ທິດທາງແຜນການທ້າຍສະໄໝ ຮອດປີ 2025, ການເຄື່ອນໄຫວວຽກງານປະຈໍາປີ 2023 ແລະ ທິດທາງແຜນການປະຈໍາປີ 2024, ບົດລາຍງານຜົນການກວດສອບບົດສະຫຼຸບຂາດຕົວການ ຈັດຕັ້ງປະຕິບັດແຜນງົບປະມານແຫ່ງລັດປະຈຳປີ 2022 ຈາກທ່ານປະທານອົງການກວດສອບປະຈໍາພາກກາງ 2; ບົດລາຍງານກ່ຽວກັບການຈັດຕັ້ງປະຕິບັດແຜນການເຄື່ອນໄຫວວຽກງານກາງສະໄໝຂອງແຜນການ 5 ປີ (2021-2025) ແລະ ທິດທາງແຜນການທ້າຍສະໄໝ ຮອດປີ 2025, ການເຄື່ອນໄຫວວຽກງານປະຈໍາປີ 2023 ແລະ ທິດທາງແຜນ ການປະຈໍາປີ 2024, ບົດລາຍງານຜົນການກວດກາຕາມຜົນການກວດສອບປະຈຳປີ 2022 ຈາກທ່ານປະທານອົງ ການກວດກາລັດແຂວງ; ບົດລາຍງານກ່ຽວກັບການຈັດຕັ້ງປະຕິບັດການເຄື່ອນໄຫວວຽກງານປະຈຳປີ 2023 ແລະ ທິດທາງແຜນການປະຈຳປີ 2024 ຈາກທ່ານຫົວໜ້າອົງການໄອຍະການປະຊາຊົນແຂວງ; ບົດລາຍງານກ່ຽວກັບການຈັດຕັ້ງປະຕິບັດການເຄື່ອນໄຫວວຽກງານປະຈຳປີ 2023 ແລະ ທິດທາງແຜນການປະຈຳປີ 2024 ຈາກທ່ານປະທານສານປະ ຊາຊົນແຂວງ; ບົດລາຍງານກ່ຽວກັບການປະເມີນການຈັດຕັ້ງປະຕິບັດນິຕິກໍາໃຕ້ກົດໝາຍ ຈໍານວນ 04 ສະບັບ (ຂໍ້ຕົກ ລົງຂອງທ່ານເຈົ້າແຂວງ ວ່າດ້ວຍການຄຸ້ມຄອງເຂດສະຫງວນທາງຫຼວງໃນແຂວງສະຫວັນນະເຂດ; ຂໍ້ຕົກລົງຂອງທ່ານເຈົ້າແຂວງ ວ່າດ້ວຍການຄຸ້ມຄອງການບໍລິການ, ຮ້ານອາຫານ, ຮ້ານກິນດື່ມ ແລະ ຮ້ານບັນເທີງ; ຂໍ້ຕົກລົງຂອງທ່ານເຈົ້າ ແຂວງ ວ່າດ້ວຍການສົ່ງເສີມ, ຄຸ້ມຄອງວິສາຫະກິດຂະໜາດນ້ອຍ ແລະ ກາງ; ຄໍາສັ່ງຂອງທ່ານເຈົ້າແຂວງ ກ່ຽວກັບການເພີ່ມທະວີຄຸ້ມຄອງວຽກງານອາຊີບ-ພາຫະນະພິເສດ) ຈາກທ່ານຮອງເຈົ້າແຂວງ ຜູ້ຊີ້ນໍາວຽກງານວັດທະນະທໍາ-ສັງຄົມ; ບົດລາຍງານການຈັດຕັ້ງປະຕິບັດການເຄື່ອນໄຫວວຽກງານປະຈໍາປີ 2023 ແລະ ທິດທາງແຜນການປະຈໍາປີ 2024 ຂອງສະພາປະຊາຊົນແຂວງ ຊຸດທີ II ແລະ ພິຈາລະນາ, ຮັບຮອງເອົາການສ້າງ ແລະ ປັບປຸງນິຕິກຳໃຕ້ກົດໝາຍ ຈຳນວນ 02 ສະບັບ ຄື: ຂໍ້ຕົກລົງຂອງທ່ານເຈົ້າແຂວງ ວ່າດ້ວຍການຄຸ້ມຄອງກອງທຶນສັງຄົມສົງເຄາະແຂວງ (ສະບັບປັບປຸງ), ຮ່າງຂໍ້ຕົກລົງຂອງທ່ານເຈົ້າແຂວງ ວ່າດ້ວຍການມີສ່ວນຮ່ວມຂອງສັງຄົມຕໍ່ການສຶກສາກ່ອນໄວຮຽນ ແລະ ສາມັນສຶກສາທົ່ວແຂວງ (ສ້າງໃໝ່); ພິຈາລະນາຮັບຮອງເອົາກົງຈັກການຈັດຕັ້ງ ແລະ ການແຕ່ງຕັ້ງບຸກຄະລາກອນຂອງແຂວງ.
ໃນຕອນທ້າຍຂອງກອງປະຊຸມ, ບັນດາສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນແຂວງ ຈະພິຈາລະນາຮັບຮອງເອົາບັນດາມະຕິວ່າດ້ວຍແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດຂອງແຂວງ, ມະຕິການປະເມີນການຈັດຕັ້ງການປະຕິບັດນິຕິກຳໃຕ້ກົດໝາຍຈຳນວນ 04 ສະບັບ, ມະຕິກ່ຽວກັບການເຄື່ອນໄຫວວຽກງານຂອງສະພາປະຊາຊົນແຂວງ ປະຈຳປີ 2023 ແລະ ທິດທາງແຜນການປີ 2024 ແລະ ມະຕິຈຳນວນໜຶ່ງອີກດ້ວຍ.
(ພາບ ແລະ ຂ່າວ: ນາງ ກຸກກິກ ບຸດດາໄຊ)