ກອງປະຊຸມສະໄໝສາມັນເທື່ອທີ 6 ຂອງສະພາປະຊາຊົນແຂວງບໍລິຄຳໄຊ ຊຸດທີ II ໄດ້ໄຂຂື້ນຢາງເປັນທາງການ ໃນຕອນເຊົ້າຂອງວັນທີ 27 ທັນວາ 2023 ຢູ່ທີ່ສະພາປະຊາຊົນແຂວງບໍລິຄຳໄຊ ພາຍໃຕ້ການເປັນປະທານຂອງທ່ານ ສຸວັນນີ ໄຊຊະນະ ຮອງເລຂາພັກແຂວງ ປະທານສະພາປະຊາຊົນແຂວງບໍລິຄຳໄຊ ກອງປະຊຸມໄດ້ເປັນກຽດຕ້ອນຮັບທ່ານ ນາງ ປິ່ງຄໍາ ລາຊະສິມມາ ກຳມະການສູນກາງພັກ ຄະນະປະຈໍາສະພາແຫ່ງຊາດ ເລຂາທິການສະພາແຫ່ງຊາດ ສະມາຊິກສະມາຊິກສະພາແຫ່ງຊາດ ປະຈຳເຂດເລືອກຕັ້ງທີ 11 ແຂວງບໍລິຄຳໄຊ, ທ່ານ ກອງແກ້ວ ໄຊສົງຄາມ ກຳມະການສູນກາງພັກ ເລຂາຄະນະບໍລິຫານງານພັກແຂວງ ເຈົ້າແຂວບໍລິຄໍາໄຊ ມີບັນດາ ທ່ານສະມາຊິກສະພາແຫ່ງຊາດ , ສະມາຊິກສະພາປະຊາຊົນແຂວງ, ການນໍາຂອງແຂວງ, ການນໍາຂອງເມືອງ ຕາງໜ້າອົງການຈັດຕັ້ງພັກ-ລັດ, ອົງການແນວລາວສ້າງຊາດ, ອົງການຈັດຕັ້ງມະຫາຊົນ ພະນັກງານອາວຸໂສ-ບຳນານ ວິສາຫະກິດທັງພາກລັດແລະເອກະຊົນເຂົ້າຮ່ວມ.
ກອງປະຊຸມຄັ້ງນີ້ ໄດ້ຮັບຟັງການລາຍງານ ກຽ່ວກັບການຈັດຕັ້ງປະຕິບັດວຽກງານທີ່ພົ້ນເດັ່ນ ເປັນຈຸມສຸມບູລິມະສິດຂອງແຂວງ ໃນການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມ ທີ່ມີລັກສະນະຍຸດທະສາດ ປະຈໍາປີ 2023 ແລະ ທິດທາງແຜນການປະຈໍາປີ 2024 ຈາກທ່ານ ກອງແກ້ວ ໄຊສົງຄາມ ເຈົ້າແຂວງບໍລິຄໍາໄຊ ໃນໄລຍະໜຶ່ງປີຜ່ານມາ ເສດຖະກິດຂອງແຂວງ ໄດ້ສືບຕໍ່ຂະຫຍາຍຕົວຢ່າງຕໍ່ເນື່ອງ ສະເລ່ຍໃນລະດັບ 5,27% (ແຜນການ 5,4%) ລວມຍອດຜະລິດຕະພັນພາຍໃນ (GPP) ບັນລຸໄດ້ 11.004 ຕື້ກວ່າກີບ ຂອງແຜນປີ (ແຜນປີ 7.500,75 ຕື້ກີບ) ລາຍໄດ້ສະເລ່ຍຕໍ່ຄົນ 33 ລ້ານກວ່າກີບ ຫຼື ປະມານ 1.631 ໂດລາ ໃນນີ້ຂະແໜງກະສິກໍາ-ປ່າໄມ້ຂະຫຍາຍຕົວ 2,46% ກວມ 32,49% ຂອງ GPP ຂະແໜງອຸດສາຫະກໍາ-ກໍ່ສ້າງ ຖົດຖອຍ -1,10% ກວມ 42,33% ຂອງ GPP (ສາເຫດຍ້ອນມີອຸດສະຫະກໍປຸງແຕ່ງ ຈໍານວນໜຶ່ງໄດ້ຢຸດ ແລະ ຫຼຸດຈໍານວນການຜະລິດເຊັ່ນ ການຜະລິດເຫຼັກເສັ້ນ ການປະກອບເຄື່ອງໃຊ້ໄຟຟ້າ ນອກນັ້ນຍັງມີທຶນຈົດທະບຽນຂອງພາກທຸລະກິດ ແລະ ພາກກໍ່ສ້າງໃນປີ 2023 ຫຼຸດລົງຈໍານວນຫຼາຍ ຖ້າທຽບໃສ່ປິ 2022 ມູນຄ່າປະຈຸບັນເພີ່ມຂື້ນ ຍ້ອນມີການປຽ່ນແປງລາຄາຕົ້ນທຶນການຜະລິດ ແຕ່ດ້ານປະລິມານຜະລິດ ອຸດສະຫະກໍາປຸງແຕ່ງທີ່ເພີ່ມຂຶ້ນຫຼາຍ ແມ່ນຜະລິດຕະພັນຊີ້ນ ຖ້າລົງທຽງໃສ່ໄລຍະດຽ່ວກັນ ຂະແໜງບໍລິການຂະຫຍາຍຕົວ 19,92% ກວມ 25,18% ຂອງ GPP ດ້ານການລົງທຶນຂອງລັດປີ 2023 ແຂວງມີການລົງທຶນຂອງລັດທັງໝົດ ມູນຄ່າ 1.497 ຕື້ກີບ ເທົ່າກັບ 218,34% ຂອງແຜນການ (ມະຕິສະພາຮັບຮອງ ມູນຄ່າ 685,60 ຕື້ກີບ) ການແກ້ໄຂໜີ້ສິນພົ້ນເດັ່ນ ແມ່ນນໍາໃຊ້ເງິນບ້ວງເກີນແຜນປີ 2022 ຈໍານວນໜຶ່ງ ຊໍາລະໃຫ້ໂຄງການລົງທຶນຂອງລັດ 101 ໂຄງການ ປະຈຸບັນແຂວງສາມາດແກ້ໄຂໜີ້ສິນການລົງທຶນຂອງລັດ ໄດ້ທັງໝົດ 368,39 ຕື້ກີບ ເທົ່າກັບ 53,88% ທີ່ກໍານົດໃນວາລະແຫ່ງຊາດ (ແຜນການ 696,43 ຕື້ກີບ) ການລົງທຶນເອກະຊົນພາຍໃນ ແລະ ຕ່າງປະເທດ ອອກອານຸຍາດໃຫ້ຜູ້ລົງທຶນພາກເອກະຊົນທັງພາຍໃນ ແລະ ຕ່າງປະເທດ ເຂົ້າມາລົງທຶນມີທຶນສະເໜີທັງໝົດ 1.587 ຕື້ກີບ ຈັດຕັ້ງປະຕິບັດໄດ້ 421,3 ຕື້ກີບ ທຽບໃສແຜນປະຕິບັດໄດ້ 94,7%(ແຜນປີ 444,74 ຕືກີບ) ທຶນຊ່ວຍເຫຼືອທາງການ ເພື່ອການພັດທະນາ ປະຈຸບັນມີທຶນທາງການ ເພື່ອພັດທະນາທັງໝົດ 20 ໂຄງງການ ມີມູນຄ່າ 52,82 ຕື້ກີບ ທຽບໃສ່ແຜນເທົ່າກັບ 76,41% ຂອງແຜນການ(ແຜນ 69,12 ຕື້ກີບ) ການລົງທຶນຈາກລະບົບການເງິນ-ເງິນຕາ ບັນດາສາຂາທະນາຄານພານຍໃນແຂວງ ສາມາດລະດົມເງິນຝາກສະສົມໄດ້ 4.213,6 ຕື້ກີບ ປ່ອຍກູ້ 349,34 ຕື້ກີບ ທຽບໃສ່ແຜນປະຕິບັດໄດ້ 82%(ແຜນປີ 425,77 ຕື້ກີບ) ແລະ ວຽກງານອື່ນໆ.
ຂ່າວ-ພາບ: ໂສລະຢ໋າ
