ໃນ​ວັນ​ທີ 12 ສິງ​ຫາ 2022 ຢູ່​ທີ່​ຫ້ອງ​ປະ​ຊຸມ​ພະ​ແນກ​ຊັບ​ພະ​ຍາ​ກອນ​ທຳ​ມະ​ຊາດ ແລະ ສິ່ງ​ແວດ​ລ້ອມ​ແຂວງ ໄດ້​ເປີດກອງ​ປະ​ຊຸມ​ຝຶກ​ອົບ​ຮົມ​ການ​ນຳ​ໃຊ້​ປຶ້ມ​ຄູ່​ມື 2 ສະ​ບັບ​ຂອງ​ສະ​ພາ​ແຫ່ງ​ຊາດ ໃຫ້​ແກ່​ສະ​ມາ​ຊິກ​ສະ​ພາ​ແຫ່ງ​ຊາດ ແລະ ສະ​ພາ​ປະ​ຊາ​ຊົນ​ແຂວງ ຂຶ້ນ​ໂດຍ​ການ​ເປັນ​ປະ​ທານ​ຂ​ອງ​ທ່ານ  ສຸ​ບັນ ສະ​ວະ​ບຸດ ປະ​ທານ​ກຳ​ມາ​ທິ​ການ ວຽກ​ງານ​ສະ​ມາ​ຊິກ​ສະ​ແຫ່ງ​ຊາດ, ໃຫ້​ກຽດ​ເຂົ້າ​ຮ່ວມວ​ຂອງ​ທ່ານ ວຽງ​ໄຊ ສີ​ວິ​ໄລ ຮອງ​ປະ​ທານ​ສະ​ພາ​ປະ​ຊາ​ຊົນ​ແຂວງ​ຊຽງ​ຂວາງ, ມີ​ຮອງ​ປະ​ທານ​ສະ​ພາ​ປະ​ຊາ​ຊົນ​ແຂວງ​ຜົ້ງ​ສາ​ລີ, ສະ​ມາ​ຊິກ​ສະ​ພາ​ປະ​ຊາ​ຊົນ​ແຂວງ ປະ​ຈຳ​ເຂດ​ເລືອກ 7 ເມືອງ ຂອງ​ແຂວງ​ຊຽງ​ຂວາງ ​ແລະ ຜົ້ງສາລີ​, ຫົວ​ໜ້າ-ຮອງ​ຫົວ​ໜ້າ​ກົມ​, ພະ​ນັກ​ງານ​ຂອງ​ສະ​ພາ​ປະ​ແຫ່ງ​ຊາດ, ພະ​ນັກ​ງານ​ຊ່ວຍ​ວຽກ​ປະ​ຈຳ​ເມືອງ ແລະ ພະ​ນັກ​ງານ​ສະ​ພາ​ປະ​ຊາ​ຊົນ​ແຂວງ​ຊຽງ​ຂວາງ​ເຂົ້າ​ຮ່ວມ.

ເພື່ອ​ເຮັດ​ໃຫ້ການ​ຮ່າງປຶ້ມ​ຄູ່​ມື 2 ສະບັບດັ່ງກ່າວ​ຮັບປະກັນ​ຄວາ​ມຖື​ກຕ້ອງ​ສອດຄ່ອງ​ກັບ​ສະພາບ​ຄວາມ​ເປັນ​ຈິງ ​ແລະ ສາມາດ​ຈັດ​ຕັ້ງ​ປະຕິບັດ​ໄດ້, ເຮັດ​ໃຫ້​ຮ່າງ​ຄູ່​ມື​ດັ່ງກ່າວ​ຂອງສສຊ, ສສຂ ​ໄດ້​ຜ່ານ​ການ​ທາ​ບທາມ, ທົດ​ລອງ​ໃນ​ການ​ນໍາ​ໄປ​ຈັດ​ຕັ້ງ​ປະຕິບັດ​ຕົວ​ຈິງ ​ແລະ ​ເປັນ​ການ​ຖອດ​ຖອນ​ບົດຮຽນ​ໃຫ້​ດີ​ຂຶ້ນ ແລະ ເພື່ອຢາກໄດ້ຄຳຄິດເຫັນຈາກປະຊາຊົນຜູ້ທີ່ຈະ​ໄດ້​ຮັບ​ຜົນ​ປະ​ໂຫຍດ​ຈາກປຶ້ມຄູ່ມືດັ່ງກ່າວ, ເອ​ກະ​ສານ​ທີ່​ນຳ​ມາ​ຝຶກ​ໃນ​ຄັ້ງ​ນີ້​ມີ: ປຶ້ມ​ຄູ່​ມື​ການ​ພົບ​ປະ​ກັບ​ປະ​ຊ​າ​ຊົນ ຂອງ​ສະ​ມາ​ຊິກ​ສະ​ພາ​ແຫ່ງ​ຊ​າດ ແລະ ສະ​ມາ​ຊິກ​ສະ​ພາ​ປະ​ຊາ​ຊົນ​ແຂວງ ແລະ ປຶ້ມ​ຄູ່​ມື​ວຽກ​ງານ​ສາຍ​ດ່ວນ. ໃນ​ທີ່​ປະ​ຊຸມ​ບັນ​ດາ​ຜູ້​ແທນກອງ​ປະ​ຊຸມ​ໄດ້​ມີ​ຄຳ​ເຫັນ​ແລກ​ປ່ຽນ​ເຊິ່ງ​ກັນ ແລະ ກັນ ເປັນ​ຕົ້ນ​ແມ່ນ: ວິທີການລົງພົບປະປະຊາຊົນ, ການ​ແກ້​ໄຂ​ບັນ​ດາ​ຄຳ​ສະ​ເໜີ​ຂອງ​ປະ​ຊາ​ຊົນ​ໃນ​ໄລ​ຍະ​ລົງ​ເຜີຍ​ແຜ່, ​ການ​ແຈ້ງ​ໃຫ້​ປະຊາ​ຊົນ​ເຂົ້າ​ຮ່ວມ, ການ​ຈັດ​ຕັັ້ງ​ປະ​ຕິ​ວັດ​ວຽກ​ງານ​ສາຍ​ດ່ວນ​ໃນ​ໄລ​ຍະ​ຜ່ານ​ມາ, ວິ​ທີ​ການ​ຕອບ​ຄຳ​ເໜີ​ຂອງ​ປະ​ຊາ​ຊົນ​ຜ່ານ​ໂທ​ລະ​ສັບ​ສາຍ​ດ່ວນ ແລະ ອື່ນໆ. ນອກນີ້ບັນດາທ່ານສະມາຊິກສະພາປະຊາຊົນແຂວງ ປະຈໍາເຂດເລືອກຕັ້ງເມືອງ ທີ່ໄດ້ຝຶກອົບຮົມ ຍັງຈະຕ້ອງນໍາເອົາບົດຮຽນດັ່ງກ່າວໄປລົງພົບປະປະຊາຊົນຕົວຈິງ.

ສະພາປະຊາຊົນແຂວງຊຽງຂວາງ

ຂ່າວໂດຍ: ນາງ ສຸກສະຫວັນ ອິນທະແສງ